HEBRENA 12:29 - Boy Lonana

²⁹ Kay Looygina ni kura ŋgalla.

HEBRENA 12:29 ပူးပေါင်းရင်းမြစ်များ

GA 8ATAMBARA 4:24

Kay Yawe, Loogina, ni kura ŋgalla, nammi Lo ma hurum ya cocona.

GA 8ATAMBARA 9:3

Agi hin wi ki karam ana Yawe Loogina calaɗ mbo lum ma Yurdaŋŋa fokogi ni namu. Nammi kura ŋgalla. Nammi sa ma hin casi kina, dikisi ha ki fokogi ni namu. Agi hin dikisi kiyo, casi ki ni cem cem ko Yawe ɦagi voɗta wandara na.

HEBRENA 10:27

Ni aygi hin laygi ndaana, juɓugi ni va ma hin mbay ha fokŋa, ni di ana ɓakŋa u kura ŋgal cora, ci suu babalira vi Lona kiyo.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

EZAYI 66:15

Yawe hin mbay ni u kura, pus pus mam ma kulumina ni ko babaana na, oy u yaamba ku cocora balaf mam ma gaɗ suuna ni sin kura.

KALKIRA 24:17

Bibiŋilla vi Yawe tak taɗ ii suu Israelna ni ko kura ŋgalla na, ay kolo kay ɦinira.

DANYEL 7:9

An gol irin hu li ma dlamba mulla ki tinina, sa ma maana kak kaɗu. Baraw mamma haɓpa ko baraw haɓpa na, tumussa kay yamba ko baraw ma haɓma na, dlam mamba ki u sin kura, gayaɗ ni kura ŋgik ŋgikka.

SOOLLA 97:3

Kura ka tuɗ fokomu, ndaɗ ŋgal suu babali mam suu ŋguy kamma ki halaŋ.

SOOLLA 50:3

Looygina ka mbaya, nam ka seŋ tambi. Kura ŋgolla ay ka fokomu, babaa ma ŋgolna ŋguyum yamu.

NDUMBA 16:35

Kura col ay eg Yawe mba ŋgal suu 250 suu ŋgal mbitla his jivira ay kosina ki halaŋ.

NDUMBA 11:1

Fali taa dew ni suuna gijaŋ gurniya. Yawe hum na ni hurum ɓeŋa. Boy namma ka irim jiviɗi. Yawe mbuɗ ki ya cocoo. Kura vi Yawera ŋgal suuna, ŋgal keŋ zi ma ki dew.

KALKIRA 15:7

U ŋgol maŋga cocora, aŋ ci suu babali maŋsina kiyo. Huruŋ ɓeŋ wa ni aŋ lasi coo, aŋ ŋgalasi ki ko ŋgayara na.

2 SAMUEL 22:9

Ndoosna sel ay ki cinimu. Kura ŋgalla kal ay ki funum u murus kura ŋgik ŋgikka.

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

JEREMI 25:37

Katlaŋ mayra mbiira seŋ ki na yerek yerek fok yara vi Yawera.

EZEKIYEL 38:19

U hurun ma ɓalak ki namma, hurun ma ki oy u yara ko kura ŋgalla nana, an di ana, na daŋ may hu buu namma ni ndaŋgara hin geŋeɗ taɗ hu mbassa Israella.

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.

2 TESALONIKŊA 1:7

Nam hin ɦagi koɗ tara magi agi suu ka wihawrana u ami lay. Ni hu li ma Bu Suuna Yesu kal ay ki huulona u suu sunda hu lona suu saɓakŋa umu.

HEBRENA 10:31

Sana a ndi ki kaŋga ko Lona ma iirina ni loɓ cocoo.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.