HEBRENA 13:20 - Boy Lonana

²⁰ Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

HEBRENA 13:20 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

SOOLLA 23:1

Soolla vi David. Yawe ni sa ma golonna, tlesuu an hin bay fasi kaɗi.

ROMMA 15:33

Lona ma ɦal heɓpa mba li u agi halaŋ. Amin.

EZEKIYEL 37:26

An hin vi galamba heɓpa u asiya. Ni galam mayra dindinda. An hin lakasi huwa, hin zulusi cocoo. An hin pi Ziinda dukusi may, ni a fafaɗta.

2 TESALONIKŊA 3:16

Ko Bu Suuna ma ɦal heɓpa ɦagira u tamba tew tew, hu lina halaŋ. Ko Bu Suuna li u agi halaŋ.

Boy Ma Ayra Ma JAŊ Ɓiirimma 10:14

An ni sa taa yoona jivina. Bun wan may, an wam may. Ni ko ndaɗta na, an wi timigii mansina asi wan may. An ba iiri manda ki kay timigii mansina.

ZAKARI 9:11

Kan an may ni, kay galamba an vaɗ u ndak hu busuɗunda, an hin cukuk suu mak suu daŋgayna ay ki hu zulla hu li ma yona ka huɗina.

SUNDA 2:24

Lona colom ki kolo iiri hu ti tara vi miɗna, kay saɓakŋa vi miɗna ndak ka a vambi.

KALKIRA 24:8

Moiz tli busu ma vooy hu tassanana yamam ta suuna di ana, «Gola ni busu ma Galamba Yawe vaɗ u agira kay boy ma nam damma halaŋ.»

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

EZAYI 63:11

Hu li ma humusi gasi kay boy ma vi Moizza ma dam ay fok jew day dayna, asi joɓ ana, Bu Suuna ma kal saam ma taa yoorina ay ki duk mbo ŋgolnana ni arage? Bu Suuna ma kal Musuk mamba ay hurumma ni arage?

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 TESALONIKŊA 1:10

Agi ka juɓum goromma hin mbay kolo huulona ni goromma Yesu ma nam paɗam ki kolo iiri duk suu miɗinana, ma hin buɗuygi ki hu yara vi Lona ta hin mbay wan daŋga.

KOLOSNA 2:12

Hu li ma agi fi mbussa batemma ni agi pagi tagi gaa u Kristu, agi paɗ ki kolo ni u namu, kay agi vi u saɓakŋa vi Lona ma paɗam ki kolo hu miɗna iirina.

JEREMI 32:40

An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.

1 DLAŊ MULINARA 16:17

Ta nam miniɗ ki a gaɗta maŋ Yakobpa, galamba dindinda maŋ suu Israelna.

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

HEBRENA 9:20

Moiz ana ni busu ma vi galamba u Lona nam ɦagina kay agi mba lak ɗegee.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

FILIPINA 4:9

Lagi u tlesuu agi haɗasi humusi ay fununna, tlesuu agi humusi wasi an lasina. Lona ma ɦaygi heɓpana mba li u agiya.

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

SUNDA 5:30

Yesu ma agi cam ki ɓalam ki hu gu garakŋa Lona vi somoyoygi colom ki kolo iiri ni namu.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

2 SAMUEL 23:5

Ni ka dlara hu ziin eg Lonaraɗi su? Kay ana nam vi galamba dindinda u anu. Ii tlena ki gii hu halaŋ. Goli jivi layɗi su? Furi manda, ni dlara minda ka ndak a dayasi ki koloɗi su?

EFESNA 1:20

hu li ma nam paɗ Kristu ay ki kolo hu miɗna iirina, kakam hu bikim ma njufna koloo.

GALATENA 1:1

Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina.

2 KORINTNA 13:11

Gorsenna lakagi u ayra, lagi ɗegee gaɗagi tagiya tagiya, minigi tagiya, lakagi u heɓpa Lona mala minda mba li u agiya.

2 KORINTNA 4:14

Ami wi ana Lona paɗ Bu Suuna Yesu ki kolo iiriya, nam hin paɗami ki kolo iiri ko tami u Yesu may, aygi hin taɓi ko taygi dew fokom namu.

1 KORINTNA 15:15

Oloni ana ami kaboyna kay Lona ɦawaa, kay ami di ana nam paɗ Kristu ki kolo iiri hu miɗna, doli ni li ka naɗi, lini gasi ana suu miɗina ka paɗ ki kolo iiriɗi.

1 KORINTNA 14:33

Lona yaygi ni ka ana aygi lakŋi hu ɦay ɦayraɗi, lakŋi hu heɓpa. Ko duk suu vina vi Lona halaŋga na.

1 KORINTNA 6:14

Lona paɗ Bu Suuna ay ki kolo hu miɗna iiriya, ni nam hin paɗaygi ay ki kolo hu miɗna iiri u saɓak mamma may.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

SUNDA 13:30

Lona hin colom ki kolo hu miɗna iiriya.

SUNDA 2:32

Sa ma an ɓak kam wanna Lona paɗam ki kolo iiriya, ni Yesu aygi halaŋŋi suu diki kamma.

Boy Ma Ayra Ma LUK Ɓiirimma 22:20

Nam ɦasi va cira ma li komma ŋgoo funa dagani, hin dasi ana, «Va Cira wanni banara wilira u Lona vunuɗ faɗ ki u busuun ma vo ki kaŋga kagina.»]

MARK 14:24

Nam dasi ana, «Ni busu ma agi vi banara u Lona u namma. Ni busu ma vo ki kay suuna halaŋ a bulumusi coosira ki na.

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.

EZAYI 61:8

Kay an, Yawe, an minni ɗegeera. An ka min ɦulaɗi, ka min li iiraɗi lay. An hin ɦal warakŋa maŋ suu mansina. Galamba an vaɗ u agi ni a fafaɗta.

ROMMA 16:20

Lona malaŋ heɓpa hin tay Satanna ki kaŋga fokogiya. Ko oora vi Bu Suuna mayna Yesu kak u agiya.

ROMMA 1:4

Na may Musuk Lonara tak ki kam ana nammi Goŋ Lonna u saɓakŋa, hu li ma Lona paɗam ki kolo duk suu miɗina.

SUNDA 4:10

Agi halaŋ wagiya suu Israelna halaŋ wagi kiyo, sa namma ka coli dukugi wanni u saɓakŋa vi sem Yesu Kristu ma Nazaretna, nam ma agi ɓalam ki kolo hu gu garakŋa, Lona colom ki kolo iirina.

SOOLLA 80:1

Soolla vi sa ma fok suu gi soollana, eg ɓo tlena, soolla dikira vi Azaf.

2 DLAŊ MULINARA 30:12

Hu mulla Yudara ni ko Lona hin gi kay suu may suu li u boy ma mulna u suu ŋgolo mamsina damma ko ndal Yawe dira na may.

ROMMA 10:7

Ka di ana «Sa ma hin cuk sem ay kaŋga duk ndaŋgara ni gege,» naɗi lay (ni kay di ana sa ma hin kal kaŋga hu zulla a col Kristu ay ki kolo duk suu miɗina ni gege).