HEBRENA 8:11 - Boy Lonana

¹¹ Sa maa dukusi dew lay ma hin haɗ ndaram kaɗi, sa ma di maŋ wayamma ana wi Bu Suuna kiyo ka oloɗi. Suu halaŋ halaŋŋa hin wam kiyo, gorkemba gorira lay u suu ŋgolona lay.

HEBRENA 8:11 ပူးပေါင်းရင်းမြစ်များ

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

EZAYI 54:13

Goryoŋ halaŋ hin mbuɗ ki ni a suu haɗi mansina. Asi hin lak ka u heɓpa na gak gak.

Boy Ma Ayra Ma JAŊ Ɓiirimma 6:45

Suu jok vun Lona ɓii boy namma ana, Lona hin haɗasi halaŋ. Sa ma hum vun Buna, vi u haɗ mamba mayna, hin mbay egenu.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

SUNDA 8:10

Hu li namma ni gorzoŋina u suu ŋgolona halaŋ humummi boy mamma, asi di kam ana sa namma u saɓakŋa vi Lona egemu, ni ma asi yam ana saɓak may ma ŋgolnana.

HABAKUK 2:14

Kay ana saɓak ma vi Yawena hin oy ki kay yam mbassa ko ndal yona oy ki hu lum ma ŋgolna na.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

EZAYI 2:3

Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

EZEKIYEL 34:30

Asi hin wi ki ana anni Yawe, Loosina. An ka u asiya. Asi ni suu mansina suu Israelna. Di ni Bu Suuna Yawe.

EZDRAS 7:25

Kaŋ aŋ Ezdras may ni u yal ma vi Looŋŋa ma ka koŋŋa aŋ tin suu kaɓakŋa u suu gi ii dlara maŋ suu keŋ lum ma Efratna u fiɗigina halaŋ, maŋ suu wi gaɗta vi Looŋŋara, agi hin haɗaɗ ki maŋ suu ka waɗɗina lay.

2 DLAŊ MULINARA 30:22

Boy ma vi Ezekiyasna kal huu suu vi Levina jivi cocoo. Asi ɦal tasi ki u furira maŋ Yawe. Asi li luuna ta ta buuna kiɗisiya, li ɓivun ma mbaa heɓpa u gi deɓpa maŋ Yawe, Lo ma vi somoyosina.

JEREMI 44:12

An hin tli nekka vi suu Yuda suu usi hin iiri suu tuɗ a ŋgay tasi ki hu Egiptena. Asi hin miɗ ki halaŋ. Asi hin puk ki kaŋga hu mbassa Egiptera, hin casi ki u ŋgewra u mayra. Asi halaŋ halaŋ kemba u suu ŋgolona hin miɗ ki ko ŋgewra, ko mayra. Asi hin mbuɗ ki hahawra, hin mbuɗ ki ni va ma suuna san umma, gi vunna maŋ suuna u namma lay.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 42:1

Na ɗaŋŋi suu ŋgolo suu fok suu duunana halaŋ, Yohanan, ma goŋ Kareana, may, Azariya, ma goŋ Hosayana, u suuna halaŋ, kemba u suu ŋgolona ɦuɗ tasi ay

JEREMI 42:8

Nam may ni yi Yohanan, ma goŋ Kareana, u suu ŋgolo suu fok suu duunana halaŋ suu ŋguy kamma u suuna halaŋ, kemba u suu ŋgolona lay.