HEBRENA 4:15 - Boy Lonana

¹⁵ Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

HEBRENA 4:15 ပူးပေါင်းရင်းမြစ်များ

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

1 PIYER 2:22

Nam li co kaɗi, sa hum boy ma kaboy ka funum faɗ taa dewɗi.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 5:2

Nam tamba lay ni maŋi mamba kaa, nam ndak tak humba vi suu ka wi dlaɗina u suu li cora.

Boy Ma Ayra Ma JAŊ Ɓiirimma 8:46

Sa dukugi ndak a di ana an li cora ni gege? An li di ni dlara gasira ni, agi ka tin hurugi kanɗi ni kay mege?

EZAYI 53:9

Asi vekem zulummi duk suu li dla cora, usummi duk suu sulukŋa. Na ni nam li co ka yam na dewɗi lay, boy ma ganyam ka kal ki funumbi lay.

Boy Ma Ayra Ma LUK Ɓiirimma 22:28

«Agi may ni wi dlara li egenda ki halaŋ.

Boy Ma Ayra Ma LUK Ɓiirimma 4:2

Yesu li buuna dok fiɗi. Satan hal a ndememu, hu buu namma nam ka ti vaɗi, mayra mbuɗ camu.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

KALKIRA 23:9

Aŋ las ŋgay ma cuki varaŋŋaɗi, agi lay wi dlara ŋgayra ki jiviya kay agi ay ki ŋgayra hu Egipte.

MATIYE 12:20

Cerew ma gunina nam ka kusum kiɗi, kura vi ew ewra nam ka caɗ kiɗi. Nam hin li na gak gak, ɗegeera mbuɗ su cora.

MATIYE 4:1

Musuk Lonara tin Yesu ki ŋgoo bagiya a Satan ndememu.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.