HEBRENA 8:5 - Boy Lonana

⁵ Muli suu li ɓivunna jok ay ni va ma ay ɓiiri jewna, ni ŋgus tlesuu ka kolo huulonna. Dla ndaɗta tli taɗ ni u mayra li ay u Moizza. Hu li ma nam a tuɗ min mbutluɓma wanni Lona dam anaba, «Aŋ tuɗ minim ko ma an takaŋŋa ay kolo kay yam ɦinirana na.»

HEBRENA 8:5 ပူးပေါင်းရင်းမြစ်များ

KALKIRA 25:40

Aŋ tuɗ gol jiviya, a asi min ko ndal an takaŋ mbeleŋ namma ha kolo kay ɦinira wanda na may.

KOLOSNA 2:17

Asina halaŋŋi ŋgus tlesuu jivi suu hin a mbara, gasira ni ta Kristu.

HEBRENA 10:1

Gaɗta vi suu Juifna ni ka va ma tak gasira ki na ɗegee gawɗi, ndaɗ ni ŋgus dlara jivira hin ha fokka. Ndaɗ ka ndak a mbuɗ suu mba eg Lonna ki ɗegeeɗi, u ɓivun ma lam tew tew, na olo, na olo hu basara basara ka daɓbi layna ni ka ndaki.

KALKIRA 26:30

Aŋ min mbutluɓma ni ko ndal an takaŋŋa ay kolo kay ɦinirara na.

1 DLAŊ MULINARA 28:19

Tle asina halaŋŋi Yawe ma takan yal sun ndaɗta a lirana ɓii tle asina ni u bik komu.

KALKIRA 27:8

Givin ma togolla laɗ ni u guna, dukuɗ ki ni ɦawaa, laɗ ko ndal haɗaŋga ay kay ɦinirara na.

1 DLAŊ MULINARA 28:12

Yal dlara nam tini hurum gin a laɗ kay li ma fun Ziŋ Yawerana lay ma kay zigini suu ŋguy kaɗna halaŋ lay, ma kay li ma begera vi Lonara huna u ma kay tlesuu teteɗ suu li ɓivunnana lay.

HEBRENA 9:9

Dla ndaɗta halaŋŋi tak ki kay ŋgus dlara ka cecemira. Ni di ana ɦala u ɓivun ma lam u yoorina maŋ Lona ka ndak mbuɗ huu sa ma li usina ki jiviɗi.

NDUMBA 8:4

Gola va ma tin pindilla kamma mini ni ko wanda na. Yoorommi u lorra col ha kaŋga eg sem ma tini gaana ta ta kolo, lammi u lor mayra dlaɗ ki dlira. Ni ko yal ma Yawe takam ay maŋ Moizna na may.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

SUNDA 7:44

«Ŋgoo bagi ni somoyoygi min mbutluɓma kay magaara gaɗta, ɓiiri kay ɦinira nam mini ko Lona di maŋ Moizza na may, nam di Moiz ana nam zul u ma daŋ ha ko ma nam wamma na.

KALKIRA 25:9

An hin takaŋ yal mbutluɓ ma minim namma, yal tlesuu a li sunda huna halaŋ, ni agi hin li ni ko ndaɗta na may.

MATIYE 2:12

Asi buu njeŋge wanni, Lona dasi hu doyra ana asi hoŋ voo wanni, tli kay mulna Herod oloɗi. Asi wi na ni, tli voɗta daŋga gaw.

HEBRENA 13:10

Muli suu li ɓivunna hu mbutluɓma vi suu Juifna ka ndak a ti funa hu givin ma togolla maynaɗi.

WIRA ŊGAYRA 15:5

Ŋgoo dagan an wi huulona, Ziŋ Lonara ta Mbutluɓ ma Galamba vi Londa kak huna ki mali huulona.

JOSUWE 22:28

Ami ɓak tami ana, lini suu ta hin dami ana agi ka suu vi Yawenaɗi ni ami hin takasi givin ma togolla ma mini varami wanna. Ni a ŋgal ɓivunna maŋ Yawe ma somoyomi minim kana. Ni ka a ŋgal ɓivun huɗi lay, a li ɓivun ki hu taniɗi lay, ni kay a dikira duk ɦoŋomi u agiya.