HEBRENA 6:1 - Boy Lonana

¹ Kay ndaɗta wuluygi fok u haɗta vi suu ŋgolona. Hinigi haɗta vi suu jew suu vina ki ŋgoroygi dagani. Aygi ka miniygi u dlara wili kay boy nammaɗi. Va ŋgolna ni ana hin sunda cora kiyo, vi u Lona.

HEBRENA 6:1 ပူးပေါင်းရင်းမြစ်များ

VUN ŊGOLNA 4:18

May voɗta vi suu ɗegeena ni kiɗikka fo lina, kiɗik ndaɗta tuɗ ha fok gak gak ɓo lina kiyo.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

MATIYE 21:29

Nam hoŋom dira ana, An minɗi. Ŋgoo daganda nam saa hurum na ni, hin tuɗ hu senena.

MATIYE 21:32

Jaŋ mbay dukugi takagi voɗta ɗegeera, agi vam vunum kaɗi. Suu vi taara u gawlaŋina vam vunummi asiya. Agi wi dla ndaɗta may, mbuɗ hurugi ka a vam vunumbi.»

MATIYE 3:2

ana, «Jokogi hurugi ki jivi zeɗ. Mulla huulonara mbawa tok.»

MATIYE 4:17

Hu li namma Yesu gijaŋ di boyna ana, «Jokogi hurugi ki jivi zeɗ. Mulla huulonara mba wa tok.»

MATIYE 5:48

Lagi pasiyak ko Bugi ma kolo huulona pasiyakka na may.»

MATIYE 7:25

Lona siya, mbona tli cocoo, babaana paɗ kay zi ndaɗta lay. Zi ndaɗta ka bow kiɗi, kay ndaɗ mini kay ɦinira.

MARK 1:1

Gola ni gijaŋŋa vi Boy ma Ayra ma di ki kay Yesu Kristu, Goŋ Lonna.

MARK 6:12

Asi suu doogo yam mbana mbee ki mbee ni, ɓak maŋ suuna ana jokogi hurugi kiyo, homogiya.

Boy Ma Ayra Ma LUK Ɓiirimma 6:48

Sa namma tli tammi ko sa a min zira, vek zulla, nja gogoyra kaŋga huwa, tin u zira kaɗta na. Babaana paɗa, mbona tli uɗ lay, ndaɗ ka bowɗi, kay ndaɗ mini jiviya.

Boy Ma Ayra Ma JAŊ Ɓiirimma 12:44

Yesu ɓak eŋga ana, «Sa ma tin hurum kanna tin hurum ka kan an doy holɗi, ni kay sa ma sunun ayna may.

Boy Ma Ayra Ma JAŊ Ɓiirimma 14:1

Yesu dasi ana, «Li hurugi ndaaɗi. Tin hurugi kay Lona may, kan may.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

1 KORINTNA 13:10

Ma gasina mba wa ɗaŋŋi tlesuu ka u voɗosiɗina hin daɓ kini na gaw.

1 KORINTNA 2:6

An di boyna kay nera vi Lona maŋ suu vina suu ki ndakina, ni ka nera vi suu kay ndaŋgara tani ɦawaɗi, ka kay saɓakŋa vi suu kak ki kay ndaŋgara tani suu hin ba kina ɦawaɗi.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

2 KORINTNA 7:10

Yoo mayra eg Lonara ni jok iirira ki zeɗ, tuɗ sana hu suɗta, sana ka ndak a saa kaɗ oloɗi. Yoora hu ndaŋgara ni tuɗ sana hu miɗna.

EFESNA 2:1

Agi ay jew miɗi fok Lona kay coogira, kay suluk magina.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

EFESNA 4:12

Nam li na ni kay a min ii suu vina ki u Lona kay asi mba li sunda duk suu vi Kristuna. Kay a wul mbalata Kristu kolo hu vira.

KOLOSNA 1:28

Ni kay ndaɗta ami di ki kay Kristu maŋ suuna halaŋ. Ami neesi yasi kiyo haɗasi lay u neemba halaŋ kay colosi fok Lona ko suu ŋgolona na hu taɓpa u Kristu.

KOLOSNA 3:14

A su saɓak bella ni minda, ni dlara a taɓagi dukugi a mbuɗugi ɗegeera ni ndaɗ dew.

KOLOSNA 4:12

Epafras ni wayagina lay gagi deɓpa nammi sa sunda vi Yesu Kristu ma cen Lona kagi tew tewna, kay agi mba kak saɓak hu ŋgussa ko suu ŋgolona na, kay min tagi a li sunda jivira ɗegee ta Lona miniɗta.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 6:19

Asi li wa na ni asi tokŋi tlegeyesi suu jivina kolo kay fokka, ni asi hin fi iiri mayra gasira.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

HEBRENA 12:13

Tuɗugi hu voɗta jivi ɗegeera, kay gayagi ma dalina irim mba ɗoɓ kiɗi, doli nam garaɗ ki jiviya.

HEBRENA 7:11

Dla ɓivunna vi suu Levina ay coli ni u gaɗta vi suu Israelna. Lini muli suu li ɓivunna vi suu Levina li ay ɗegeereni, mul ma li ɓivun ma daŋ mbay olo kay mege? Mul ŋgol ma li ɓivun namma ka u voɗta vi Melkisedek, ka hu voɗta vi Aaronɗi lay.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

Magaara JAK Ɓiiriɗta 1:4

Gologi jiviya kay lalam magi ndaɗta mba tak dlara jivira ki cocoo, kay agi mba kaɗak ki hu vaɗi.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 JAŊ 4:12

Sa wi Lona u irim kaɗi lini aygi minigi taygi duk taygiya ni Lona hin li huruygi may, min mamba li ki gasi huruygi wa may.