HEBRENA 6:19 - Boy Lonana

¹⁹ Juɓ maygira ndaɗta ni ko zew kawi ma njun lumba njun musuk maygira na may. Ndaɗ gasi coli eŋga, ndaɗ kal hana ni jak duk baraw ma ɓorow ii Ziŋ Lonara kolora, tew hu li ma teteɗna ha hu kurufuwa.

HEBRENA 6:19 ပူးပေါင်းရင်းမြစ်များ

SOOLLA 43:5

Ŋgus manda va ma ndak a fam hu tiinana ni mege? Ndak yoo takŋi kay mege? Saa ni kay Lona na ɗow. Na daŋ may, an hin ŋgaam olo, nammi sa ma suɗunna, ni Loonna.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 16:2

Yawe di Moiz ana, «Di wayaŋŋa, Aaron, nam kal kalafi hu Li ma Saɓaki Teteɗna, ii gojoli ma caki duk ɦoŋgana na dam dambi, nam kal hu li ma Zandukka Galamba u yam Zandukka ka huna hu buuna belɗi, li ka naɗi ni nam hin miɗ kiyo, hu li ma an a tak tan duk ɗugulla kay li ma teteɗna tew tewna.

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

HEBRENA 9:3

Ha ŋgoo dagan baraw ma cak ii lina yam ana Li ma Saɓaki Teteɗna.

MATIYE 27:51

Baraw ma ŋgol ma jaki hu Ziŋ Lonara haa ki duk mba', col ay kay yam day, ndi ki kaŋga mbot mbot. Ndaŋgara dlak cocoo, ɦinira wak ki duk ŋguk ŋguk.

KOLOSNA 3:1

Lona paɗagi ay ki hu miɗna mbuɗugi kolo iiri u Kristu, halagi tlesuu kolo huulona hu li ma Kristu ka kaki hu bik ko ma njufna vi Lona.

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

SUNDA 27:29

Asi li ndaana ana lum kawina hin daɓ kay ɦini kalage. Ni kay ndaɗta asi njun kawi ma nekŋa njaw lum kawina dagan fiɗi kay a juɓ maɗiira fo ki tuwa.

ROMMA 4:16

Vi vun Lonna nam vammi u vira, ni u ɦala ɦawara vi Lona kay ndaɗ mba li kay njaf Abraham halaŋ, ni ka kay suu vi u gaɗta ɦawana holɗi, ni kay suu vi ko Abraham na mayna, Abraham ni buygi halaŋ.

SUNDA 27:40

Asi buɗ ɓalaŋ ma nek ma vi lum kawina kaŋgana ki buɗni hinim ha duk mbona. Asi buɗ zew ma njaw lumma dagan ma pereɗemma ki buɗni asi njun barawna ay fok lum kawina a semeɗna zuɗum a tuɗum kay hoŋ hoŋ lumma.

EZAYI 28:16

Na may Bu Suuna Yawe di ana, gola an gi ɦini ma tuk suuna belna ka hu Siyon. Ni ɦini ma gi u zina kamma, ɦini ma jivi ɦayna. Sa ma tin hurum kamma ka mbuɗ zoloɗi.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

HEBRENA 4:16

Ҥuɗuygi taygi ay u huu ma jivina eg dlamba vi Lonara, hu li ma oora. Aygi tuɗ faygi heɓ huuna u oora huwa ndaki a njun uygi hu li namma.

EFESNA 2:6

Hu taɓ maygira u Yesu Kristu Lona mbuɗuygi iiri u namu kay aygi mba kak ti mulla u nam hu mulla huulonara.

SOOLLA 42:5

Jew ni an tuɗ hu Ziŋ Lonara ko tan u suuna, dukusi ni an ka furi cocoo. An li luuna u furira, gi soolla ŋga Lona, humun gan kay boy namma wa ni hurun haɗ cocoo.

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

SOOLLA 39:7

Sana ni ko va ma ɦawana na. Nam ka loɓ tammi ɦawaa. Nam ka tok yam begera, may ka wi sa ma hin bas bege ndaɗta kanaɗi lay.

ZAKARI 9:12

Tuɗugi hu liigi ma saɓakŋa daŋgay suu hurusi tinina. Karam gaw an di boy namma na. An hin ɦagi warakŋa ŋgol su olo.

SUNDA 23:6

Pol wi ana suu ŋgolo suu kaɓakŋa ni suu ɦiw ni suu Sadusenna su ɦiw ni suu Farisenna may. Ni kay ndaɗta nam di kolo eŋga ana, «Gorsenna anni sa ma Farisenna, goo ma Farisenna lay. Ni kay an vi u colla kolo iirira vi suu miɗina an ka cemi fok suu kaɓakŋa ni na.»

ROMMA 4:18

Abraham viya ka juɓa kay dlara nam waɗ ka ginɗira kay hin mbuɗ a njaf suuna ŋgolo mba li a goryoŋu, ko Lona dira na «Ndum njaf maŋŋa hin lini na ga.»

ROMMA 5:4

Siɓpa lalamba ka mbuɗ maŋi hu tukaɗi, siɓpa juɓpa u ɗegeera.

1 KORINTNA 13:13

Cecem wanda ni tlena hindi kaa, vira, juɓa, u minda, va ŋgol duk tlesuu asina ni minda.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.