HEBRENA 4:13 - Boy Lonana

¹³ Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

HEBRENA 4:13 ပူးပေါင်းရင်းမြစ်များ

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

VUN ŊGOLNA 15:3

Ii Yawe ka ki hu lina halaŋ, wi suu cona u suu jivina halaŋ.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

JOB 34:21

Kay Lona irim ka cuki kay poyra vi sa warna. Nam ka njumum sem ma tuɗta halaŋ.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

VUN ŊGOLNA 15:11

Yawe wi dlara ka li ha hu lina vi suu miɗinara halaŋ. Nam wi saara ha kurufu huu sanara ki ni su olo.

SOOLLA 44:21

Lini ami maa ki kay Loomina lay, lini ami pereɗ irimi u loogi suu daŋŋa lay,

JOB 26:6

Lin vi suu miɗina ki ni fokom kiɗik ɦawaa. Li ma ndufun cocona ka irim ŋgayɗi lay.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

SOOLLA 90:8

Aŋ tinimi coomira kolo fokoŋu, dlaamira ŋgayra ki kiɗik iriŋ halaŋ.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

Boy Ma Ayra Ma JAŊ Ɓiirimma 2:24

Yesu ɦal hurum ka masiɗi kay nam wasi hurusi ki jivi halaŋ.

JOB 38:17

Sa takaŋ vun grek ma vi suu miɗina ay ki wa su? Aŋ wi ŋgus lina vi suu miɗina ay ki wa su?

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

SOOLLA 139:4

Boy ma vunun dam ka tuɗina lay, Yawe, aŋ wam ki wa ɗow.

VUN ŊGOLNA 5:21

Kay ii Yawe ka wi voɗta vi suunara halaŋ, nam ka golosi voɗta asi tuɗ huruɗta halaŋ.

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

DANYEL 2:22

Nammi sa ma tak u dlara mbuɗ mbuɗ mayra ki ŋgayra kina, nam wi tlesuu ka duk ndufundana lay, kiɗikka ka u nam may.

MATIYE 6:4

Va namma ni duk tagi doy hol. Aŋ li li na ni, Buŋ Lona wi ni nam doy hol, aŋ hin fi va komu.»

Boy Ma Ayra Ma JAŊ Ɓiirimma 4:16

Yesu daɗ ana, «Tuɗ yi njufuk aya hoŋogi ay tani.»