HEBRENA 3:16 - Boy Lonana

¹⁶ Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina.

HEBRENA 3:16 ပူးပေါင်းရင်းမြစ်များ

NDUMBA 14:2

Suu Israelna halaŋ gurni kay gi Moiz u Aaron suu Israelna u dlasi halaŋ mba dasi ana, «Ҥaya lini ami miɗ ha ni hu Egipte ni mariyaɗ, ɗowba lini ami miɗimi ni ŋgoo bagi tani ni irimi mariyaɗ.

NDUMBA 14:30

An yi va ki kan ana agi ka hin cuk hu mbassa an vi vunum kad a ɦaɗ maŋ somoyogiraɗi, suu hin cuk huna ni Kaleb ma goŋ Yefunna u Josuwe ma goŋ Nunna doy hol.

GA 8ATAMBARA 1:38

Josuwe ma goŋ Nunna ma ka li sunda fokoŋ wanna hin kal hu ni namu, Nammi sa ma vi hurum cocoo, nammi sa ma hin ɓorow jo ma vi suu Israelnana.

SOOLLA 78:17

Lay ni asi tuɗ fok a li dla cora eg Lona gak, ŋgoo bagi hu fulla asi mbuɗ hurusi ki cora eg Lona ma ha kolo dayna.

NDUMBA 26:65

Kay Yawe dasi ki ana lini nanagelay asi hin miɗ ki ŋgoo bagi hu fulla. Kay ndaɗta asi miɗ ki halaŋ may, hinni gi Kaleb ma goŋ Yefunnena u Josuwe ma goŋ Nunna doy hol.

NDUMBA 14:38

Josuwe ma goŋ Nunna u Kaleb ma goŋ Yefunna hin hin iiri duk suu sunusi ay asina ni asi hol.

NDUMBA 14:24

Na may saan ma sunda Kaleb ma fi saara daŋga, tuɗ u gaɗ manda mbuɗ ndaa kaɗi, an hin tinim hu mbassa nam goloɗ ay ndaɗta. Njaf mamma halaŋ hin cuk ziisi huwa.

NDUMBA 14:4

Asi ɓak duk tasi ana, «Manaygi sa fokoygi dew ni ɦoŋoygi hu Egipte.»

NDUMBA 14:11

Yawe ɓak u Moiz di ana, «Suu asina panan na gak gakŋi kay mege? Asi ka min a hum unɗi ni kay mege? Dlara an takaɗ ki dukusira halaŋ asi ka vi taa na dewɗi su?

SOOLLA 78:40

Ay ŋgoo bagi ni asi mbuɗ hurusi ay cora eg Lona. Asi ɓalakam hurum cocoo.

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

Magaara JUD Ɓiiriɗta 1:5

Agi wagi u dla ndaɗta ki vagi jivi lay ni, an gagi humugi ha ni kay dlara Lona suɗ suu Israelna ay ki hu mbassa Egiptera, suu tin hurusi ay ka kambina nam hin baasi ki may.