HEBRENA 4:12 - Boy Lonana

¹² Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.

HEBRENA 4:12 ပူးပေါင်းရင်းမြစ်များ

SOOLLA 110:2

Aŋ, Yawe, ti mulla kay Siyon u zi ma daŋŋa lay, aŋ kak mulna kay suu babali maŋsina lay.

SOOLLA 119:130

Humba hum u boy maŋŋa lira tak kiɗikka cocoo, ndaɗ ɓorow ii dlara ki ko suu hoŋ yasi gaana.

SOOLLA 139:2

lini an buuri gaa, kaki koloo, halaŋ aŋ ka wanu. Ay ki day ni aŋ wi dlara an laɗta ki dew dew halaŋ,

SOOLLA 149:6

Geleɗegi Lona u delegi kolo halaŋ, yowogi ŋgew ma siim jakŋa kogiya.

SOOLLA 45:3

Aŋ jivi su suuna halaŋ, oora ɓaɗ ay ki funuŋ ko yona na. Lona paɗ vunum ki kaŋ a fafaɗta.

VUN ŊGOLNA 5:4

may ŋgoo daganda ni ndaɗ ki galaara ko ndal jarakka na, ki siina ko ndal ŋgew ma siim guuri luh luhna na.

DI BOLLA 12:11

Boy ma vi sa ma wi dlara ni ko ndal gu ma vunum feɗi ma dik u mbutlina na. Suu ɓii dla ndaɗtana ni ko ndal pondi ma ɓali eg tlenana na. Lona malay ma goloyna ɦal dla ndaɗta ay ni namu.

EZAYI 11:4

Nam kaɓakŋa vi suu maŋina ni u ɗegee masira. Suu haw suu hu mbas mambana nam kaasi ɓak masina ni u minda. Sa ma las suuna nam kaam ɓak mamma ni u boy mamma tok. Nam ci suu cona ki ni u semeɗ ma kal ay ki funumma.

EZAYI 49:2

Nam lan vunun ko ŋgew ma siina na. Nam ŋgomon ga u ŋgus komu, nam ŋgomon ko mbuuru mayra cuki hu guuruɗ siiɗ zalira na.

EZAYI 55:11

Boy manna ni ko ndaɗta na may, hu li ma nam kal ay ki fununna. Nam ka hoŋ ay egen bay li vaɗi, ka hin bay li dlara an miniɗta kiɗi. Kay ndaɗta an dammi na.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 23:29

Boy manna tli tammi ko ndal tlesuu wanna na, ko ndal kura u do caffa luɗ gogoyra kira na. Yawe di na.

Boy Ma Ayra Ma LUK Ɓiirimma 8:11

«Humugi u ndal boy ma kay waɗ njafna ha ɗaŋ. Waɗ njafna ni Boy ma vi Lonna.

Boy Ma Ayra Ma JAŊ Ɓiirimma 12:48

Sa ma noyon ki ka van boy mannaɗi na, hin fi tlege suu kaɓak mamma na ni huwa. Haɗ manda hin kaam ɓakŋa hu buu ma do ŋgoo daganna, ni ndaɗu.

Boy Ma Ayra Ma JAŊ Ɓiirimma 6:51

An ni fu ma iiri ma col ay kolo huulona, sa ma ti fu nammana, kak iiri ni a fafatɗa. Fu ma an hin ɦammana ni tliw tanu, tliw tan ma an ɦagina a tirana ni ana suuna kak iiriya.»

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

SUNDA 4:31

Asi daɓ cenda may ni li ma asi laki huna geŋeɗ na jik jik. Asi oy ki u Musuk Lonara gijaŋ ɓak Boy Lonana u ɦiŋga.

SUNDA 5:33

Suu ŋgolona hum boy namma na ni hurusi ɓeŋ egesiya, hal a ci suu vovoɗta kiyo.

SUNDA 7:38

Nammi sa ma duk suu Israelna ay toki ŋgoo bagina. Nammi sa ma ay ko tam u somoyoygi lay, ay ko tam u sa sunda huulona ɓakam kay ɦinira Sinayra lay. Nam fi boy ma iirina ay fun Lona ni maygi aygi a jokom kira may.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

1 KORINTNA 1:24

Kay suu Lona yasina, lini suu Juifna lay suu daŋŋa lay, Kristu ni saɓakŋa u nera vi Lona.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

EFESNA 5:13

Hu li ma sun masira ndaɗta tak ki kiɗik wa ni u dlaasira hin gi ki ni na ɗal ɗal gaw.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

EFESNA 6:17

Vagi suɗta kogi ko jumba na, vagi Boy Lonana ma Musuk Lonara ɦaginana ko ndal ŋgewna na.

1 TESALONIKŊA 2:13

Kay ndaɗta ami gi deɓ Lona tew tew, kay agi vi boyna vi Lona ma ami daginana, ka ko boyna vi suuna naɗi, ni gasi ko nammi boyna vi Lona ma ka li sunda hurugi agi suu vina na.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

HEBRENA 13:7

Humugi maa ki kay suu ŋgolo suu fokogi suu dagi Boy Lonana ay jewnaɗi. Saaragi kay poy masira jivira u miɗ masina lay, vi u Lona ko asi lira na may.

HEBRENA 6:5

Asi wi ki ana Boy Lonana jiviya, asi haɗi a wi saɓakŋa vi duliyara hin mbay fokka lay.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

1 PIYER 1:23

Kay ndaɗta agi vuɗ ni wiliya, ni ka u njaf ma miɗ kinaɗi, na may ni u njaf ma ka miɗɗina u Boy Lonana ma ka iiri didinna.

WIRA ŊGAYRA 1:16

Nam vi ciciwra komma njufna kiɗisiya, ŋgew ma digiina siim keŋ jak kal ay ki funumu, irimba golla weleɗ ko ndal fatɗa weleɗ faali ŋgolla na.

WIRA ŊGAYRA 19:15

Ŋgew ŋgol ma fiyekŋa kal ay ki funumu, nam tuɗ ci ki ni suuna nam tuɗ fokosi u tokolo kawi namma. Nam hin gugutlura hu va ma sum yara vi Lona ma Saɓakŋa Kom Belna huna.

WIRA ŊGAYRA 19:21

Suu daŋŋa casi ki u ŋgew ma fiyek ma kal ay ki fun sa ma fuli kay kulummana, layagina halaŋ komosi ni tliwisiya.

WIRA ŊGAYRA 2:16

Mbuɗ huruŋ kay cooŋga, li ka naɗi ni an hin mba cecem, an hin duu u suu asina ki u ŋgew ma digiina ma kal ay ki fununna.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

SUU KAƁAKŊA 3:16

Ehud tli ŋgew ma siim mbana komu. Fiyekem nus meterra. Nam njunum ɓalam ma njufna hu baraw mamma.