HEBRENA 7:25 - Boy Lonana

²⁵ Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

HEBRENA 7:25 ပူးပေါင်းရင်းမြစ်များ

ROMMA 8:34

Sa ma hin kaɓakŋa kasina ni gege? Sa kaɗi. Yesu Kristu ma miɗna paɗ ki kolo kak hu bik ko Lona ma njufna ka cen Lona kaygiya.

1 TIMOTE 2:5

Kay Lona ni dew, sa ma taɓ duk suuna u namma ni dew may, sa namma ni Yesu Kristu.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

EFESNA 2:18

Ni hu Kristu aygi halaŋ suu Juifna u suu ka Juifnaɗina lay ndak tak taygi fok Lona u njunda vi Musuk Lonara.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

EFESNA 3:20

Nammi sa ma ndaki a li tlena halaŋ su kay suu ay saa kasina lay, joɓosi layna day.

EZAYI 45:22

Mbuɗugi irigi ay egenu, suɗ tagi kiyo, agi suu kay yam ndaŋgarana halaŋ kay anni Lona dew daŋ, lo ma daŋ kaɗi.

HEBRENA 9:24

Kay Kristu kal ka ni hu zi ma sa warna minim u komma a tak ki kay dlara gasiraɗi, nam kalni huulona tamba gaw a tak tam ki fok Lona ni kaygiya.

HEBRENA 7:19

Gaɗta vi Moiz ka mbuɗ va ki pasiyakgi, juɓpa ni vara jivira mbuɗ a mbaaray eg Lona tok ni ndaɗu.

EZAYI 59:16

Nam gol wanni sa ma tli tam ka na dewɗi, nam mbuɗ saa cocoo kay sa ma a njun suu mamsina kaɗi. Kay ndaɗta nam mbay njunusi u tamba. Ɗegee mamba ni a va ma asi deŋ tasi egemma.

Boy Ma Ayra Ma JAŊ Ɓiirimma 14:13

Tlege suu agi joɓom kasi u senna halaŋŋi, an lasiya a Goona a tak ki ni geleɗta vi Bumba.

DANYEL 6:20

Na ɗaŋŋi mulna col kolo yoŋgo na colol ŋgarpiira tuɗ ha fun zul dlona na zak gaw.

DANYEL 3:17

Lini Loomi ma ami sunumma ndak a buɗumi kiyo ni, nam buɗumi ki hu zulla kura ŋgik ŋgikka koŋu, mulna.

JOB 23:3

Ҥay, lini an wi li ma nam ka huna ni, an min tuɗ ta ta tew ki eg dlam mamba mulla.

HEBRENA 5:7

Yesu hu iiri mamba wanni nam cen Lona mbuɗ tam ki hahawara na ɗow, sawalla kolo u simina irim kay nam ndak suɗum ki hu miɗna. Lona humum cen mamba ni kay hoŋga nam hoŋ yam kaŋga umba.

EZAYI 53:12

Kay ndaɗta an kakam ki ni duk suu ŋgolona. Nam hin ɓorow tlesuu yowosi ay fun duunana ni ko tam u suu saɓak cocona. Kay nam hoŋ yam ki kaŋga ta ta miɗna. Nam gi tam ki duk suu li dla cora. Nam yow cora vi suu daŋŋa ki kam halaŋ. Nam ka njun kay suu ɓakŋa vasina.

HEBRENA 13:15

Geleɗeygi Lona tew tew ni ko ɓivunna u Yesu Kristu na, ni di ana geleɗem u vunuy tew tew.

EZAYI 63:1

Sa ma tuɗ ay col ay hu mbassa Edomba namma ni gege? Ay hu zi ma Bosrana u baraw ma tlawna tamu. Vun baraw mamma ki ŋgufi u kura funumu, tuɗ u saɓakam cocoo, sa namma ni gege? «Ni an, Bu Suuna, an ka u saɓak ma suɗta, an mba ni a tak ki ni kiɗikka ana an tiwara.»

HEBRENA 7:16

Nam mbuɗ ki mul ma li ɓivunna ni ka u gaɗta vi suunaɗi, nam mbuɗ kini u saɓakŋa vi iiri mayra daɓ maɗ kaɗira.

HEBRENA 2:18

Cecemi nam mba njun u suu ndemba ndemesina. Kay mege nam wi ndemba eg tamba lay, fi wihawra lay.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

Boy Ma Ayra Ma JAŊ Ɓiirimma 14:16

An hin joɓ Bun nam sunugi sa ma daŋ ma njun ugina aya, ni Musukka Gasira a ndaɗ mba kak u agi gak gak.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

DANYEL 3:29

An may ni an ɦal voɗta ana gegelay hu njaf suuna halaŋ, njaf suuna u vun masina, ma di boy ma cona maŋ Lo ma vi Sadrak, Mesak u Abed Nego di na, vam palawam kiyo, ziim hin mbuɗ ki didiŋga kay ana lo ma daŋ ma buɗ suu mamsina ki ko wanda na kaɗi.»

HEBRENA 7:24

Yesu kak iiri a fafatɗa, sun mamba mul ma li ɓivunna, ka jok maŋ sa ma daŋgi.

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

HEBRENA 7:8

Ay hu lina vi muli suu li ɓivunna wanni vammi suu miɗ kina, hu lina vi Melkisedek wanni yam tle asina vasi ni sa ma ka iirina. Ko magaara dira na.

JOB 22:17

Suu asina di Lona ana, «Ҥuɗ taŋ ha ki egemiya, hinimi na en.» Lona ma Saɓakŋa ndak a lami me egemi nige?

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.