HEBRENA 7:19 - Boy Lonana

¹⁹ Gaɗta vi Moiz ka mbuɗ va ki pasiyakgi, juɓpa ni vara jivira mbuɗ a mbaaray eg Lona tok ni ndaɗu.

HEBRENA 7:19 ပူးပေါင်းရင်းမြစ်များ

HEBRENA 4:16

Ҥuɗuygi taygi ay u huu ma jivina eg dlamba vi Lonara, hu li ma oora. Aygi tuɗ faygi heɓ huuna u oora huwa ndaki a njun uygi hu li namma.

HEBRENA 9:9

Dla ndaɗta halaŋŋi tak ki kay ŋgus dlara ka cecemira. Ni di ana ɦala u ɓivun ma lam u yoorina maŋ Lona ka ndak mbuɗ huu sa ma li usina ki jiviɗi.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

HEBRENA 11:40

Kay ndaɗta Lona takaygi fok jivi su olo, nam min ka ana asi mbuɗ ki pasiyak fokoygi jewɗi.

HEBRENA 10:1

Gaɗta vi suu Juifna ni ka va ma tak gasira ki na ɗegee gawɗi, ndaɗ ni ŋgus dlara jivira hin ha fokka. Ndaɗ ka ndak a mbuɗ suu mba eg Lonna ki ɗegeeɗi, u ɓivun ma lam tew tew, na olo, na olo hu basara basara ka daɓbi layna ni ka ndaki.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

HEBRENA 8:6

Cecemi sunda vi Yesura ni ŋgol suu masira kay nammi sa ma duk ɦoŋga u Galamba Wilira ndaɗta, doli ni kay vi vun ma jivina.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

GALATENA 2:16

Kay ndaɗta aygi vi ana sana mbuɗ ɗegee ii Lona ni u viimba hu Yesu Kristu dew daŋ ni ka ana nam li ni u gaɗta vi Moiz naɗi, aygi may ni vi u Yesu kay a mbuɗ ɗegee ii Lona, viiygira hu Kristu ka ana a li u gaɗta naɗi, sa ndak ka a mbuɗ ɗegee ii Lona kay lira li u gaɗtaraɗi.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

SOOLLA 73:28

Jivi manda kay tanda ni ana kak na tok eg Lona. An ŋgay tanni eg Bu Suuna Yawe, an min njaɗaŋ dlaaŋga ki halaŋ.

HEBRENA 7:11

Dla ɓivunna vi suu Levina ay coli ni u gaɗta vi suu Israelna. Lini muli suu li ɓivunna vi suu Levina li ay ɗegeereni, mul ma li ɓivun ma daŋ mbay olo kay mege? Mul ŋgol ma li ɓivun namma ka u voɗta vi Melkisedek, ka hu voɗta vi Aaronɗi lay.

1 TIMOTE 1:1

Ni an Pol sa vovoɗta vi Yesu Kristu, u gaɗta vi Lona ma suɗuygina u Yesu Kristu ma ay ka juɓumma.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

GALATENA 3:24

Gaɗta ay goloygi jew ni ndaɗu gak tew hu li ma Kristu mbana, kay aygi mba mbuɗ ɗegee fok Lona u vira.

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

YOORA 3:57

Aŋ ɦuɗ taŋ ay hu buu ma an yaŋŋa di ana, Li ndaanaɗi.

ROMMA 7:7

Hin daygi ni ana mege, gaɗta ni cora su? Ҥawaa ka coraɗi, gaɗta takan ki ni coonda. Lini gaɗta di ana, «Aŋ ŋgiziɗ ziŋ somoŋgira ɗi» ni, an ka wi ana ŋgiziɗ ziŋ somoŋŋa ni cooraɗi.

GALATENA 3:21

Ni tak ki ana gaɗta ka taɓi u vun Lona ma nam vammaɗi na su? Ka na ɗowɗi! Lini gaɗta mbani a ɦal iirira maŋ suuna ni sana hin mbuɗ ki ɗegee fok Lona u ndaɗu.

HEBRENA 3:6

Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

HEBRENA 7:20

Dla ndaɗta lini ka ɦawa bay suura vi Lonaɗi. Suu daŋŋa mbuɗ ki muli suu li ɓivunna bay suu tasiya.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.