HEBRENA 13:12 - Boy Lonana

¹² Kay ndaɗta Yesu miɗ ha doŋ kaana hu ɦoŋzi ma ŋgolna a mbus suuna ki teteɗ u busuumu.

HEBRENA 13:12 ပူးပေါင်းရင်းမြစ်များ

DLAŊ LEVIRA 24:23

Moiz ɓak suu Israelna ni ko ndaɗta na. Asi hin kal sa ma ŋgul Lonna ha ki doŋ kaana, gikim ki u gogoyra. Ŋgoo dagan suu Israelna li u dlara Yawe daɗ ay maŋ Moizza.

NDUMBA 15:36

Suu tokka vam tuɗum ha ki doŋ kaana, gikim ki u gogoyra cam kiyo. Yawe ɦal voɗ ndaɗta maŋ Moiz na ni namu.

Boy Ma Ayra Ma LUK Ɓiirimma 4:29

Asi taɗam ha ki doŋ kaana kay ɦinira ziisina mini kaɗta, a zuɗum ha ki kaŋgaa.

Boy Ma Ayra Ma JAŊ Ɓiirimma 17:19

Anu, an mbuɗ tan ki teteɗ ni kasiya, kay asi lay mbuɗ ki teteɗ hu gasira.

Boy Ma Ayra Ma JAŊ Ɓiirimma 19:34

Sa asgaa maa dew kusum payam u saɓpa. Busuna u yona ɓaɗ ay ki ni na gaw.

SUNDA 7:58

Asi taɗam ha ki butuɗ butuɗ tuɗum ha ki doŋ kaana, gikim u gogoyra a cam kira. Suu laki wi dla ndaɗta u irisina hin baraw masina ka ko goozoŋŋa dew sem ana Sol.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

HEBRENA 2:11

Yesu ma mbus cora vi suuna ki pasiyakŋa, asi suu coosira ki mbuɗina nam mbuɗ ni busi dew. Ni kay ndaɗta Yesu ka li zolona kay a yasi ana gorsemmaɗi.

JOSUWE 7:24

Josuwe tay Akan ma goŋ Zerana u baraw robba jivira, tokolo lorra may, doonora may, goryom suu njufiina u gorɓiina, bolo mbutl mamma, koro mamba u yoori mam suu gorina halaŋ, mbutluɓ mamma u tlegeyem suu vona halaŋ. Suu Israelna tuɗ um halaŋ, asi tuɗum ha ki hu Ҥuɗugumba Hahawra.

WIRA ŊGAYRA 14:20

Va ma em gugutlura asi lam ha ki ni doŋ kaana, asi em ha ki ni huwa, busuna ɓaɗ ay ki hu va ma em gugutlura tuɗ gak gak kelew metrera kis kis hindi zulumba kaŋgara meterra dew u nus may.