HEBRENA 3:14 - Boy Lonana

¹⁴ Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

HEBRENA 3:14 ပူးပေါင်းရင်းမြစ်များ

ROMMA 11:17

Suu Israelna ni ko gu conora sana zumuɗ uɗta na, gorgor koɗ ma ɦiw ay ki kaaya, aŋ sa ma ka hu njafna vi suu Juifnaɗina aŋŋi gorgor cono mayra daŋga paɗ fun ndarayaɗnara, aŋ ki cecemi taɓi u ndaɗ cono mayra sana zumuɗ uɗta dew.

ROMMA 11:22

Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

1 KORINTNA 10:17

Funa nam dew aygi suu tamma bolow lay, aygi taɓaygi ni mbalata sa dewna, kay aygi halaŋ tini fu ma dewna.

1 KORINTNA 9:23

An li tlena ki halaŋ kay Boy ma Ayra kay an mba fi mansina dukusi may.

EFESNA 3:6

Gola ni dlara ŋgay ndaɗta u Boy ma Ayra, suu ka njaf suu Juifnaɗina ndak a yow jona vi Lona ma nam ŋgaam maŋ suu mammana, asi taɓi hu mbalatara dewra, fi ɓorow masina u vun Lona ma nam vam hu Yesu Kristuna.

GA 8ATAMBARA 1:35

«Duk suu co agina halaŋŋi sa ma hin a wi mbassa an vi vunun a ɦaɗ maŋ somoyogi ndaɗta kaɗi.

1 TIMOTE 6:2

Mborɓii suu malayasina ni suu vina lini nanagelay asi mba hum usiya, kay asi ni gorsesina, asi mba sunusi jivi ni suni na ɗow, suu fi warakŋa kay sun masira ni suu asi minisina. Gola ni boy ma aŋ a damma a haɗam kina lay.

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

HEBRENA 12:10

Somoyoygi suu kay ndaŋgarana gaɗaygi ni kay a kak njoka ɦawaa, ni kay dlara gol irisi jivira. Lona gaɗaygi ni kay jivira aygi hin faɗta, kay ana aygi mba taɓ u nam hu teteɗ mamba.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

HEBRENA 3:6

Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

HEBRENA 6:11

Ami min ana gegelay dukugi mba tak tamba feɗta na gak gak hu daɓpa lay, va ma agi ka saa kamma mba li u voɗom ɗegee gasi.

HEBRENA 6:4

Suu may suu hoŋ ndi kaŋga hu iiri mayra corana hin lini ana mege? Asi fi kiɗikka vi Lona ki lay asi juk ɦala kolora ki lay, ura vi Musuk Lonara ki lay.

1 PIYER 4:13

Furiyugiya ni ko agi dlaɓ u wihawra vi Kristu na kay a agi mba li u ayra coco hu li ma ŋgol mamba hin mba tak taɗ kina.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.