HEBRENA 2:14 - Boy Lonana

¹⁴ Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

HEBRENA 2:14 ပူးပေါင်းရင်းမြစ်များ

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

EZAYI 53:12

Kay ndaɗta an kakam ki ni duk suu ŋgolona. Nam hin ɓorow tlesuu yowosi ay fun duunana ni ko tam u suu saɓak cocona. Kay nam hoŋ yam ki kaŋga ta ta miɗna. Nam gi tam ki duk suu li dla cora. Nam yow cora vi suu daŋŋa ki kam halaŋ. Nam ka njun kay suu ɓakŋa vasina.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

MATIYE 16:17

Yesu hoŋ dam ana, «Heɓpa ka kaŋu, Simon goŋ Jaŋŋa, boy ma aŋ damma fam ay ka vi sa warnaɗi, fam ay ni ko Bun ma kolo huulona.

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 12:24

An dagi ha ni gasagi ana, lini ii wana tos ka kaŋgaɗi ni, nam ka cimbi, hin vaydegem dew. Nam cim wa ni, hin ne ii coco may.

ROMMA 14:9

Kristu miɗa paɗ ki kolo iiriya, a li Bu Suuna vi suu miɗina u suu iirina.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

1 KORINTNA 1:28

Lona man dlara suuna panaɗ hu duliyara tanda gol irisi ko va lalas nara, kay ɓalak tlesuu irisi ndaki garaŋŋa kiyo.

1 KORINTNA 15:50

Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

KOLOSNA 2:15

Hu gu garakŋa vi Kristu, Lona tli saɓakŋa u ŋgolla vi fuli suu cona kiyo, mbuɗusi ki zolona fok suuna ko suu daŋgayna na, kay goromma ti wa.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

2 TIMOTE 1:10

Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:5

Hu li ma Kristu a mba hu duliyara wanni, nam di Lona anaba, «Aŋ ka min ni va ma ɓivun u va ma ɦalɗi, aŋ minin mbalatanu.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 2:18

Cecemi nam mba njun u suu ndemba ndemesina. Kay mege nam wi ndemba eg tamba lay, fi wihawra lay.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

HEBRENA 9:15

Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

WIRA ŊGAYRA 20:2

Nam vi dragoŋ, guy ma basina, Fulna, ni di ana Satanna, njunum ki kaŋga kay li basara bup dew.