HEBRENA 13:17 - Boy Lonana

¹⁷ Humugi u suu fokogina, hoŋ yagi kaŋga usiya, kay asi ka saa kay ŋgus magira tew tew, lini agi hum usiya ni asi ka joɓ Lona kagiya. Asi hin li sun masira ni u furira may, li ka naɗi ni asi li sun masira ni u yoora, ni agi ka fi va huɗi may.

HEBRENA 13:17 ပူးပေါင်းရင်းမြစ်များ

1 TIMOTE 5:17

Suu ŋgolo suu gol suu vi Kristuna jivina ndaki a fi warakŋa ŋgolo, saɓak su ni suu di boyna u suu haɗ suuna.

HEBRENA 13:7

Humugi maa ki kay suu ŋgolo suu fokogi suu dagi Boy Lonana ay jewnaɗi. Saaragi kay poy masira jivira u miɗ masina lay, vi u Lona ko asi lira na may.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

1 KORINTNA 16:16

ko asi na ni agi hum usiya, u suu ka li sunda ɗegee u asina lay.

FILIPINA 2:12

Banayanna agi hum ay un hu li ma an ay dukugina, va ma ŋgolna ni agi mba hum un ko ndaɗta na, lini an ka dukugiɗi lay, lagi sunda kay suɗ magira u ndaana huwa.

KALKIRA 32:31

Moiz hoŋ eg Yawe di ana, «Yakkay, suu asina li ni suluk ma ŋgolna, asi min lo lorra kay tasiya.

FILIPINA 2:29

Ni agi mba vam u furira ko nammi wayagina hu Bu Suuna na, ni agi tak hum magira agi hum u suunara ki egemu.

ROMMA 14:12

Gegelay hin mba di dlaamba ki fok Lona u tamba.

2 TESALONIKŊA 3:14

Lini sa ma ka min hum u gaɗta ami ɓiirigira ha hu magara wandaɗini hinimu, taɓagi u nambi, nam mbuɗ ki zolona tuwa.

HEBRENA 13:24

Gi deɓ maŋ suu ŋgolo suu fokogina u suu vi Lonna halaŋ. Gorsegi suu ka hu Italina gagi deɓpa.

EZAYI 62:6

Aŋ zi ma Yerusalemma, an hin kak sa ma juɓuŋ uŋŋa kay yam gulumuna, sa namma juɓmi faali lay, njeŋge lay, ka koɗ tambi. Agi suu humugi gagi kay boy ma vi Yawena, nam di ana, koɗ tara kaɗi.

FILIPINA 4:1

Gorsenna agi suu maygi vanna, agi mbuɗun hurun furira ni agiya, ni kay ndaɗta an ŋga tan kagiya banayanna, kakagi saɓak hu iiri magira hu Bu Suuna.

FILIPINA 3:18

An dagi jew tew tew, cecemi olo hoŋ dagi u simina irinu, suu poy masira ka li babalira u miɗna vi Kristu hu gu garakŋa ka ŋgolo.

Magaara JAK Ɓiiriɗta 4:7

Hoŋogi yagi kaŋga fok Lona, noyogi Satanna kiyo, nam hin pii hinigiya.

FILIPINA 1:4

Tew tew hu li ma an cen kagina ni an cenni u furira.

Boy Ma Ayra Ma LUK Ɓiirimma 16:2

Sa ŋgol namma yam ay yi ni, dam ana, An hum boyna kaŋ na ni nanage? Aŋ van u tlena ay kiyo, aŋ ka a li a saan ma sunda oloɗi.

VUN ŊGOLNA 5:13

An hum haɗta vi suu haɗanna kaɗi ni kay mege? An min ka a tin humun kay dlara asi daɗtaɗi ni amege?

1 SAMUEL 8:19

Na may ni suuna min ka hum vun Samuelɗi. Asi hoŋ dira ana, «Ҥawaa, ni mul ma ami minimma.

URA TIN AYRA 16:9

Sa sunda huulona vi Yawe daɗ ana, «Hoŋ eg malakka, hom yak gaa fokoɗu.»

FILIPINA 2:16

Kay a agi dasi boyna vi iirira, lini agi li wa na ni an hurun hin lini egegi jivi hu buu ma vi Kristuna hin wi ki ana sun manda u saɓak ma an lamma halaŋŋi ka ɦawaɗi.

EFESNA 5:21

Humugi u tagiya tagiya kay humba agi ka hum u Kristura.

EZEKIYEL 33:2

«Goŋ sanna, aŋ tuɗ ɓak suu Israelna dasi ana, lini mbas taa kala an min a mbaaraɗ suu duuna kaɗu, suu hu mbas ndaɗtana tli sa maa ki dukusi dew a sa ma juɓusi usina.