HEBRENA 2:9 - Boy Lonana

⁹ Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.

HEBRENA 2:9 ပူးပေါင်းရင်းမြစ်များ

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

MATIYE 16:28

An dagi ha ni gasira, suu dukugi ɦiw ka daɓ ki miɗna bay wi Goŋ Sanna mbay u mul mambaraɗi.»

MATIYE 6:28

«Agi yoo tagi kay baraw ma cukka ni kay mege? Gologi eg ɓo tlena hu senena. Ɓo tle asina ka li sunɗi lay, ka cil barawɗi lay.

MARK 9:1

Yesu dasi olo ana, «An dagi ha ni gasira, duk suu moli wanna, suu ɦiw hin ka miɗɗi bay wi Mul Lonara mbay u saɓakaɗɗi.»

Boy Ma Ayra Ma LUK Ɓiirimma 9:27

An dagi ha ni gasira suu dukugi ɦiw ka miɗ bay wi Mul Lonara u irisiɗi.»

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 10:17

«Bun minin ni kay an ɦal iiri manda kiyo hin hoŋ faɗ hu olo.

Boy Ma Ayra Ma JAŊ Ɓiirimma 12:32

Anu, hu li ma asi colon ki kolo kay ndaŋgara wani, an hin mbaa suuna ki egenu.»

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

Boy Ma Ayra Ma JAŊ Ɓiirimma 8:51

An dagi ni gasira, sa humun boy manna na hin ka miɗɗi.»

Boy Ma Ayra Ma JAŊ Ɓiirimma 8:52

Suu Juifna dam ana, «Cecemmi ami wi ki gasi ana aŋ fulina ka kaŋu. Bumi Abraham miɗa, suu jok vun Lona miɗ lay. Aŋ di ana sa humuŋ vunuŋŋa ka miɗɗi ni nanage?

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SUNDA 3:13

Loŋ Abrahamma, Loŋ Isaakŋa, Loŋ Yakobma, Lo ma vi somoyoygina ɦal saɓakŋa maŋ saam ma sunda Yesu. Agi u tagira ɦam ki maŋ suu ŋgolona asi ɦam ki maŋ Pilat ni agiya, nam Pilat tin gin hurum a gamu.

ROMMA 5:18

Kay ndaɗta cora vi sa ma dewna Adam mbaa ɓakŋa kay suuna halaŋ, na lay sunda ɗegeera vi sa ma dewna Yesu Kristu ma buɗ suuna ki hu ɓakŋa kay asi mba kak iiriya.

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

2 KORINTNA 5:15

Nam miɗ kay suuna halaŋ kay suu ka iirina mba kak iiri kay tasi oloɗi, kakŋi kay sa ma miɗna, hin paɗ ki kolo iiri kasina.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

1 TIMOTE 2:6

Nam sa ma ɦal tam ki kay warakŋa a buɗ suuna ki halaŋŋa, ni dlara di ki kay li ma nam ŋgaamma ana nam min suuna bel bel mba fi suɗta.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

HEBRENA 10:5

Hu li ma Kristu a mba hu duliyara wanni, nam di Lona anaba, «Aŋ ka min ni va ma ɓivun u va ma ɦalɗi, aŋ minin mbalatanu.

HEBRENA 11:5

U vira Henok miɗ kaɗi, Lona tlam ha kolo egemu, sa fam ka oloɗi. Bay tlam ha kolo tura wanni magaara diki ana Henok ii Lona jiviya.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 2:7

Aŋ hoŋom ki goo su suu sunda huulona kay buu njok ɦawaa, ni aŋ ɦam ŋgolla u geleɗta ko mul ŋgolna na. [Aŋ tinim kay sunda aŋ laɗ u koŋga.]

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

HEBRENA 8:3

Mul ŋgol ma li ɓivunna ni kay a mbaa ɦala u tlesuu li ɓivunna maŋ Lona. Mul ŋgol maygi ma li ɓivunna lini nanagelay ni va ma nam a mbaaram fok Lona ka may.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

WIRA ŊGAYRA 19:12

Irim weleɗ ay ko kura na, jumba mulla iriɗ kam bolowo, semma ɓiiri kamma sa ka wambi, wammi nam dew.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.