HEBRENA 13:21 - Boy Lonana

²¹ Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

HEBRENA 13:21 ပူးပေါင်းရင်းမြစ်များ

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

2 TESALONIKŊA 2:17

Nam oyogi hurugi u soo huna, ɦagi saɓakŋa a li u dla mayra jivira, u sunda, u boyna lay.

FILIPINA 4:13

An ndak a li tlena halaŋ kay Kristu ma ɦan saɓak nammana.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

2 TIMOTE 4:18

Bu Suuna suɗun ki ko cora halaŋ an kal hu mul mamba kolora u tanda jivira. Ŋgolla ni mamba a fafatɗa, Amin.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

2 KORINTNA 9:8

Lona ndaki kay a ɦaŋ tlena zeɗ zeɗ su lay kay agi mba fi tlesuu agi minisina halaŋ, usi mba hin kogi a ndakagi kay sunda jivira bel lay.

1 PIYER 4:2

Agi may ni daɓagi iiri magira kay ndaŋgara cecemira a li u minda vi Lona, ka u minda vi mbalataraɗi.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.

1 JAŊ 2:17

Duliyara daɓ ki ni daɓiya, tlesuu hu duliyara suu suuna halasina hin daɓ ki ni daɓi lay, na may ni sa li dlara Lona miniɗta hin kak iirira a fafatɗa.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

1 JAŊ 3:22

Tlesuu aygi joɓom kasina aygi fasi halaŋ kayra ay hum u gaɗ mambara aygi li tlesuu ndi irimma lay.

HEBRENA 13:16

Humugi maa kay a li jiviraɗi, njunugi u tagiya, ni ɓivun ma ii Lona jivina.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

KOLOSNA 4:12

Epafras ni wayagina lay gagi deɓpa nammi sa sunda vi Yesu Kristu ma cen Lona kagi tew tewna, kay agi mba kak saɓak hu ŋgussa ko suu ŋgolona na, kay min tagi a li sunda jivira ɗegee ta Lona miniɗta.

KOLOSNA 3:17

Hu tlesuu agi lasina, dasina lay halaŋ lasi u sem Bu Suuna Yesu, gagi deɓ Lona Buna.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

EFESNA 2:18

Ni hu Kristu aygi halaŋ suu Juifna u suu ka Juifnaɗina lay ndak tak taygi fok Lona u njunda vi Musuk Lonara.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

SOOLLA 138:8

Yawe minin dlara kan halaŋ, Yawe, ɗegee maŋga ka ni na gak gak. Aŋ ka maa sunda aŋ laɗ u bik koŋga kiɗi.

WIRA ŊGAYRA 5:13

An hum tlesuu Lona lasi kolo halaŋŋa, kaŋga kay ndaŋgara, u ndaŋgara kaŋga hu mbo lum ma ŋgolna tlesuu Lona lasi halaŋ halaŋŋa ka gi soolla ana, «Sa ma kaki kaŋga kay dlamba mulla u Goo Timiina, geleɗta ni masiya, ŋgara, ŋgolla u saɓakŋa mam a fafatɗa.»

WIRA ŊGAYRA 4:6

Fok dlamba mulla wanni mbo ŋgolna ka weleɗ ko kotoromma na, haɓpa na tel tel. Gol na ni, ŋguy kay dlamba mulla ni tlesuu iirina ka fiɗi, irisi ki bari fokosi lay ŋgorosi dagan lay.

HEBRENA 12:23

Agi mba ni duk suu tokina, goryoŋ Lona suu vuɗ jewna u furira, ni suu sesi ha ɓiiri kolona. Agi mbaagi ni eg Lona ma kaɓakŋa vi suuna halaŋŋa, ŋgus suu ɗegeena mbuɗ ki pasiyakka.

1 TESALONIKŊA 4:3

Lona minni ana agi li tagi ki teteɗ, agi doorogi tagi kay dla cora.

KOLOSNA 3:20

Agi gorra, magira fok Bu Suuna ni ana humugi u somoyogiya ni ii Lona jiviya.

FILIPINA 2:11

Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

GALATENA 1:5

Geleɗta maŋ Lona a fafatɗa. Amin.

ROMMA 11:36

Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

ROMMA 16:27

Nera ni maŋ Lona ma bibiŋilna dew u Yesu Kristu a fafatɗa. Amin.

Boy Ma Ayra Ma JAŊ Ɓiirimma 17:23

An u asiya, aŋ u an may, a asi li gasi dlaɓi dew a suuna wi ana aŋ sunun ay ni aŋu, aŋ minisi ko aŋ mininda na.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

MATIYE 21:31

Gor suu mba' asina, sa hum vun bumma ni gege?» Asi hoŋom dira ana, «Ma jewna.» Yesu dasi ana, «An dagi ni gasira, suu vi taara u gawlaŋina hin cuk hu Mulla vi Lonara jewegiya.

MATIYE 7:21

«Suu yan ana, Bu Suuna, Bu Suuna, ka cuk hu Mulla huulonara belɗi. Suu li minda vi Bun ma huulona cuk hu ni asiya.

MATIYE 12:50

Sa ma li u minda vi Bun ma kolo huulona, sa namma ni wayanna, wayanda u sunu.»

2 DLAŊ MULINARA 30:12

Hu mulla Yudara ni ko Lona hin gi kay suu may suu li u boy ma mulna u suu ŋgolo mamsina damma ko ndal Yawe dira na may.

2 TIMOTE 3:17

Kay sana vi Lona mba li ki mini jiviya, tok a li sunda jivira halaŋ.

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.