HEBRENA 8:9 - Boy Lonana

⁹ Galamba ndaɗta hin ka a li ko mayra an vaɗ u somoyosira naɗi, hu li ma an taɗasi ay ki a hin ndaŋgara Egipte kina. Asi min vi ka u galamba an vaɗ u asiraɗi, Bu Suuna di ana an ka yoo tan kasiɗi.

HEBRENA 8:9 ပူးပေါင်းရင်းမြစ်များ

URA TIN AYRA 19:16

Lot ka kal ki zakgi ni, suu sunda huulona vam kom u caamba u gorɓii mam suu mbana taɗasi ha ki doŋ kaana kay Yawe wi hahaw Lot, min a suɗum kiyo.

JOB 8:20

Lona ka hin sa ma ɗegeena kiɗi. Nam ka njun u suu li dla coraɗi lay.

SOOLLA 105:43

Nam cuk suu mamsina ay ki u furira, suu nam manasina tuɗ u soolla ayra irisiya.

SOOLLA 77:20

Aŋ tli voɗ maŋga ay duk mbo lumma ŋgolna, aŋ jak ay duk mbo ma galina, sa ma waŋ balam seŋ ma tuɗta kaɗi.

SOOLLA 78:57

Asi ɦuɗ tasi ki eg Lona day ko somoyosi li ay jewra na may, asi hoŋ ki dagan ko mbuurura suuna munuɗ ha kira na.

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

KALKIRA 34:10

Yawe di ana, «An min tak galam manda ki fok suu maŋsina halaŋ. An min li dlara mbuɗ mbuɗ ta li ka ɦoyɗira, duk njaf suu daŋ lay li ka tuɗira, suu daŋ suu ŋguyuŋŋa hin wi ki ana dla ndaɗta mbuɗ mbuɗ cocoo. Ni sunda vi Yawe ta an hin a laɗta.

SOOLLA VI SALOMON 8:5

«Sa ma tuɗ ay ŋgoo bagi hu fulla kom gii kel banamba cowna ni gege?» U ŋgus moŋgora an dliɗiŋ ki koloo, hu li ma suŋ vaŋ wiiriŋ huna, hu li ma vi wii cara vuɗuŋga huna.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZAYI 41:13

Kay an Yawe ni Looŋŋa, ma vaŋ koŋ ma njufna kolona, ni ma daŋ ana, «Li ndaaɗi an ka njunuŋuna.»

EZAYI 51:18

Goryoŋ suu aŋ vuɗusi hu duliyara halaŋ ma njunuŋ ka dewɗi. Duk gor suu aŋ wulusina halaŋ ma njun kaŋ kaɗi.

EZAYI 63:9

Hu yoo masira halaŋ a suɗusi kira ni nam sun sa ay ka suniɗi, nam u tamba suɗusi ki ni namu. Hu min mamba u hurum ma haɗ kay suuna, nam u tamba buɗusi ay ki ni namu. Nam yowosi ki koloo, nam ziirisi kolo hu buuna halaŋ ay hu fok jewra.

JEREMI 31:32

Ndaɗ hin li ki zeɗ u mayra an vaɗ u somoyosi hu li ma an vasi kosi a kalasi ay ki hu mbassa Egiptera. Asi may ni ɓeŋen galam manda kiyo. An may ni ka ni malaŋ zina varasiya. Yawe di na.

YOORA 4:16

Yawe kal ay ki kiɗik njayasi kiyo. Nam ka min a wasi oloɗi. Sa ka hum vun muli suu li ɓivunna oloɗi. Sa ka gi yam kaŋga fok suu basina oloɗi.

EZEKIYEL 16:59

«Bu Suuna, Yawe, di ana, an hin lakŋi ko ndak lira na may. Ndak gol dla mayra givunna ka jiviɗi, bulum galamba an vaɗ u ndakka kiyo.

EZEKIYEL 16:8

An jak egek na ni waku, ndak ki jeŋi hu li ma a li zoŋga lay. An baarak baraw manna kaku, kuluɓuk siili makka kiyo. An suu tan kiyo, vi galamba u ndaku. Di ni Bu Suuna, Yawe. Ndak hin ki ni manu.

AMOS 5:22

Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.

MALASI 2:13

Gologi dlara agi laɗ a mbarara, ko simi ma irigina oy givin ma togolla vi Yawena, tirigiya, oyogiya kay ana nam ka caa yam kay tlesuu agi ɦamsinana oloɗi, ka vagisina kogi u furira oloɗi lay.

MARK 8:23

Yesu vi ko sa dugina, tuɗ doŋ kaana u namu. Nam doom yoyona irimu, cuk kom kam may, nam joɓom ana, «Aŋ wi va su?»

SUNDA 13:11

Cecemi aŋ hum haa Bu Suuna caŋ karam aŋ hin dug kiyo, iriŋ ka wi kiɗik faɗtaɗi njok tuwa.» Kak na njokŋi ii Elimas kuluɓ ndufunda na bim, nam mbuɗ gol tani ko njeŋgera na. Nam pereɗ irim tani may tani may a hal suu taɗam komma.

SUNDA 7:36

Moiz cuk suu Israelna ay ki hu Egipte ni namu. U lira nam li dlara mbuɗta u takka hu ndaŋga ndaɗta, duk mbo Lum ma Cerewna, ŋgoo bagi basara dok fiɗi.

SUNDA 9:8

Sol coli kolo mal irim kiyo ni irim ka wiɗi. Asi vam kom taɗam tuɗum ha Damas.

GALATENA 4:24

Boy namma ni ko ndal boyna na, boyogi suu asina ɓak kay galamba mba'. Galam taa dew ɓak kay Hagar ta tak kay ɦinira Sinayra, vuɗ gor mborɓiina ni ndaɗu.

GA 8ATAMBARA 29:1

Moiz yi suu Israelna ay halaŋ dasi ana: Agi wi dla mayra Yawe laɗ ay hu mbassa Egiptera u irigi halaŋ, eg Faraw u suu sun mamsina halaŋ u mbas mamba lay.

GA 8ATAMBARA 29:12

A agi mbuɗ ki gasi a suu mamsina, nam tamba ni a Loogina may, ko nam dagi kira na, ko nam suu tam ay ki fun bugi ŋgolo, Abraham, Isaak u Yakobpa na.

GA 8ATAMBARA 29:25

Asi tuɗ irisi ki a sun loogi suu daŋŋa goɓ ga fokosi lay, loogi suu asi ka wasiɗina, Yawe ɓorowosi tlena ni ɦasi loogi asina ka duk ɓorownaɗi lay.