HEBRENA 5:9 - Boy Lonana

⁹ Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

HEBRENA 5:9 ပူးပေါင်းရင်းမြစ်များ

SOOLLA 45:17

Ndak hin fi gorra cocoo, asi mbuɗ ki ni somoyoku. Goryok hin lak ha ki a mulina kay yam mbassa zeɗ zeɗ may.

SOOLLA 51:6

An li co ndaɗta ni egeŋ aŋ na dew, an li dlara ka iriŋ jiviɗira. Kay ndaɗta aŋ ɓakŋi u voɗoɗu, ɓak maŋŋa, ŋgul ka huɗi.

SOOLLA 51:8

Aŋ may ni minni huu ma jivina, duk ndufun manda aŋ takan neeŋga.

EZAYI 45:22

Mbuɗugi irigi ay egenu, suɗ tagi kiyo, agi suu kay yam ndaŋgarana halaŋ kay anni Lona dew daŋ, lo ma daŋ kaɗi.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

ZAKARI 6:15

Suu ay ki keŋ day dayna hin mbay li sunda hu ziŋ Yawera. Agi hin wi ki ana, Yawe, ma Saɓakŋa Kom Belna, sunun ay egegi ni namu. Dla ndaɗta hin mba li ni agi humugi vun Yawe Loogina.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

Boy Ma Ayra Ma LUK Ɓiirimma 13:32

Yesu hoŋ dasi ana, «Hoŋogi i dagi maŋ bayak namma ana an dik ful ma cona kiyo, garaɗ suu tuguɗira ki lay karam may, vin may, siw may, a hindira ni sun manda a daɓ kira.»

Boy Ma Ayra Ma JAŊ Ɓiirimma 19:30

Yesu soɓ mbo namma ha na ni, di ana, «Tlen halaŋ daɓwa!» Nam cok yam kaŋga na ni, ɦal ŋgus mamba kiyo.

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

SUNDA 4:12

Nam dew daŋŋi Sa ma Suɗta, hu duliyara halaŋŋi Lona ɦal sem sa ma daŋ ma suɗuygi kaɗi.»

SUNDA 5:32

Ami ni suu diki kay dla ndaɗta, ami may, Musuk Lonara nam haɗ maŋ suu may suu hum umma may.»

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

ROMMA 10:16

Suuna vi Boy ma Ayra ka halaŋgi, Ezayi di ana, «Bu Suuna sana vami boy mamina ni gege?»

ROMMA 15:18

Lini an min a ɓak eŋ kay va ni kay mayra Kristu yan ki a mbuɗ njaf suu daŋŋa ki a hum u Lona nam tak dla ndaɗta ki u boyna u sunda may.

ROMMA 2:8

Nam hin tak yaamba ki u hurum ma ɓeŋina eg suu hurusi gonokka egemma, u suu ka hum u gasiraɗina hoŋ hum u dlara ka u voɗoɗɗira ɗowna.

ROMMA 6:17

Gi deɓ Lona, agi suu li ay jew mborɓiina ko dla corana, cecemi agi vi u hurugi halaŋ mbeleŋ ma agi wam ay hu haɗtana.

2 KORINTNA 10:5

Ami toomi tlesuu sana colosi a ŋga tamma kay wira vi Lona ki kaŋga halaŋ ami njun saara daŋga kaŋga halaŋ kay a hum u Kristu.

FILIPINA 2:12

Banayanna agi hum ay un hu li ma an ay dukugina, va ma ŋgolna ni agi mba hum un ko ndaɗta na, lini an ka dukugiɗi lay, lagi sunda kay suɗ magira u ndaana huwa.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

HEBRENA 11:40

Kay ndaɗta Lona takaygi fok jivi su olo, nam min ka ana asi mbuɗ ki pasiyak fokoygi jewɗi.

HEBRENA 11:8

U vira Abraham hum vun Lona hu li ma nam yamma, nam tuɗ hu mbassa ndaŋga Lona ɦamba a jonara. Nam hin mbas mamba kiyo, tuɗ hu mbas mayra bay nam waɗta.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

HEBRENA 9:12

Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

HEBRENA 9:15

Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

Magaara JUD Ɓiiriɗta 1:21

Lakagi hu minda Lona minigira, juɓ Bu Suuna mayna Yesu Kristu u jivi mamba mba ɦagi iiri mayra ka daɓ kiɗira.