HEBRENA 7:26 - Boy Lonana

²⁶ Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 7:26 ပူးပေါင်းရင်းမြစ်များ

SOOLLA 68:18

Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

KALKIRA 28:36

Aŋ yoo lorra ko ɓo tlena na, aŋ ɓii kaɗ ko ndal tampoŋŋa na, «TETE ƊTA MAŊ YAWE».

EZAYI 53:9

Asi vekem zulummi duk suu li dla cora, usummi duk suu sulukŋa. Na ni nam li co ka yam na dewɗi lay, boy ma ganyam ka kal ki funumbi lay.

EZEKIYEL 44:27

Ŋgoo dagan nam kal hu zira goora vo hu Ziŋ Lonara, li ɓivun ma bulum coomba kina. Di ni Bu Suuna, Yawe.

NDUMBA 29:26

«Hu buu ma vadlna ni ŋgaɗ bolo mbutlugina dleeŋe, gamlagina mba', gor timigii suu basaɗasi dew dewna doogo yam fiɗi may. Ni yoori suu bay ŋgulla egesina.

MATIYE 27:18

Pilat ɓak na ni, kay nam wi ana asi ɦam Yesu ay ni ii gonokka ɦawaa.

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma LUK Ɓiirimma 23:22

Pilat dasi a yamba hindira ana, «Nam li ni co mege? An fam co mayra cam ki kaɗi, hin hinimu.»

Boy Ma Ayra Ma LUK Ɓiirimma 23:41

ay wanni wi haw mayra ni u voɗoɗu kay dlara ay laɗ u bik koyra. Nam wanni li va co kaɗi.»

Boy Ma Ayra Ma LUK Ɓiirimma 23:47

Mul asgaa ma Romma wi dla ndaɗta na ni, geleɗ Lona ana, «Gasi sa namma ay ni sa jivina.»

Boy Ma Ayra Ma LUK Ɓiirimma 24:26

Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?»

Boy Ma Ayra Ma LUK Ɓiirimma 24:46

Nam hin dasiya, «Ki ɓiiri ana, Sa Lona Fuurumma hin wi hawra, nam hin paɗ ki kolo iiri hu bu ma hindina.

Boy Ma Ayra Ma JAŊ Ɓiirimma 14:30

Cecemmi, an hin ka ɓak u agi ŋgol oloɗi. Mul ma hu duliyarana mba wa. Saɓak mamma ka tew egenɗi.

Boy Ma Ayra Ma JAŊ Ɓiirimma 8:29

Sa ma sunun ayna ka u anu, nam hinin ka kay tanɗi. Tew tew ni, an li ni dlara irim jivira.»

SUNDA 3:14

Agi noyogi sa ma Teteɗ ma Ɗegeena kiyo, hin joɓogi Pilat ana ɦagi sa ma ci maɗna maa ay ki dew.

SUNDA 4:27

Herod u Pilat taɓ vunusi u suu hu ɦoŋzi ma ŋgolna u suu daŋŋa, u suu hu njafna vi suu Israelna halaŋ duu saaŋ ma sunda Yesu ma aŋ manamma ni gasi.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

HEBRENA 7:11

Dla ɓivunna vi suu Levina ay coli ni u gaɗta vi suu Israelna. Lini muli suu li ɓivunna vi suu Levina li ay ɗegeereni, mul ma li ɓivun ma daŋ mbay olo kay mege? Mul ŋgol ma li ɓivun namma ka u voɗta vi Melkisedek, ka hu voɗta vi Aaronɗi lay.

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.

1 PIYER 2:22

Nam li co kaɗi, sa hum boy ma kaboy ka funum faɗ taa dewɗi.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.