HEBRENA 7:6 - Boy Lonana

⁶ Melkisedek ay ka hu njafna vi Abrahambi, nam vi yam tlesuu Abraham ɦamsina na. Olo ni nam paɗ vunum ki kay sa ma Lona vi vunum u namma.

HEBRENA 7:6 ပူးပေါင်းရင်းမြစ်များ

URA TIN AYRA 12:13

Dasi ana ndakŋi wayanda, asi hin lan jivi uku, ni an hin kak iiri ni uku.»

URA TIN AYRA 12:2

An hin zuluŋ njafaŋ ŋgol cocoo, an hin paɗ vunun ki kaŋu. Suuna halaŋ hin mbuɗ geleɗeŋu. Suu daŋŋa halaŋ hin fi paɗvunna ni uŋu.

SUNDA 3:25

Galamba Lona vaɗ ay u suu jokom vunumma ni magi agiya, agi fi galamba Lona faɗaɗ vunuɗ ki u somoyoygi ta nam di maŋ Abraham kaɗta. An hin paɗ vunun ki kay njaf suu hu ndaŋgarana halaŋŋi u njafaŋu.

ROMMA 4:13

Lona vi vunum u Abraham u njafam halaŋ a nam hin ɦasi ndaŋgara a joosina, vi vun namma ka ni ana Abraham hum u gaɗta naɗi, kay mege Lona golom ɗegee ni kay viimba.

ROMMA 9:4

Asi ni njaf suu Israelna Lona hin mbuɗusi ki a goryomu, ɦasi ana nam ka egesi hu ŋgol mamba tew tew, nam vi galamba u asiya, ɦasi gaɗta, li tokka, vi vunna u asiya.

GALATENA 3:16

Lona di Abraham kay va ma nam min a ɦamma maŋ sa hu njafamma. Magaara di ka anaba maŋ suu hu njafamma ko ami bolowra naɗi, ndaɗ di ana «maŋ sa ma hu njafaŋŋa,» ni kay sa maa dew ni Kristu.

HEBRENA 11:13

Suu asina miɗ halaŋ hu vira, bay fi tlesuu Lona vi vunum kasina tuwa. Asi wasi ha ki egesi na day, gasi deɓpa, asi di ana asi kay ndaŋgara ni ŋgaygina, ko suu suuna tinisi yasi ha kay ndaŋgara daŋga na.

HEBRENA 11:17

U vira Abraham li ɓivunna u Isaak hu li ma Lona min tukumma. Lona vi vunumi u nam Abraham, ni nam hin dam ana nam li ɓivunna u gorom ma dewna olo.

HEBRENA 7:1

Melkisedek mul ŋgolna hu Salem, mul ma li ɓivunna vi Lo ma Kolo Dayna lay. Hu li ma Abraham ay duuna, ni nam ti mulina aya, a mba vora wanni Melkisedek ŋgafam vokomu paɗ vunum ki kamu.

HEBRENA 7:7

Aygi wi ana sa ma paɗ vunum ki kay ndarammana ni ŋgol su ma nam paɗ vunum kamma.