HEBRENA 7:27 - Boy Lonana

²⁷ Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

HEBRENA 7:27 ပူးပေါင်းရင်းမြစ်များ

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

HEBRENA 9:12

Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

HEBRENA 5:3

Kay nammi sa maŋina nam ka li ɓivunna ni kay cora vi suuna holɗi, kay mam namba lay.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

ROMMA 6:10

A miɗna nam miɗ yam dew kay cora a fafatɗa, kakka kak iirira ni kay Lona may.

HEBRENA 9:25

Mul ŋgol ma li ɓivunna vi suu Juifna kal hu Li ma Teteɗna hu basara tew tew u busuna vi yoorina. Kristu kal hu li ma a li ɓivunna ni u tamba ka sem bolowɗi.

DLAŊ LEVIRA 16:11

«Aaron li ɓivunna u bolo mbutlna kay coomba, nam li ɓivun ma bulum cora kina kay tamba kay suu mamsina halaŋ may. Hu li ma nam ŋgaɗ mbutl namma wa a li ɓivunna kay coombara ni li ni na.

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

HEBRENA 5:1

Mul ŋgol ma li ɓivunna manammi duk suuna kay a li sunda vi Lona kasiya. Nam mba ɦala kay a li ɓivunna kay cora vi suuna.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 16:6

«Aaron li ɓivunna u bolo mbutlna ni kay a bulum coom tambara kira, nam li ɓivun ma bulum cora kina kay tamba kay suu mamsina halaŋ may.

EFESNA 2:22

Hu taɓpa u Yesura agi taɓ u suu hiŋŋa dew, mbuɗ Ziŋ Lonara ta nam kak huruɗ u Musuk mambara.

EZEKIYEL 43:19

Muli suu li ɓivunna suu Levina suu may suu hu njaf Sadokŋa, suu hin mbay egen tok a sununna, Bu Suuna Yawe, di ana, asi li ɓivun ma bulum coosira kina ki fok jew u bolo mbutlna.

HEBRENA 8:4

Nam li ay gin ni kay ndaŋgara ni nam ka li a mul ma ɓivunna ko suu hiŋŋa naɗi. Kay muli suu li ɓivunna suu hiŋŋa mba ni ɦala u gaɗta vi suu Juifna.

HEBRENA 9:26

Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.