HEBRENA 12:3 - Boy Lonana

³ Saaragi kamu nam vi dlara suuna noyom kira kammi kay suu cora. Hinigi vun dikigi a ɓigigiɗi, lagi ndaaɗi.

HEBRENA 12:3 ပူးပေါင်းရင်းမြစ်များ

VUN ŊGOLNA 24:10

Lini aŋ ndi ki ndaana ko dlara faŋga ni, saɓak maŋŋa mbuɗ ki ni maŋira.

EZAYI 50:4

Bu Suuna Yawe haɗan dlara an daɗta ni namu, kay a an ɗil ii suu ki loɓina, a an dam boy mamma maɗiiya, maɗiiya tew tew. Nam minin humun ki a humba ko suu haɗina humba na.

MATIYE 11:19

Goŋ Sanna mba wanni ti funa may, ci may, agi ɓak kam ana, Ni sa kurufukka. Gola ni sa ma saa tina u ci summa layna banayamma ni suu vi taara u suu cona. Doli ɗini nera vi Lonara tak ki ni u dlara nam laɗta.»

MATIYE 12:24

Suu Farisenna hum na ni, asi ana, «Sa namma dik fulina ki wanni, Beelzebul, mul fulina, ɦam saɓakŋa ni namu.»

MATIYE 15:2

«Suu maŋsina ka li u gaɗta vi somoyoyraɗi ni kay mege? Asi ti funa bay mbus kosi ko gaɗ maygira dira na ni nanage?»

MATIYE 21:23

Yesu kal hu Ziŋ Lonara, gijaŋ haɗ suuna. Muli suu li ɓivunna u suu ŋgolo suu Juifna, ɦuɗ tasi egem, joɓom ana, «Aŋ li tlegeyeŋ ni u saɓak gege? Sa ɦaŋ voɗta a li tlege suu asina ni gege?»

MATIYE 21:46

Asi gijaŋ hal mbeleŋŋa a vamba. Hurusi hin yow ndaana kay suu molina wi Yesu ni ko sa jok vun Lonna na.

MATIYE 22:15

Suu Farisenna ŋga vunusi a du del Yesu u boyna.

Boy Ma Ayra Ma LUK Ɓiirimma 14:1

Hu buu ma vi Lonna Yesu tuɗ vi sa ma Farisenna dew a ti funa. Suu kaŋga huna gol dlara Yesu laɗta bel bel.

Boy Ma Ayra Ma LUK Ɓiirimma 15:2

Suu Farisenna u suu wi magaara gaɗta hosok duk tasi ana, «Sa namma vi suu cona varam ti funa u asi lay.»

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

Boy Ma Ayra Ma LUK Ɓiirimma 2:34

Simeon paɗ vunum ki kasiya, di Mari su Yesu ana, «Ndak gola, gogoo namma wanni suu Israelna ɦiw hin suɗ ki umu, suu ɦiw hin ba ki may. Nammi sa ma suuna hin ɓeŋ dukusi ki u Lona kamma.

Boy Ma Ayra Ma LUK Ɓiirimma 5:21

Suu wi magaara gaɗta u suu Farisenna ɓak duk tasi ana, «Sa pan Lona na ni gege? Sa daɓ cora kina ni gege? Ni Lona dewɗi su?»

Boy Ma Ayra Ma JAŊ Ɓiirimma 10:20

Suu dukusi bolowo di ana, «Fulina ka kamu, nammi puluɗiya, agi humum boy mamma ni kay mege?»

Boy Ma Ayra Ma JAŊ Ɓiirimma 18:22

Hu li ma Yesu ɓak ha na may ni, sa asgaa ma coli egemma cam irim piŋ dam ana, «Aŋ ɓak fok mul ŋgol ma li ɓivunna eŋga na su?»

Boy Ma Ayra Ma JAŊ Ɓiirimma 5:16

Suu Juifna gijaŋ hal Yesu kayme nam li dla ndaɗta ni hu buu ma vi Lonna.

Boy Ma Ayra Ma JAŊ Ɓiirimma 7:12

Asi ɓak kam cocoo duk suuna, ka ɓak delesi eŋgi, suu ɦiw di ana, «Nammi sa ɗegeena.» Suu hiŋŋa ana, «Ҥawaa nammi sa ganyam suuna.»

Boy Ma Ayra Ma JAŊ Ɓiirimma 8:13

Suu Farisen dam ana, «Aŋ di kay taŋ aŋŋa tokŋi, dlaaŋga ka gasiɗi.»

Boy Ma Ayra Ma JAŊ Ɓiirimma 8:52

Suu Juifna dam ana, «Cecemmi ami wi ki gasi ana aŋ fulina ka kaŋu. Bumi Abraham miɗa, suu jok vun Lona miɗ lay. Aŋ di ana sa humuŋ vunuŋŋa ka miɗɗi ni nanage?

Boy Ma Ayra Ma JAŊ Ɓiirimma 8:59

Asi yow gogoyra a gikimba. Yesu ŋgay tam kal ay ki hu Ziŋ Lonara.

Boy Ma Ayra Ma JAŊ Ɓiirimma 9:40

Suu Farisenna suu egem ɦiw hum boy namma na ni, joɓom ana, «Ami ni suu dugina lay su?»

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

2 KORINTNA 4:1

Lona u jivi mamba ɦami sunda ni namu, ni kay ndaɗta ami ka mbuɗ maŋiɗi.

2 KORINTNA 4:16

Ni kay ndaɗta ami ka mbuɗ maŋiɗi. Lini mbalatami ka ɓalak ki hu buuna tew tew lay, mbalatamira ŋgussa ka mbuɗ wili hu buuna tew tew may.

GALATENA 6:9

Hiniygi sunda li jivira kiɗi, lini aygi maŋ ka kiɗi ni aygi hin feɗ jivira hu li ma lina hin ndakŋa.

GA 8ATAMBARA 20:3

Asi hin dasi ana, «Suu Israelna humugi haa, cemi ni agi ka tuɗ a duu u suu babali magisina, hin vun dikigi ɓikigiɗi, lagi ndaaɗi, dlak tagi fok suu babali magisinaɗi.

2 TESALONIKŊA 3:13

Agi tagira may ni gorsenna hinigi jivi mayra agi laɗta kiɗi.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

HEBRENA 12:5

Humugi maa ki kay boy ma Lona gaɗagi ko nam gaɗ goryom na na wa su? «Goronna gol gaɗ mayra Bu Suuna gaɗaŋ kay cooŋga ko va ma lalas naɗi, mbuɗ ndaa ko yal ma nam yalaŋaɗi.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

1 PIYER 2:23

Suuna ŋgulum lay ni nam hal dlara a ŋgul may kaɗi, suuna lasamu nam hal dlara sa sugulum kaɗi, nam hin boy namma halaŋŋi ko Lona ma kaɓakŋa u voɗom ɗegeena.

WIRA ŊGAYRA 2:3

Aŋŋi sa lalamma, aŋ wihawra kan cocoo, mbuɗ ka maŋiɗi lay.

1 SAMUEL 12:24

Va ŋgolna ni lagi ndaa Yawe na ɗow, sunum u gasira, hurugi ma dewna. Gologi gasi daŋ may nam tak ŋgol mamba ki egegiya.