HEBRENA 5:12 - Boy Lonana

¹² Lina jak ki ni ŋgolo a agi mbuɗ a suu haɗ suuna may, doli agi min ni Boy Lonana ma haɗam ay jewna olo. A ti fu ma eŋŋa, magira ni agi min ana ɦagi ni mbira a cira.

HEBRENA 5:12 ပူးပေါင်းရင်းမြစ်များ

2 SAMUEL 16:23

Gaɗta Ahitofel ɦaɗ hu li nammara ni ko boy Lonana na. Gaɗta vi Ahitofella halaŋŋi ko ndaɗta na jivi kay David lay, kay Absalom lay.

EZDRAS 7:10

Ezdras gasi daŋ may ni ɦal hurummi a hal gaɗta vi Yawera, a takaɗ ki kiɗik, li uɗ may, a haɗ gaɗta u dlara jewra vi suu Israelnara.

SOOLLA 34:11

Dlona lay ni buu u vunumu, mayra cam lay. May suu hal Yawena, va ka kaɗak kasiɗi.

EZAYI 28:13

Olo ni boy ma vi Yawena hin li masi may su? Ko di ana boyna kay boyna, boyna kay boyna, gaɗta kay gaɗta, gaɗta kay gaɗta, tani nde may, ha tana nde may. Hu li ma asi a tuɗta ni asi puk gaa. Asi mun u furusi lay, suuna hin yowosiya vasi balna.

EZAYI 55:1

Agi suu may suu laara cagina mbaagi ay eg mbona, sa ma gursu ka kombina lay mbaya, joɓogi tlesuu tira tagiya, mbay cagi sum veŋŋa u mbiira bay gussa.

MATIYE 17:17

Yesu hoŋ dira ana, «Agi njaf suu co suu hurugi ka tini kanɗi na, an hin li basara dukugi ni ga olo ge? An siɓ u agi ni basa ga olo ge? Mbaaran goona ay tani.»

MARK 9:19

Yesu dasi ana, «Agi njaf suu hurugi ka tini kanɗi na, an hin li basara u agi ni ga olo ge? An siɓigi ni basa ga olo ge? Mbaaran goona ay tani.»

SUNDA 7:38

Nammi sa ma duk suu Israelna ay toki ŋgoo bagina. Nammi sa ma ay ko tam u somoyoygi lay, ay ko tam u sa sunda huulona ɓakam kay ɦinira Sinayra lay. Nam fi boy ma iirina ay fun Lona ni maygi aygi a jokom kira may.

ROMMA 3:2

U ŋgara ŋgolla ay ni eg suu Juifna kay nam ɦasi boy mamma ay fok jewe.

1 KORINTNA 14:19

Fok suu vina hu tokka, lini an di boyna vadl lay u vun ma suuna humumma halaŋŋi, haɗ suu hiŋŋa, su kay mayra an di boyna ŋgolo u vun ma sa ka humumbina.

1 KORINTNA 14:20

Gorsenna, lakagi hu dlaagira ko gorkemba naɗi, lakagi ko gorkemba na hu dla cora, a gi ii boyna ni agi lakagi ko suu ŋgolona na.

GALATENA 4:3

Aygi ay ni gorkemba ko ndaɗta na may, aygi ay ni mborɓiina vi tlena hu duliyara.

FILIPINA 3:1

Cecemi gorsenna furiyugi kay taɓpa hu Bu Suuna, ka kan loɓ a an hoŋogi va ma an ɓiirim ki jewnaɗi, kagi agi ni gasi na daŋ may.

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

HEBRENA 10:32

Humugi gagi kay va ma agi wam ay jewna. Hu buu namma agi fagi kiɗikka vi Lonara fi ni, agi fagi wihawra ŋgolo, na lay ni agi lagi saɓak hu duu namma.

HEBRENA 5:11

Ami ka u dlara funumi ŋgolo a di kay boy namma, a dagina um kira wanni loɓ cocoo, kay agi tagi nek ɦay a humum um kira.

HEBRENA 5:13

Sa ma ci mbira ni gogoona, nam ka ndak a wi tlesuu gasina u suu ka u voɗosiɗina ɗi.

HEBRENA 6:1

Kay ndaɗta wuluygi fok u haɗta vi suu ŋgolona. Hinigi haɗta vi suu jew suu vina ki ŋgoroygi dagani. Aygi ka miniygi u dlara wili kay boy nammaɗi. Va ŋgolna ni ana hin sunda cora kiyo, vi u Lona.

1 PIYER 2:2

Ko kemba vuɗ wilira na, hal mbira gasira hu Boyna vi Lona. Agi cagira a wulugi u ndaɗu suɗugi tagi kiyo,

1 PIYER 4:11

Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.