HEBRENA 6:8 - Boy Lonana

⁸ Lini ndaɗ day ni tlesuu siina u wayara ni, ndaɗ ka li va oloɗi, Lona hin gaɗ vunna a daɓ maɗta ni ŋgalla gaw.

HEBRENA 6:8 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 15:6

Sa ma ka taɓi u anɗi na, gam ha ki day. Ni ko gorgor gugutlura nam hin so kiyo. Gorgor gugutlura sooyra, yowoɗu, ŋgalaɗ ki kura.

GA 8ATAMBARA 29:28

«Tlesuu ŋgayna wasi ni Yawe. Nam gaygi u gaɗ mamba ay ki ni maygi aygi may, maŋ goryoygi suu ka daganna may ha na gak gak kay ana aygi mba li u gaɗ ndaɗta halaŋ.»

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

HEBRENA 12:17

Ko agi wagi ŋgoo dagan ni nam min hal paɗvun ma vi bumma, nam hin kini ɦawaa, nam fi voɗta ka kay a mbuɗ va ma nam lam kinaɗi. Nam halaɗ vam u tiina irim ŋgol lay.

HEBRENA 10:27

Ni aygi hin laygi ndaana, juɓugi ni va ma hin mbay ha fokŋa, ni di ana ɓakŋa u kura ŋgal cora, ci suu babalira vi Lona kiyo.

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

MARK 11:21

Piyer humum gam kay boy ma Yesu gi vun tulummana, nam di Yesu ana, «Malaŋ Haɗta, gola, tulum ma aŋ gam vunnana, so ki wa.»

MARK 11:14

Yesu di tulumma ana, «Sa hin ka taŋ vuɗuŋ oloɗi.» Suu haɗi mamsina hum boy namma may.

MATIYE 7:19

Gu ma vuɗum ka jiviɗina, kaam kiyo, ŋgalam ki kura.

MATIYE 3:10

Njetna ka gira a ka sari gugunina kiyo, gu ma vuɗum ka jiviɗi na, kaam kiyo, gam ki duk kura.

JEREMI 17:6

Ni ko ndaɗta na lay kay ŋgusu ma hu fullana, nam ka wi jivira hin mbayraɗi, nam hin kakŋi hu sene ma gogoyra hu fulla, ni ndaŋgara galakka sa ka kak huɗira.

SOOLLA 107:34

Mbuɗ ndaŋgara jiv tlena ki a ndaŋgara himiina, ni kay cora vi suu ka cuki hu mbas ndaɗtana.

JOB 31:40

Hin dlara tlesuu tira dayra tani, tlesuu siina day ki hu senena. Ciŋirira ko day ki huwa. Boy ma vi Jobma daɓmi na.

URA TIN AYRA 5:29

Nam tinim sem ana Nowa, ni di anaba, «Goo namma hin ɗiliygi iriygi hu las maygira u sunda aygi ka laɗ kay ndaŋgara Yawe gaɗ vunna wanda.»

URA TIN AYRA 4:11

Lona gaŋ vuna wa, ndaŋga mayra aŋ vo busu wayaŋŋa ki kaɗta mbuɗ vunuɗ ki kaŋ wa.

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

2 SAMUEL 23:7

Sa ma tin kom egeɗna kaw kommi kawina u gu saɓpa. Ŋgalasi kiyo, ŋgalasi ki ni hu li namma gaw.

EZAYI 27:4

Hurun ka u ya oloɗi, lini an fi gi wayara ugi meera fokon lay ni an tuɗ ha kolo kasiya. An hin ŋgalasi ki ko tasi halaŋ.