HEBRENA 6:12 - Boy Lonana

¹² Ami ka min ana agi mbuɗ ki zolomo naɗi, agi tli ni u suu vina suu lalamma, fi va ma Lona vi vunum kamma.

HEBRENA 6:12 ပူးပေါင်းရင်းမြစ်များ

HEBRENA 13:7

Humugi maa ki kay suu ŋgolo suu fokogi suu dagi Boy Lonana ay jewnaɗi. Saaragi kay poy masira jivira u miɗ masina lay, vi u Lona ko asi lira na may.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.

ROMMA 12:11

Lagi tagi fete, li zolombi, sunugi Bu Suuna u furira.

HEBRENA 5:11

Ami ka u dlara funumi ŋgolo a di kay boy namma, a dagina um kira wanni loɓ cocoo, kay agi tagi nek ɦay a humum um kira.

2 PIYER 1:10

Kay ndaɗta gorsenna soogi tagi eŋ a taɓ u yi mayra Lona yagira u manda nam managira, lini agi li ko ndaɗta na ni agi hin ka a cuk kaŋga hu coraɗi.

Magaara JAK Ɓiiriɗta 1:3

Lini agi wi ana viigira ka mbuɗ maŋi ko ndembaɗi ni, ndaɗ hin zul fokŋi u lalamba.

HEBRENA 12:1

Lini kaygi aygiya ni suu di kaygina ŋgolo ŋguyuygi yaygiya. Buɗuygi taygi ki ko tlesuu ɓeŋeygi poy maygirana, u cora gaɓi egeygira, liŋiygi ni liŋ ma ŋgaɓi kaygi a liŋimma.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

ROMMA 4:12

Nammi bu suu caw ɗiwisi kina lay ni ka kay suu di kay tasi ana asi caw ɗiwisi kiwana ɦawa naɗi, li u viimba nam mbuɗ a buygi Abraham bay caw ɗiwim tura na.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

VUN ŊGOLNA 18:9

Sa ma li zolomba kay sun mambana ni wayaŋ sa ma ka ɓalak tlena kina.

WIRA ŊGAYRA 13:10

Sa ma ay ki ŋgaɓi a ti daŋgayna hin gammi daŋgayna may, sa ma ay ki ŋgaɓi a ci ki u ŋgew ma ŋgolnana hin cam ki ni u ŋgew namma may. Ni kay ndaɗta dee suu vi Lonna kak ɗili u tukka ndaɗta u vira.

HEBRENA 11:33

Asi tli ndaŋgara ni u viisira, asi li vama ɗegeena, ni hin fi va ma Lona vi vunum kamma may. Asi duk vun dlona,

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

2 TESALONIKŊA 1:4

Ni kay ndaɗta ami ŋgaami tami kagiya kay suu vina vi Lona ni kay ɦiŋ magira u viigira agi ka siɓ lassa u wihawra.

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

MATIYE 22:32

Nam di ana, An ni Loŋ Abrahamma, Loŋ Isaakŋa, Loŋ Yakobma. Nam ka Lo ma vi suu miɗinaɗi, Lo vi suu iirina ni namu.»

VUN ŊGOLNA 15:19

Voɗta vi suu zolomba tlesuu siina huruɗ cocoo. Voɗta vi sa ma ɗegeena ki toori jiviya.

VUN ŊGOLNA 13:4

Sa ma zolomba ŋgiziɗ tlena, ka fiɗi lay. Sa ma li sunda ɦayna hoɓi u tlena may.

VUN ŊGOLNA 12:24

Sa ma li sunda cocona hin mbuɗ a mulna. Sa ma zolomba ni mbaɓu ma vi suunana.

1 TESALONIKŊA 1:3

Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.

Boy Ma Ayra Ma LUK Ɓiirimma 16:22

Sa hahawra miɗ miɗ ni suu sunda huulona mba tlam ha kolo eg Abraham. Sa begera hin miɗ miɗ ni, asi pam may.

MATIYE 25:26

Mulna hoŋom dira ana, Sa zolomba, ma li sunda cona. Aŋ wi ana anni sa feɗ wana hu li ma an zaa wa ka huɗi na ni saɓage? Aŋ wi ana hurun godlomba kay tlesuu vi suunana lay ni arage?

SOOLLA VI SALOMON 1:8

«Lini ndak ka wiɗi ni goora jivi ɦayra gi tak ay kay sem timigiina, tuɗ gor ɦuguni maksina ay eg zira vi sa ma taa yoorina na tok.»

VUN ŊGOLNA 2:20

Poy maŋga mba li ni poyra vi suu gaaraŋŋa, aŋ gol ni poyra vi suu ɗegeena.

VUN ŊGOLNA 28:10

Sa ma viɗ suu ɗegeena ki hu voɗta corana, hin ndi ni hu zul mamba nam vegeɗta tok. May suu ɗegeena hin fi jivira a joosina.

VUN ŊGOLNA 26:14

Cokoromma mal ni hu li ma nam gii huna na gaga, sa ma zolomba mbusuk kay lay mamma ni na may.