HEBRENA 6:9 - Boy Lonana

⁹ Banayanna hu li namma ni ami li di na lay ni, ami hurumi tini kagi ɦay, ami wi ana agi ka hu voɗta jivira ni di ana ta fi suɗta.

HEBRENA 6:9 ပူးပေါင်းရင်းမြစ်များ

HEBRENA 10:39

Aygi ka duk suu hoŋ ki dagan hin ba kinaɗi. Aygi ni duk suu vina ka hu voɗta suɗta.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

2 KORINTNA 7:10

Yoo mayra eg Lonara ni jok iirira ki zeɗ, tuɗ sana hu suɗta, sana ka ndak a saa kaɗ oloɗi. Yoora hu ndaŋgara ni tuɗ sana hu miɗna.

HEBRENA 10:34

Agi fagi wihawra hu daŋgayna u yowra asi yowogi tlegeyegira, li ni tlena baay lay, agi vi kagi u furira, kay ki wi kagi ana bege ma gasina ma kak didinna ha foko.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

1 KORINTNA 10:14

Kay ndaɗta banayanna gologi tagi jivi ko tlesuu suuna lasi ndarasi ko Lona nana.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

MARK 16:16

Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

HEBRENA 6:10

Lona ni sa ma ɗegeena. Humum ka maa kay sun magiraɗi, min magira agi takaɗta u sun magira agi lambara, agi laɗ maŋ gorsegi suu vina.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

2 KORINTNA 12:19

Ɗowba agi saa ana ami halni dlara doo tami fokogira ɦawa su? Ami ɓakŋi ko Kristu minda na fok Lona banayanna ami dagi dla ndaɗta halaŋŋi kay a wulugi kolo hu vira.

1 PIYER 2:11

An ka joɓogiya banayan suu an minigina, agi ni ko koyogina u ŋgayagina na kay ndaŋgara tani, gologi tagi jivi ko saara vi mbalatara duu taɗ u iirira.

2 PIYER 3:1

Banayanna wanni magaara mbara ta an ɓiirigira hu magaara ndaɗta u dlaɗta jakka an hal a dliɗigi saa magira jivira kolo u haɗta an gagi humugi wanda.

1 JAŊ 2:7

Banayanna, an ɓiirigi ha ni ka gaɗta wiliraɗi, ni gaɗta basira agi humuɗ ay jew hu ura tin ayra dayra, gaɗta basi ndaɗta ni boy ma agi humum ki jew dayna.

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.