HEBRENA 5:7 - Boy Lonana

⁷ Yesu hu iiri mamba wanni nam cen Lona mbuɗ tam ki hahawara na ɗow, sawalla kolo u simina irim kay nam ndak suɗum ki hu miɗna. Lona humum cen mamba ni kay hoŋga nam hoŋ yam kaŋga umba.

HEBRENA 5:7 ပူးပေါင်းရင်းမြစ်များ

SOOLLA 22:24

Agi suu li ndaa Yawena, geleɗegina, agi njaf suu vi Yakobma halaŋ, ŋgaagina, asi njaf suu Israelna halaŋ, lam ndaaramu.

SOOLLA 69:1

Soolla vi sa ma fok suu gi soollana, Soolla vi David. Soolla u ɓo tlena.

SOOLLA 88:1

Soolla vi sa ma fok suu gi soollana, soolla haɗta vi goryoŋ Korena, gaɗ u diffa u suu vi Heman ma Ezrana.

EZAYI 49:8

Yawe di ana, hu li ma oora ni an humuŋ cen maŋga. Hu buu ma suɗta ni an mbay njun kaŋu. An goloŋ ŋgayaŋ ki vay daŋ zeɗ. Aŋŋi a galamba an vaɗ u suunara, a aŋ min yam mbassa halaŋ. A aŋ ɦal ɓorow ma vi njaf suu ay ki njayna may.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

DLAŊ LEVIRA 2:2

Mbaa tle asina ay maŋ muli suu li ɓivunna, goryoŋ Aaronna. Yow fuɗ ndaɗta ni oy duk koŋ dew. Fuɗta may, mbulna may, u mbitla his jivira may. Mul ma li ɓivunna ŋgal tle asina kay givin ma togolla, ni ɓivun ma gi humba. Ni tlesuu ɦasi maŋ Lona a ŋgalasi kina, his ma jivi ii Yawena.

MATIYE 27:46

Faɗta leŋ ki a boyogina duu barra leŋi, Yesu ɓak u delemba eŋga ana, «Eli! Eli! Lama sabaktani?» U vun masina ni ana, «Loonna, Loonna, aŋ hinin ki ni kay mege?»

MATIYE 27:50

Yesu bay eŋga na haŋgak olo ni, nam seeɗ gaw.

MARK 15:34

Faɗta leŋ ki a boyogina du barra, Yesu ɓak u delemba eŋga ana, «Elowi, Elowi lema sabaktani,» u vun masina ni ana, «Loonna, Loonna, aŋ hinin ki ni kay mege?»

MARK 15:37

Yesu bay eŋga na haŋgakŋi, seeɗ gaw.

Boy Ma Ayra Ma LUK Ɓiirimma 23:46

Yesu bay eŋga na haŋgak ana, «Bunu, an cuk ŋgusun hu duk koŋu.» Nam di na di ni, seeɗ gaw.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 11:35

Yesu tiira.

Boy Ma Ayra Ma JAŊ Ɓiirimma 11:42

An wi ana aŋ humun tew tew. An di va namma ha na ni kay suu ŋguy egen wanna ni a asi tin hurusi ana aŋ sunun ay ni aŋu.»

Boy Ma Ayra Ma JAŊ Ɓiirimma 17:1

Yesu daɓ njaɗta daɓmi, tli irim kolo huulona di ana, «Bunu, lin ndak wa. Ҥal ŋgolla ay maŋ Goroŋŋa a Goroŋŋa hin ɦaŋ ŋgolla may.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:5

Hu li ma Kristu a mba hu duliyara wanni, nam di Lona anaba, «Aŋ ka min ni va ma ɓivun u va ma ɦalɗi, aŋ minin mbalatanu.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

1 JAŊ 4:3

Lini sa ma ka min a hum u dlara li eg Yesu ndaɗtaɗi ni saa mamba col ay ka vi Lonaɗi, saara egem ndaɗta ni vi Babali ma vi Kristuna. Agi hum ki ana nam hin mbaya, cecemi nam mba ki hu duliyara da.

2 JAŊ 1:7

Suu kaboyna zul ki hu duliyara cocoo asi ka vi ana Yesu Kristu mbuɗ ki gasi sana naɗi, sa di nana ni sa kaboyna, ni Babali ma vi Kristuna.