HEBRENA 3:6 - Boy Lonana

⁶ Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

HEBRENA 3:6 ပူးပေါင်းရင်းမြစ်များ

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

1 KORINTNA 3:16

Agi wi ka ki ana agi ni Ziŋ Lonana, Musuk Lonara kaki hurugi may.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

HEBRENA 10:35

Hin gasi magira kiɗi, warak ma ŋgolna ka juɓa.

HEBRENA 6:11

Ami min ana gegelay dukugi mba tak tamba feɗta na gak gak hu daɓpa lay, va ma agi ka saa kamma mba li u voɗom ɗegee gasi.

1 KORINTNA 6:19

Agi ka wi ana mbalatagi ni zina vi Musuk Lonara naɗi su? Musukka hurugi wanda Lona ɦagira ni namu. Mbalatagi ka ni magira kay tagiɗi.

HEBRENA 10:23

Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

HEBRENA 4:11

Soogi tagi a cuk hu li ma koɗ ta namma, laygi a sa maa dukuygi mba li ko suu ay ŋgoo bagina hum vun kaɗira na, a hin ki bay kal hu li nammaɗi.

HEBRENA 3:14

Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

WIRA ŊGAYRA 3:11

An a hin mbay ni tok daŋ, va ma ka koŋŋa aŋ vam eŋe, kay sa ma daŋ mba yowoŋ warak maŋŋa kiɗi.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

1 TIMOTE 3:15

Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

MATIYE 10:22

Suuna halaŋ hin tinigi ira ki kanu. Sa ma tin hurum kanna din din na, faɗ ha ki na faɗ na, nam hin suɗ kiyo.

1 TESALONIKŊA 5:16

Furiyugi tew tew.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

MATIYE 24:13

Sa ma tin hurum kanna din din na, hin suɗ kiyo.

WIRA ŊGAYRA 2:25

Cologi eŋ hu va ma agi ka lamma na gak gak, juɓ buu ma an hin mbana tuwa.

WIRA ŊGAYRA 2:18

Ɓii magaara maŋ sa sunda huulona vi suu vi Kristuna hu Tiyatir. Humugiya boy ma Goŋ Lonna damma, nam sa ma irim weleɗ ko sin kura a vira nana. Sem weleɗ ko kawi ma tlaw ma ko walakŋa na.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

SOOLLA 2:12

Li Goona jiviya kay nam mbuɗ yaɗi, agi viɗ ki hu voɗtaɗi, kay yaamba hin ay ni na tok daŋ. Furira ka kay suu ŋgay tasi hurumma.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

GALATENA 6:9

Hiniygi sunda li jivira kiɗi, lini aygi maŋ ka kiɗi ni aygi hin feɗ jivira hu li ma lina hin ndakŋa.

ROMMA 11:22

Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may.

MATIYE 16:18

An daŋ ana aŋŋi Ҥinira, ɦini ndaɗta an min zinda kaɗu. Saɓak Maɗna lay ni ka ndak a laɗ va egeɗɗi.

ROMMA 12:12

Furiyugi hu juɓpa, ɗigiligi irigi hu wihawra, cenegi u juɓpa egemu.

GALATENA 6:10

Hu li ma lina ka tuna laygi jivira eg suuna halaŋ. Li jivira saɓaki ni eg gorseygi suu vina.

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

HEBRENA 4:16

Ҥuɗuygi taygi ay u huu ma jivina eg dlamba vi Lonara, hu li ma oora. Aygi tuɗ faygi heɓ huuna u oora huwa ndaki a njun uygi hu li namma.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

HEBRENA 7:19

Gaɗta vi Moiz ka mbuɗ va ki pasiyakgi, juɓpa ni vara jivira mbuɗ a mbaaray eg Lona tok ni ndaɗu.

HEBRENA 10:19

Gorsenna aygi ki buɗi a kal hu Li ma ki Saɓaki Teteɗna, ni u miɗ ma Yesu miɗna.

HEBRENA 10:21

Mul ŋgol maygi ma li ɓivunna tini hu Ziŋ Lonara,

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

WIRA ŊGAYRA 2:26

Suu col eŋŋa gak gak su kay ndaŋgara hin tuɗ fokŋa gak gak tew fun daɓpa li u dlara an miniɗta, an hin ɦasi saɓak ma bun ɦanna ayna. Hu li namma an hin ɦasi saɓakŋa kay suuna, asi hin mba waɗasi u tokolo kawina hin mba toosi ki ko suuna to doy luɓuna na. An hin ɦasi vel ma maɗiina.

EZEKIYEL 46:10

Mulna kal ha kalafi ko tam u suuna dew, nam hin hoŋ ay ki bunsu ni ko tam u suuna dew may.