HEBRENA 9:12 - Boy Lonana

¹² Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

HEBRENA 9:12 ပူးပေါင်းရင်းမြစ်များ

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 4:3

«Lini mul ŋgol ma li ɓivunna ma fuurum ki u mbulnana li cora ni namu ni, u coom ndaɗta a mbaa cora kay suu halaŋŋa ni, nam vi bolo mbutl ma bay ŋgulla egemma, mbaaram fok Yawe a li ɓivunna kay dla coombara.

DLAŊ LEVIRA 8:2

«Yow gi Aaron u goryomu, yow barawi suu vi muli suu li ɓivunna u mbul ma fuura, vi bolo mbutl ma li ɓivunna kay cora, yow gamlagi timigiina mba may, tli goo kaalamba fu ma bay kuffa dukumma, ɦura may.

DLAŊ LEVIRA 9:15

Ŋgoo dagan Aaron tuɗ ɓivun ma vi suu halaŋŋa fok Bu Suuna. Nam vi ɦu ŋgekŋa a li ɓivun ma bulum cora vi suuna kina. Nam ŋgaɗamu, ni a va ma ɓivun ma fok jewna.

ZAKARI 3:9

Gasi gologi gogoyra an haɗ maŋ Josuwe wanna. Iira tini kay gogoy ta dew ndaɗta na kiɗisiya. An tanda hin tiniɗ ndalaɗu. Yawe, ma Saɓakŋa Kom Belna, di na, an hin bulum suluk ma hu mbas ndaɗtana ki hu buu ma dewna.

MARK 3:29

Sa ma ŋgul Musuk Lonara suluk mamma hin egem a fafatɗa, ka daɓ kiɗi.»

Boy Ma Ayra Ma LUK Ɓiirimma 1:68

«Geleɗ Bu Suuna, Lo ma vi suu Israelna. Nam tin saa mamba kay suu mamma a suɗusi kira.

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

KOLOSNA 1:14

Gi deɓpa ŋgolla kay buɗ maygira, kay cooygira daɓ kira.

1 TESALONIKŊA 1:10

Agi ka juɓum goromma hin mbay kolo huulona ni goromma Yesu ma nam paɗam ki kolo iiri duk suu miɗinana, ma hin buɗuygi ki hu yara vi Lona ta hin mbay wan daŋga.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 10:19

Gorsenna aygi ki buɗi a kal hu Li ma ki Saɓaki Teteɗna, ni u miɗ ma Yesu miɗna.

HEBRENA 10:4

Kay busu mbutlina u ɦugunina ka ndak a yow cora vi suuna kiɗi.

HEBRENA 13:12

Kay ndaɗta Yesu miɗ ha doŋ kaana hu ɦoŋzi ma ŋgolna a mbus suuna ki teteɗ u busuumu.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

HEBRENA 9:13

Busuna vi ɦugunina u mbutlugina u busu mbutl ma ŋgaɗam kina, asi yamammi kay suu ki mbuɗi njenjena a mbususi ki jivi teteɗ kay njenje masira kiɗikka.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 9:15

Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

HEBRENA 9:19

Jew Moiz di gaɗta ki fok suuna halaŋ ko ay ɓiiri hu magarara na. Ŋgoo dagan nam tli busu mbutlna u yona komu yamam ki kay magaara gaɗta, kay suuna lay halaŋ u hum gu ma yam ana hisop u baraw tlaw ma cili u tlimiɗ timigiinana.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.