HEBRENA 4:2 - Boy Lonana

² Kay aygi humuygi Boy ma Ayra ko asi suu humum ay ŋgoo bagina na may. Asi hum boy namma ni nam li va ka egesi na ndeɗi, hu li ma asi humumma ni asi vam ka u vira hurusi na ndeɗi.

HEBRENA 4:2 ပူးပေါင်းရင်းမြစ်များ

1 TESALONIKŊA 2:13

Kay ndaɗta ami gi deɓ Lona tew tew, kay agi vi boyna vi Lona ma ami daginana, ka ko boyna vi suuna naɗi, ni gasi ko nammi boyna vi Lona ma ka li sunda hurugi agi suu vina na.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

1 TIMOTE 4:8

Haɗta vi mbalatara jivi maɗta ka ŋgolɗi, vira vi tara eg Lonara ni ŋgol su na ɗow. Nam ɦaygi iirira cecemba ni lay, ta ha fokka lay.

ROMMA 2:25

Lini aŋ hum u gaɗta ni caw ɗiwra li kaŋ jivi may, lini aŋ ka hum u gaɗtaɗi ni, ko aŋ caw ɗiw kaɗira na.

SUNDA 13:46

Pol u Barnabas dasi ki ɗal ɗal ana, «Lini nanagelay Boy Lonana dagina ay ki magi jewe, agi hin noy boy namma kiyo, ni agi ndak ka kay iiri mayra ka daɓ kiɗiraɗi. Cecemi ami tuɗumi eg suu ka njaf suu Juifnaɗina.

Magaara JAK Ɓiiriɗta 1:21

Ni kay ndaɗta cukugi tlesuu njenjena u sunda cora kiyo, vi boy ma ɗilina vi Lona ma nam pagina hurugina eŋe, kay nam ndak a suɗugi kini namu.

HEBRENA 4:6

Suu hum Boy ma Ayra ay jewna cuk ka hu li ma koɗ taraɗi kay asi vi kaɗi. Ni lina ka kay suu daŋŋa a hin cuk huwa.

1 KORINTNA 13:3

An ndak a ɓorow tlegeyen ki halaŋ, ɦal tan a ŋgal kira lay, lini min manda kaɗi ni ka li va dewɗi.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

1 TESALONIKŊA 1:5

Kay Boy mami ma Ayra tewegi ka ni u boyna ɦawaɗi, ni u saɓakŋa u Musuk Lonara u gasira ŋgolla. Agi wi lay ami ay dukugi vi tami ni kay boy magina.

GALATENA 3:8

Boy ma Ɓiirina di ki fok jew ana Lona min mbuɗ njaf suu ɦawana ki fokom ɗegee ni u viisira ni kay ndaɗta ndaɗ di Boy ma Ayra ay fok jew maŋ Abraham ana, «Lona hin paɗ vunum ki kay njaf suuna halaŋŋi u aŋu.»

GALATENA 4:13

Humugi gagi kay fali mayra an mba dagi Boy ma Ayra jewra ni an ay tuguɗiyo.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

GA 8ATAMBARA 1:32

Hu dla ndaɗta halaŋ lay ni agi tin hurugi ka kay Yawe Looginaɗi lay.

ROMMA 3:3

Lini suu hiŋŋa bay viya, bay vi ndaɗta hin ɓeŋ ɗegee Lonara ki su?

GALATENA 3:2

An min ana agi hoŋ dira kay joɓpa dew wanda, agi fagi Musuk Lonara ni ko agi li u gaɗtara su? Ɗowba kay agi hum Boy ma Ayra, vi umba su?