HEBRENA 13:15 - Boy Lonana

¹⁵ Geleɗeygi Lona tew tew ni ko ɓivunna u Yesu Kristu na, ni di ana geleɗem u vunuy tew tew.

HEBRENA 13:15 ပူးပေါင်းရင်းမြစ်များ

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

EZAYI 57:19

An hin kalasi soolla geleɗta ay ki funusiya, ana heɓpa, heɓpa kaa, kay suu ha ki dadayna u suu totokŋa lay, di na ni Yawe, an hin garaɗasi kiyo.

2 DLAŊ MULINARA 33:16

Nam hoŋ min givin ma togolla vi Yawe balamamu, gijaŋ li ɓivun ma taɓ duk ɦoŋga u ɓivun ma ŋga Lonana, ɦal voɗta maŋ suu Israelna ana asi goɓmi Yawe, Lo ma vi suu Israelnana.

SOOLLA 50:23

Sa ma ŋgaanna, lan unna ni ɓivun namma, sa namma an hin takam voɗta vi Lona ta suɗta.

DLAŊ LEVIRA 7:12

Lini sana min a li ɓivun ma gi deɓpa maŋ Lona ni, nam vi ɦuna ay may, li komnjoɗii ma bay kuffa dukumma may, u komnjoɗii ma fetna, mbaa fuɗ mayra ki yarasi u mbulnara may.

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

2 DLAŊ MULINARA 7:6

Muli suu li ɓivunna col ki hu liisi ma sunda halaŋ. Njaf suu vi Levina ka u tlesuu bura kosi may a geleɗ Yawera, tle asina lasi ka ni mulna David a geleɗ Yawera ana, «Kay ɗegee mamba ha ni na din din.» Hu li ma David ŋga Lona u tle asina ni muli suu li ɓivunna bu tokolomma gaw may. Suu Israelna halaŋ yow ki kolo u sesiya.

1 PIYER 4:11

Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.

EFESNA 2:18

Ni hu Kristu aygi halaŋ suu Juifna u suu ka Juifnaɗina lay ndak tak taygi fok Lona u njunda vi Musuk Lonara.

SOOLLA 118:19

Malan ki vun goŋga vi ɗegeera kiyo, an hin kal hu a geleɗ Yawe.

SOOLLA 18:49

Nam suɗun ki ko suu babali mansina, ni aŋ ɦan saɓak ma su kay suu duurunna halaŋ, aŋ suɗun ki ko suu lasanna lay.

NEHEMI 12:43

Hu buu namma ni asi li ɓivun ma ŋgolona ɦay, li furira ɦay lay kay ana Lona ɦasi furira ŋgolla. Boyogina u kem gorira li furira lay, furira Yerusalemba hum ha ki hu lina day day lay.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

KOLOSNA 1:12

Gagi deɓ Buna u furira, kay nam mbuɗugi ndaki a fi tlesuu Lona hinisi maŋ suu mamsina ha kolo hu mul mamba hu kiɗikkana.

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

Boy Ma Ayra Ma JAŊ Ɓiirimma 10:9

An ni vun goŋga. Sa kal ha hurunna hin suɗ kiyo. Nam ndak a kal huwa, hin hoŋ kiyo, fi tina funum lay.

NEHEMI 12:40

Suu gi sool suu irisi ɓorowi mbana, col hu Ziŋ Lonara olo u an tanda may, nus suu kaɓak suu ay unna may.

EZDRAS 3:11

Hu geleɗta u gi deɓpa maŋ Yawera asi hoŋ dira ana, «Kay ana nam jiviya, ɗegee mamba kay Israel ni a fafaɗta.» Suuna halaŋ yi ha kolo u furira, geleɗ Yawe kay u Ziŋ Yawe ta gaɗ kaŋgara.

2 DLAŊ MULINARA 29:31

Ezekiyas hin dasi ana, «Cem wanda huu duk kogi ki ni oya, ɦuɗugi tagi ay lagi ɓivunna, ɓivun ma ŋga Zira vi Yawera.» Suu tokkina mbaa ɓivunna u ɦalla ŋga Lonara suu may suu hurusi ki mali kay dla ndaɗta cocona, mbaa ɓivun ma ŋgalam ki ŋgalina lay.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma LUK Ɓiirimma 10:21

Hu li namma na gaw ni Musuk Lonara oy hu Yesu u furira, nam di ana, «Bunu, mul ma kolo huulona, kaŋga kay ndaŋgara layna, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina. Na may Bunu, aŋ min ni na.

SOOLLA 119:108

Yawe van ɦal manda u cen manda gi deɓpa, haɗan gaɗ maŋga.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

JEREMI 33:18

Duk njaf muli suu li ɓivunna suu vi Levina sa hin ka hin bay col fokon a takan tlesuu ɓivunnaɗi, ŋgala tlesuu ɓivunna ŋgalam kinaɗi lay, li ɓivunna hu buuna tew tew lay.

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.

NDUMBA 7:62

koɓ ma yoori u lorra nekem ii sikle 10 oy u mbul ma his jivina,