HEBRENA 4:1 - Boy Lonana

¹ Lona hini vi vunna ana aygi ndak a cuk hu li koɗ tara egemu. Gologi tagi jiviya sa maa dukugi hin ki bay kal hu li ma koɗ ta nammaɗi.

HEBRENA 4:1 ပူးပေါင်းရင်းမြစ်များ

HEBRENA 12:15

Gologi tagi jiviya a sa mba hoŋ ki dagan, hin oora vi Lona kiɗi. Gologi tagi jiviya kay sa mba mbuɗ ko gu ma galaana li cora eg suuna ŋgolo u galaa mamba.

HEBRENA 4:11

Soogi tagi a cuk hu li ma koɗ ta namma, laygi a sa maa dukuygi mba li ko suu ay ŋgoo bagina hum vun kaɗira na, a hin ki bay kal hu li nammaɗi.

HEBRENA 4:9

Ni koɗ tara vi Lonara hu buu ma kiɗisiyana hinni maŋ suu vi Lonna.

VUN ŊGOLNA 28:14

Furira ka kay sa ma fuɗ tam ki ko dla corana. Sa ma hurum co ɦayna dlara yoora hin mba kam may.

HEBRENA 13:7

Humugi maa ki kay suu ŋgolo suu fokogi suu dagi Boy Lonana ay jewnaɗi. Saaragi kay poy masira jivira u miɗ masina lay, vi u Lona ko asi lira na may.

2 TIMOTE 2:13

Lini aygi ka ɗegeeɗi lay nam ka ɗegee tew tew, nam ka garak u dlaamba nam laɗtaɗi.»

1 KORINTNA 10:12

Kay ndaɗta sa ma ka saa a col kolona, gol tam jiviya kay nam mba ndi kaŋga oloɗi.

ROMMA 11:20

Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow.

ROMMA 3:23

Suuna halaŋ li cora wa, ka ndaki kay a fi ŋgolla fok Lonaraɗi.

JEREMI 32:40

An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.

NDUMBA 14:34

Ko agi tuɗ a gol mbassa li buuna ay dok-fiɗi, ko ndaɗta na may agi hin li basara ŋgoo bagi ni dok-fiɗi may. Buuna dew ni basa dew may, ni a zii coogira agi laɗta, agi hin wi ki ana an ma ka mbuɗɗina li ni na.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 3:11

An mbuɗ yara, suu tan anaba, asi ka a cuk hu li ma suuna koɗ tasi hu egennaɗi.»

VUN ŊGOLNA 14:16

Sa ma wi dlara li ndaa cora fuɗ tam ki koɗu. Sa ma laɓana taɓa ha kay dlara halaŋ, gol ana va ma lam ka huɗi.

1 SAMUEL 2:30

Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.

MATIYE 24:48

Lini sa li sunda cona ni, nam saa hurum kurufu ana, Malanna ka a mba vo zakgi.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

GALATENA 5:4

Agi suu hal a mbuɗ tagi ɗegee fok Lona u gaɗta agi ɓorow duk ɦoŋogi ki u Kristu wa, agi mbuɗ ki eg oora vi Lona wa day.