HEBRENA 2:10 - Boy Lonana

¹⁰ Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

HEBRENA 2:10 ပူးပေါင်းရင်းမြစ်များ

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

VUN ŊGOLNA 16:4

Yawe li dlaamba halaŋŋi u min mamba. Hu buu ma hahawra vi suu cona lay.

EZAYI 43:21

Ni suu an lasi ki manna, ni suu ka geleɗen tew tewna.

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

Magaara Vi Sa Jok Vun Lona OZE 8:10

Lini asi ka ɓorow tlena ki ɦawa maŋ suuna lay ni, an hin tokosi eg tasi cecemi, kak njok daŋŋi asi hin gijaŋ dlak ko nekka suu mulina hin tinisira kasira.

MISE 2:13

Nam ɗiŋ ha kolo fokosi wa, sa ma hin a malasi voɗtana, asi mal voɗta wa, asi sel ki hu vun goŋga, asi sel ki ni huruɗu. Mul masina kal ki fokosiya, Yawe tuɗ fokosi ni namu.

NDUMBA 7:15

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

Boy Ma Ayra Ma LUK Ɓiirimma 13:32

Yesu hoŋ dasi ana, «Hoŋogi i dagi maŋ bayak namma ana an dik ful ma cona kiyo, garaɗ suu tuguɗira ki lay karam may, vin may, siw may, a hindira ni sun manda a daɓ kira.»

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

Boy Ma Ayra Ma LUK Ɓiirimma 24:26

Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?»

Boy Ma Ayra Ma LUK Ɓiirimma 24:46

Nam hin dasiya, «Ki ɓiiri ana, Sa Lona Fuurumma hin wi hawra, nam hin paɗ ki kolo iiri hu bu ma hindina.

Boy Ma Ayra Ma JAŊ Ɓiirimma 11:52

ka kay njaf namma doy holɗi, ni kay tok goryoŋ Lona suu ki njayna halaŋ eg tasiya.)

Boy Ma Ayra Ma JAŊ Ɓiirimma 19:30

Yesu soɓ mbo namma ha na ni, di ana, «Tlen halaŋ daɓwa!» Nam cok yam kaŋga na ni, ɦal ŋgus mamba kiyo.

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

ROMMA 11:36

Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

1 KORINTNA 8:6

Irigi aygi ni ay wi ana Lona ni dew, Buy ma li tlena belna, aygi kak iiri ni um nam lay, Bu Suuna ni dew, Yesu Kristu tlena halaŋ ka ni kom namu, aygi kak iiri ni um lay.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

2 KORINTNA 4:17

Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.

2 KORINTNA 5:18

Dla ndaɗta halaŋ mbay ni ko Lona, nam Kristu taɓaygi duk ɦoŋoygi u namu, ɦay sunda a mbaa suuna a taɓ duk ɦoŋga u nam may.

2 KORINTNA 6:18

An hin li ni a bugiya, agi hin lini a goryon u gorɓii mansina, Bu Suuna ma Saɓakŋa Kom Belna di boy namma ni namu.»

GALATENA 3:26

Agi mbuɗ a goryoŋ Lonana ni u vira kay taɓ maygira u Yesu Kristura.

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

EFESNA 3:10

Kay mulla u ŋgolla kolora halaŋ mba wi nera vi Lonara bay daɓpa zeɗ zeɗ eg suu vi Kristuna.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 6:20

Ni li ma Yesu kal ha hu fokoygi jewna, ni maygiya. Nam mbuɗ ki mul ŋgol ma li ɓivunna a fafatɗa hu voɗta vi Melkisedek.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 7:28

Hu gaɗta vi Moiz ni tin muli suu li ɓivunna ni muli suu ka pasiyakgina. Kay Boy Lonana mba ni gaɗta, tin a mul ma li ɓivunna ni Goroŋ ma ɗegeena a fafatɗa.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»

WIRA ŊGAYRA 7:9

Ŋgoo dagan an gol irin na ni wi suuna bolow coco sa ma ndak a ndum suu asina kaɗi. Asi ay ni u dee suuna halaŋ, u njafasi halaŋ, hu ndaŋgara dew dew halaŋ, u vunusi halaŋ lay. Asi col fok dlamba mulla fok Goo Timiina, u baraw ŋgolla haɓpa tasi halaŋ halaŋ u hum manawra kosi may.