HEBRENA 6:7 - Boy Lonana

⁷ Hu li ma ndaŋgara mbuɗ ki ŋgolomba ko yo lona si kaɗ tew tewra wanni, ndaɗ hin day tlena jivi maŋ suu horokŋa. Lona hin paɗ vunum ki kaɗ may.

HEBRENA 6:7 ပူးပေါင်းရင်းမြစ်များ

Magaara Vi Sa Jok Vun Lona OZE 10:12

Zaaragi ni zaara gasira, agi hin feɗegi tlena u furira. Poogi sene ma wilina, cecemmi ni li ma hal Yawena ta ta nam mba njayaygi ɗegee mamba kaygiya.

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

SOOLLA 126:6

Asi tuɗa, asi tuɗ u tiina, u mbumbu ma wa ma zaara kasiya. Asi hoŋ aya, hoŋ ay u furira, ay u wa ma ne ay hu senena kasiya.

Magaara JAK Ɓiiriɗta 5:7

Gorsenna ɗiligi irigi u lalamba na ɗil gak gak falira Bu Suuna hin mbara. Gologiya sa ma horokŋa ka ɗigil irim kay juɓ tlesuu ndaŋgara neesina. Nam irim na ɗil gak gak juɓ lo ma si jewna u ma si daganna lay.

EZEKIYEL 34:26

Hu mbas ndaɗta u ɦini mayra ŋguy kay mbas ndaɗtara halaŋ, an hin paɗ vunun ki kay li namma. An hin si mbo lona u voɗom lay, hin li ni mbo lo ma vunna ki paɗi kamma.

SOOLLA 24:5

Sa namma Yawe paɗ vunum ki kamu, nam fi ɗegeera fok Loomma.

DLAŊ LEVIRA 25:21

Ҥawaa, hu basara karkiyara ni an hin paɗ vunun ki, agi hin feɗ wana hu coki ndaɗta ni kay basara mba'.

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

URA TIN AYRA 27:27

Yakob ɦuɗ tam ay mboɗom hurumu, Isaak his baraw mamma cuk kamu, nam paɗ vunum ki kam di ana, «His goonna ni ko sene ma Yawe paɗ vunum ki kamma na.

URA TIN AYRA 1:11

Lona hin di ɗaŋŋi ana, «Tlena day kay ndaŋgara, tlesuu dayna zul njafasi ha ki kay ndaŋgara, guguni suu tira vuɗ njafasi hu zeɗ zeɗ may!» Asi hin li na may.

MATIYE 7:8

San li joɓpa ni, hin fiya. San li halla ni, nam hin fi may. Sa ma ci vun goŋga, hin malam lay.

2 TIMOTE 2:6

Sa ma horokŋa li sunda hu sene mamma loɓ cocoo, ni nam hin gijaŋŋa a feɗ tlegeyem ki vo jew ni namu.