HEBRENA 12:7 - Boy Lonana

⁷ Vagi wihawra ndaɗta kaki ko buna gaɗ goryomba na. Ni wihaw ndaɗta tak ana Lona lagi ni ko goryom na. Goo ma bum ka gaɗambina ka su?

HEBRENA 12:7 ပူးပေါင်းရင်းမြစ်များ

VUN ŊGOLNA 19:18

Gaɗ goroŋŋa hu li ma nam mbuɗ ki a wi dlarana. Lini aŋ ka gaɗambi ni nam ba tam ki ni ɦawaa.

GA 8ATAMBARA 8:5

Ni agi ndak wi ki ana Yawe Loogina gaɗagi ni ko sana gaɗ goorommara na.

VUN ŊGOLNA 29:15

Tokolora u gaɗta takaŋ yalna, goozoŋ ma hin tam kay saa mamba sak sakŋa mbuɗ sum ki ni zolona.

VUN ŊGOLNA 13:24

Sa ma ka min gorombina ka poŋombi. Sa ma min gooromma ni nam poŋomu.

VUN ŊGOLNA 29:17

Gaɗ goroŋŋa aŋ hin kak jiviya. Nam hin oyoŋ huruŋ ki u furira dagan may.

2 SAMUEL 7:14

An hin li ni a bumu, nam hin li ni goronna may. Lini nam li dla co wa ni an hin gaɗam u ndarayam suu warna ko tokolora na, waɗammi u ndarayamma.

VUN ŊGOLNA 22:15

Kemba hurusi minni dlara ka u tafaɗiira. Njewɗekka waɗasira dikisi dla ndaɗta ha ki egesiya.

1 MULINA 1:6

Ay u goorom day ni bum bayam ka ɦoy ana, «Aŋ a li dla ndaɗta na amege?» tuɗi. Nam jiv coco ɦay, sum vuɗum ka ni balam Absalom.

1 SAMUEL 3:13

An dam ki ana an kaɓakŋa kay ziimmi kay coomba. Nam wi ana goryom ŋgul Lona na lay ni nam yalasi kaɗi.

1 SAMUEL 2:34

Va ma hin takaŋ dla ndaɗta kina ni dlara hin li eg goryoŋ suu mbana Hofni u Pinhas. Asi hin miɗ ni hu buu ma dewna u dlasira mbara.

1 SAMUEL 2:29

Ni kay me agi tayan ɓivun manna ki kaŋga may? Ҥalla ɦawara an ndumuɗ ka hu ziindara ni ge? Ni kay me aŋ ɦal ŋgara maŋ goryoŋ suunni ge? Ni kay ana agi ɗorogi tagi ki u tlesuu jivi suu suu man suu Israelna ɦansina ayna halaŋ halaŋga su?

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

1 KORINTNA 11:32

Lini Bu Suuna gaɗaygiya, tiniygi ɓakŋa kaygiya, ni ana aygi ba ki ko taygi u suu duk ndaŋgara na halaŋgi.