HEBRENA 12:25 - Boy Lonana

²⁵ Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 12:25 ပူးပေါင်းရင်းမြစ်များ

HEBRENA 8:5

Muli suu li ɓivunna jok ay ni va ma ay ɓiiri jewna, ni ŋgus tlesuu ka kolo huulonna. Dla ndaɗta tli taɗ ni u mayra li ay u Moizza. Hu li ma nam a tuɗ min mbutluɓma wanni Lona dam anaba, «Aŋ tuɗ minim ko ma an takaŋŋa ay kolo kay yam ɦinirana na.»

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

VUN ŊGOLNA 13:18

Sa ma ka hum dlaŋ saɗina hin ndi ki hawra, suuna san um cocoo. Sa ma hum gaɗta suuna dambara ni sa ma suuna hin ŋgaam ɦayna.

GA 8ATAMBARA 30:17

Na may lini hurugi mbuɗ wa lini agi ka humbi, lini agi hin tagi a goɓ loogi suu ɦawana sunusi may,

KALKIRA 20:22

Yawe di Moiz ana, «Aŋ tuɗ njaɗ suu Israelna ana, cemi agi wi ki ana an ɓakagi ay ni kolo huulona day.

MATIYE 8:4

Yesu dam ana, «Li taŋ jiviya. Di boy namma ki maŋ saɗi. Tuɗ tak taŋ ki maŋ sa li ɓivunna. Aŋ ɦal va ma li ɓivunna ko Moiz dira na may. Dla ndaɗta tak ki maŋ suuna ana taŋ hiniŋ ki wa.»

VUN ŊGOLNA 8:33

Hinigi nera an neegi wanda kiɗi, saaragi kaɗ tew tew agi hin mbuɗ suu wi dlara.

VUN ŊGOLNA 1:32

Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

VUN ŊGOLNA 1:24

Kay an yagiya, agi humun kaɗi, an feɗegegi ha lay ni, sa ma caa yam a golon kon kaɗi.

2 DLAŊ MULINARA 7:19

Na may lini aŋ taŋga, aŋ hinin gaɗ manda ki mbuɗ iriŋ ki u dlara daŋga, hin dlara an miniɗta kiyo, lini aŋ tuɗ sun ni loogi suu daŋŋa goɓ ga fokosiya,

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

JOSUWE 22:16

«Gola suu tokka vi Yawena u dlasira halaŋga di ana, agi a li dlara bay ɗegeera eg Lona vi suu Israelna na ni kay mege? Agi huɗ tagi ay ki eg Yawe na day a minigi givin ma togolla ki kay tagi ni nanage? Cemi ni agi min a duu ni u Yawe su?

NDUMBA 32:15

Lini agi ka min a tuɗ u vunumbi ni nam hin ɦuɗugi buu magi ma ŋgoo bagina ha fok olo, ni agi ba ki ni suu Israelna halaŋ.»

KALKIRA 16:29

Lini Yawe ɦagi buu ma kiɗisiyana a koɗ tara ni nam ɦagi tina hu buu ma karkiyana ii buuna mba' kay ana sa kal ki hu buu ma kiɗisiyana oloɗi.»

2 TIMOTE 4:4

Asi hin mbuɗ hum gasira oloɗi, asi hin hoŋ irisi tin saa masira ni kay njun njunda.

1 TESALONIKŊA 5:15

Gologi tagi jiviya, hin sa hoŋ cora u ndaraɗ coraɗi. Halagi a li ni jivira duk tagi na ɗow, lagi jivira eg suuna halaŋ lay.

SUNDA 7:35

«Ni nam Moiz ma suu Israelna noyom ay kina ana, sa ma kakaŋ kami a mulna a kaami ɓakŋa kamina ni gegena. Lona hin sunum a mul ma buɗusi kina ni namu. U saɓakŋa vi sa sunda huulona ma tak tam irim duk kurana.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.

JEREMI 11:10

Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.

EZAYI 64:9

Ҥoŋziiŋ ma teteɗna mbuɗ ki ni ŋgoo bagira, Siyon mbuɗ ki ni ŋgora. Yerusalem ɓalak ki wa.

EZAYI 48:6

Agi hum dlara di ay ki jew ndaɗta, waɗ ndaɗ li ki u irigi lay. Agi may ni ka di ki kay dla ndaɗtaɗi su? Cemi ni an takagi tlesuu wilina ni suu ay ki ŋgay agi wasi ka tuɗina.

VUN ŊGOLNA 15:32

Sa ma ka hum haɗta vi saɗina las ni tamu. Sa ma ka hum nera vi suunara ni sa ma hin fi saara jivirana.

HEBRENA 3:17

Suu huu Lona ɓeŋ egesi basara dok fiɗina ni suurage? Hurum ɓeŋ ki eg suu li cora, miɗ ki ŋgoo bagina.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

WIRA ŊGAYRA 22:9

Nam dan ana, «Ka naɗi, anni sa sunda ko aŋ na may, ko gorseŋ suu jok vun Lona u suu hum u boy ma ɓiiri hu magaa ndaɗta na may. Cen ni Lona.»

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

GA 8ATAMBARA 4:36

Ay kolo huulona agi humum delemba ɓakŋa kiyo, ni a haɗagira, kay ndaŋgara tani nam takagi kura ŋgolla, ay duk ku ndaɗta agi humum delemba ɓakŋa.

GA 8ATAMBARA 18:19

Lini sana ka min a hum u boy man ma sa jok vun Lona dam kinaɗi, an u tanda hin joɓom vunummi an gaw.

HEBRENA 1:1

Ay jewra Lona ɓak somoyoygi sem bolowo. Di suu jokom vunumma u yal ma daŋŋa zeɗ zeɗ lay.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

HEBRENA 12:19

Suu Israelna hum bu difna u della soora wanni, asi hin di ɗaŋi ana dasi boy ay hu oloɗi.

JOSUWE 22:15

Asi mbay eg suu vi Rubenna u suu vi Gadna u nus suu vi Manasena hu mbassa Galaadta, mba ɓakasi ana,