HEBRENA 2:17 - Boy Lonana

¹⁷ Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 2:17 ပူးပေါင်းရင်းမြစ်များ

2 DLAŊ MULINARA 29:24

Muli suu li ɓivunna ŋgaɗasiya, li ɓivun ma bulum cora kina kay givin ma togolla u busuɗusi kay givin ma togolla. Ni kay a cen kay suu Israelna halaŋ. Kay mulna ɦal voɗta a li ɓivunna ni kay suu Israelna halaŋ, ɓivun ma bulum cora kina.

EZAYI 11:5

Ɗegeera ni a gandi ma njuni hurumma, gasira ni tlagara njuni hurumba may.

EZEKIYEL 45:15

Duk yoori magisina timigiina kis kis mba' ni agi ɦal ki dew ɗowba ɦuginina lay, yoo ma ɦam ki namma agi mbaaram ki a li ɓivun ma kay suuna halaŋŋa ɗowba kay ɓivun ma taɓ duk hoŋga, ni kay a bulumugi coogira kira. Di ni Bu Suuna, Yawe.

EZEKIYEL 45:17

«Nammi sa ma ɦal tlena maŋ muli suu li ɓivun ma kay suuna belna, u ɓivun ma lam u fuɗta u sum veŋŋa hu buu ma luuna, suu belna hu luu ma vun basara wilira, hu buu ma vi Lonna, hu buu ma daŋ ma suu Israelna tok tasina halaŋ. Mulna ɦal tlesuu li ɓivunna ha halaŋŋi namu, ɓivunna halaŋ, ɓivun ma bulum cora kina, ɓivun ma taɓ duk ɦoŋga a bulum cora vi suu Israelna kira.»

EZEKIYEL 45:20

Hu buu ma kiɗisiyana hu til namma ni asi hoŋ li ɓivunna kay suu may suu li cora ka u min masiraɗina u suu may suu li cora asi waɗ kaɗina. U dla ndaɗta asi hin mbuɗ Ziŋ Lonara ki teteɗ ni na.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

DLAŊ LEVIRA 14:18

U mbul ma hin hu duk komma nam lam ki kay yam sa ma mba li ɓivunnana. Mul ma li ɓivunna geŋeɗ tam lam ɓivun ma bulum cora kina kam fok Yawe.

DLAŊ LEVIRA 16:16

Nam li ɓivun ma bulum cora kina hu Li ma ki Saɓaki Teteɗna may, kay a mbuɗum ki teteɗ ko cora vi suunara u ŋgel vun masina, nam li kay Mbutluɓ ma Tokka ni ko ndaɗta na lay. Kay nam ka coli ni dukusi duk njenje masira.

DLAŊ LEVIRA 8:15

Moiz ŋgaɗ mbutl namma, li busuna gor gor komu, tinim eg mek ma ŋguy kay givin ma togolla a bulumum coomba kira. Nam vo busu ma hiŋŋa u givin ma togolla. Nam mbuɗum ki teteɗ u ɓivun ma mbus cora kina.

NDUMBA 15:25

Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

ROMMA 15:17

Kay taɓpa u Yesu Kristura an ndak kay geleɗ tan kay sunda vi Lona.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

EFESNA 2:16

Hu miɗ ma Yesu miɗ hu gu garakŋa ma nam bulum gaŋawna kina. Hu miɗ mamma hu gu garakŋa nam taɓ njaf suu mbana ki dew, taɓasi duk ɦoŋosi u Lona.

KOLOSNA 1:21

Agi may ni li ay ki jewni eg Lona day, agi li ay jewni suu mam suu babalira, kay saara cora agi ka laɗta.

HEBRENA 10:21

Mul ŋgol maygi ma li ɓivunna tini hu Ziŋ Lonara,

HEBRENA 2:11

Yesu ma mbus cora vi suuna ki pasiyakŋa, asi suu coosira ki mbuɗina nam mbuɗ ni busi dew. Ni kay ndaɗta Yesu ka li zolona kay a yasi ana gorsemmaɗi.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

HEBRENA 2:16

Nam mba ni ka a njun u suu sunda huulona hol naɗi, ko magaara dira na ana, «Nam mba njun u njafna vi Abraham»

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

HEBRENA 3:2

Nam vi vun Lona ay ɗegee u sunda nam tinim kaɗta, ko Moiz ay ɗegee u sun mamba nam laɗta halaŋ hu zira vi Lona na may.

HEBRENA 3:5

Moiz hu sun mamba ni nam ay ɗegee hu zira vi Lona halaŋ, nammi sa ma vun sunda a di ki kay va ma Lona hin a dam ha fokŋa.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

HEBRENA 5:1

Mul ŋgol ma li ɓivunna manammi duk suuna kay a li sunda vi Lona kasiya. Nam mba ɦala kay a li ɓivunna kay cora vi suuna.

HEBRENA 5:10

Lona di ana nammi mul ŋgol ma li ɓivunna u voɗta vi Melkisedek.

HEBRENA 5:2

Nam tamba lay ni maŋi mamba kaa, nam ndak tak humba vi suu ka wi dlaɗina u suu li cora.

HEBRENA 5:5

Ni na may Kristu tli ŋgolla mul ŋgol ma li ɓivunna ka kay tambi, Lona di ki kammi namma ɗow anaba, «Aŋŋi Goronna, karam an mbuɗ ni Buŋu.»

HEBRENA 6:20

Ni li ma Yesu kal ha hu fokoygi jewna, ni maygiya. Nam mbuɗ ki mul ŋgol ma li ɓivunna a fafatɗa hu voɗta vi Melkisedek.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 7:28

Hu gaɗta vi Moiz ni tin muli suu li ɓivunna ni muli suu ka pasiyakgina. Kay Boy Lonana mba ni gaɗta, tin a mul ma li ɓivunna ni Goroŋ ma ɗegeena a fafatɗa.

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

HEBRENA 8:3

Mul ŋgol ma li ɓivunna ni kay a mbaa ɦala u tlesuu li ɓivunna maŋ Lona. Mul ŋgol maygi ma li ɓivunna lini nanagelay ni va ma nam a mbaaram fok Lona ka may.

HEBRENA 9:11

Kristu mba ko mul ŋgol ma li ɓivunna na kay tlesuu ka cecemina. Mbutluɓma nam li sun mamba huna dlam ŋgol suwa, nam ki teteɗ lay, minimmi ka suunaɗi, ni di anaba, nam ka hu duliyaraɗi.