HEBRENA 9:11 - Boy Lonana

¹¹ Kristu mba ko mul ŋgol ma li ɓivunna na kay tlesuu ka cecemina. Mbutluɓma nam li sun mamba huna dlam ŋgol suwa, nam ki teteɗ lay, minimmi ka suunaɗi, ni di anaba, nam ka hu duliyaraɗi.

HEBRENA 9:11 ပူးပေါင်းရင်းမြစ်များ

2 KORINTNA 5:1

Aygi wi anaba zira aygi ka kagi huruɗ wanda, ni di ana mbalatay ta hu ndaŋgara wanda, ɓalak ki lay ni Lona miniygi zina ha kolo ni zi ma nam minim u tambana kak din din ka daɓ kiɗi.

HEBRENA 10:1

Gaɗta vi suu Juifna ni ka va ma tak gasira ki na ɗegee gawɗi, ndaɗ ni ŋgus dlara jivira hin ha fokka. Ndaɗ ka ndak a mbuɗ suu mba eg Lonna ki ɗegeeɗi, u ɓivun ma lam tew tew, na olo, na olo hu basara basara ka daɓbi layna ni ka ndaki.

MARK 14:58

«Ami hum nam di ana, Ziŋ Lonara ta suuna miniɗ u kosira an hin tooɗ kiyo. An hin min mayra ko sa ka egeɗ ɗira, hu buuna hindi.»

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

SUNDA 7:48

«Lona ma kolo dayna ka kak hu zi ma suuna minim u kosinaɗi, ko sa ma jok vun Lona dira na.

2 JAŊ 1:7

Suu kaboyna zul ki hu duliyara cocoo asi ka vi ana Yesu Kristu mbuɗ ki gasi sana naɗi, sa di nana ni sa kaboyna, ni Babali ma vi Kristuna.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

Boy Ma Ayra Ma JAŊ Ɓiirimma 4:25

Cara dam ana, «Sa Lona Fuurumma (yam ana Kristu) hin mbaa nam mba wa ni, hin daygi u tlena ki halaŋ.»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

SOOLLA 40:7

Aŋ ka minni ɓivunna u ɦalla ɦawaraɗi, aŋ ka minni ɓivun ma ŋgal kinaɗi lay. Aŋ tinin humba kan a hum boyna.

HEBRENA 7:1

Melkisedek mul ŋgolna hu Salem, mul ma li ɓivunna vi Lo ma Kolo Dayna lay. Hu li ma Abraham ay duuna, ni nam ti mulina aya, a mba vora wanni Melkisedek ŋgafam vokomu paɗ vunum ki kamu.

EZAYI 59:20

Yawe di ana, An hin mba ni a buɗ suu Siyonna kira, an suɗ gegelay ma Israel ma hin coomba ki hoŋ irim ay egenna.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

KOLOSNA 2:11

Agi fagi caw ɗiwra ni hu taɓ magira u namba, ni ka u caw ɗiwra vi suunaraɗi, ni u caw ɗiw mayra mbay vi Kristura, ni mayra buɗugi ki ko ŋgolla vi tara cora.

MATIYE 11:3

joɓom ana, «Aŋŋi sa ami juɓ ana nam hin mbana ɗowba ami juɓ mi sa daŋ su?»

MATIYE 2:6

Betlehem, ni zina hu mbassa Yudera, ni ka zi ma goonaɗi. Kayme mul ma hin a tuɗ fok suu man suu Israelna, hin vuɗ ni huwa.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

JEREMI 33:8

An hin mbususi ki teteɗ kay maɗ ma asi cam vi tasi ki daŋgayna fokonna lay, an hin ɦasi gira kay yara asi laɗ u anda lay.

2 KORINTNA 4:18

Ami tin hurumi ni ka kay va sa wam u irimbi, ni kay va ma sa ka wam u irimbina. Va ma sana wam u irimma ka kak ŋgolɗi, va sa ka wam u irimbina kak din din ni namu.

HEBRENA 12:27

Boy ma di «ni sem dew olo» ana tlesuu lasi halaŋŋa hin ŋgeŋeɗa, bulum ki halaŋ halaŋ kay a va ma ka bulum kiɗina hin ni nam hol.

HEBRENA 13:14

Kay ziiygi ma kaŋga tani wanna ka eŋ cocoɗi, ay halaygi ni zi ma fokŋa.