1 Minigi tagiya kay agi ni gorse tagi hu Kristu.
Soolla suu tuɗ luu ma vi Lonna gaɗta, vi David. Ha! Ha! Jivi coco kay a gorseŋ tasina taɓ kel tasira.
Gaɗta an ɦagira ni ana minigi duk tagiya.»
Buu ma luu ma Pantekotna ndak ndakŋi suu vina halaŋ tok tasi halaŋ hu lina dew.
Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.
Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.
Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,
Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.
Soogi tagi kay a vi taɓpa Musuk Lonara ɦagirara u heɓ mayra njunugi eg tagira.
Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.
Gorsenna, ami gideɓ Lona tew tew kagiya. Dla ndaɗta jivira na ni kay viigira ka wul fok cocoo, ko minda agi min tagira tuɗ ha fok na din din.
Lakaygi jek jekee, njun u taygiya, gaɗaygi taygiya, miniygi taygi a li sunda jivira lay.
Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.
Humugi u suuna halaŋ, minigi gorsegi suu vina, lagi ndaa Lona, hum u mul ŋgolna may.
Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.
Su belni minigi tagiya tagiya kay minda bulum cora ŋgolo.
Cuk kay taɓpa taɓ u Lonara minda min gorseginara, cuk kay minda min gorseginara, minda.
Gola ni gaɗta nam daygirara ana tin huruygi kay Goromma Yesu Kristu, miniygi taygi duk taygi may ko Kristu ɦaygi gaɗ mamba kara na may.
Lini sana di ana, «An min Lona,» nam li gonok u wayamma, ni sa kaboyna, wayamma nam wam u irimu nam ka minimbi, Lona nam ka wam u irimbina nam hin ndak a minimmi nanage?
Aŋ gola va ma hurun ɓeŋ egeŋŋa ni aŋ ka minin coco ko jewra na oloɗi.
