HEBRENA 7:1 - Boy Lonana

¹ Melkisedek mul ŋgolna hu Salem, mul ma li ɓivunna vi Lo ma Kolo Dayna lay. Hu li ma Abraham ay duuna, ni nam ti mulina aya, a mba vora wanni Melkisedek ŋgafam vokomu paɗ vunum ki kamu.

HEBRENA 7:1 ပူးပေါင်းရင်းမြစ်များ

SOOLLA 57:2

Wan hahawanu, Lona, wan hawan aya, aŋŋi sa ma an ŋgay egeŋŋa, an ŋgay tanni u garaŋaŋu, hu li ma an ka hu wihawrana halaŋ.

SOOLLA 76:2

Suu hu njaf Yudana halaŋ wi Lona, sem yi ŋgol coco duk suu Israelna.

SOOLLA 78:35

Humusi gasi ana Lona ni ɦini masina, Lona ma ay kolo dayna ni sa ma njun kasina.

SOOLLA 78:56

Na lay ni asi hin gijaŋ a tuk Lona, ma ay kolo dayna, ka hum u dlara nam dasiraɗi.

DANYEL 4:2

Doyra danu hin mbuɗun ndaana, doyra dan hu liin ma buuna, dlara an waɗta ɓeŋen saaranu.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

DANYEL 5:21

Asi dikim ki duk suuna, hurum mbuɗ ko huu mbuurina na, nam kakŋi duk mbuuri suu bagina, nam ti ni haɗna ko mbutlina na, mbaɗagira kolo huulonara mbusum tam kiyo, ta ta nam wi ana Lo ma Kolo Dayna ni malaŋ mulla vi suunara, nam tli yam gegelay kolo ni u min mamba.

MISE 6:6

An hin col fok Yawe ni u mege? Gi yan kaŋga fok Lona ma ha kolo huulona dayna ni u mege? An hin col fokommi u ɓivun ma ŋgalam kina su? U gor mbutlugi suu basaɗasi dew dewna su?

MARK 5:7

Nam sawalla kolo eŋga ana, «Yesu Goŋ Lo ma kolona, aŋ a min mi egen ge? An joɓoŋ fok Lona, aŋ lasanɗi.»

SUNDA 16:17

Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.»

HEBRENA 6:20

Ni li ma Yesu kal ha hu fokoygi jewna, ni maygiya. Nam mbuɗ ki mul ŋgol ma li ɓivunna a fafatɗa hu voɗta vi Melkisedek.

HEBRENA 7:2

Abraham ɦam yam tlesuu nam fasi ayna halaŋ. Sem Melkisedek ni di ana mul ma ɗegeena, nam lay ni mul ŋgol ma Salemma, ni di ana mul ma heɓpa.

HEBRENA 7:3

Melkisedek sa ka wam bumbi lay, wam sumbi lay, sa ma hu njafam kaɗi, vuɗ mamba ka ii saɗi lay, miɗ mamma ka ii saɗi lay, nammi ko Goŋ Lonna na. Nam kak a mul ma li ɓivunna a fafatɗa.

HEBRENA 7:6

Melkisedek ay ka hu njafna vi Abrahambi, nam vi yam tlesuu Abraham ɦamsina na. Olo ni nam paɗ vunum ki kay sa ma Lona vi vunum u namma.