HEBRENA 7:28 - Boy Lonana

²⁸ Hu gaɗta vi Moiz ni tin muli suu li ɓivunna ni muli suu ka pasiyakgina. Kay Boy Lonana mba ni gaɗta, tin a mul ma li ɓivunna ni Goroŋ ma ɗegeena a fafatɗa.

HEBRENA 7:28 ပူးပေါင်းရင်းမြစ်များ

SOOLLA 110:4

Yawe suu tam kiyo, nam ka hoŋ vunum daganɗi, «Aŋŋi a mul ŋgol ma li ɓivunna a fafaɗta, ni kay balam Melkisedek.»

DLAŊ LEVIRA 4:3

«Lini mul ŋgol ma li ɓivunna ma fuurum ki u mbulnana li cora ni namu ni, u coom ndaɗta a mbaa cora kay suu halaŋŋa ni, nam vi bolo mbutl ma bay ŋgulla egemma, mbaaram fok Yawe a li ɓivunna kay dla coombara.

Boy Ma Ayra Ma LUK Ɓiirimma 13:32

Yesu hoŋ dasi ana, «Hoŋogi i dagi maŋ bayak namma ana an dik ful ma cona kiyo, garaɗ suu tuguɗira ki lay karam may, vin may, siw may, a hindira ni sun manda a daɓ kira.»

Boy Ma Ayra Ma JAŊ Ɓiirimma 19:30

Yesu soɓ mbo namma ha na ni, di ana, «Tlen halaŋ daɓwa!» Nam cok yam kaŋga na ni, ɦal ŋgus mamba kiyo.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

HEBRENA 3:6

Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 5:5

Ni na may Kristu tli ŋgolla mul ŋgol ma li ɓivunna ka kay tambi, Lona di ki kammi namma ɗow anaba, «Aŋŋi Goronna, karam an mbuɗ ni Buŋu.»

HEBRENA 7:21

Yesu mbuɗ a mul ma li ɓivunna ni u suura nam suu tamba. Hu li ma Lona dam anaba, «Bu Suuna suurumu, ni nam ka jok saa mamba zeɗɗi, aŋ hin a mul ma li ɓivunna ni a fafatɗa.»

HEBRENA 7:24

Yesu kak iiri a fafatɗa, sun mamba mul ma li ɓivunna, ka jok maŋ sa ma daŋgi.

HEBRENA 7:3

Melkisedek sa ka wam bumbi lay, wam sumbi lay, sa ma hu njafam kaɗi, vuɗ mamba ka ii saɗi lay, miɗ mamma ka ii saɗi lay, nammi ko Goŋ Lonna na. Nam kak a mul ma li ɓivunna a fafatɗa.