HEBRENA 12:23 - Boy Lonana

²³ Agi mba ni duk suu tokina, goryoŋ Lona suu vuɗ jewna u furira, ni suu sesi ha ɓiiri kolona. Agi mbaagi ni eg Lona ma kaɓakŋa vi suuna halaŋŋa, ŋgus suu ɗegeena mbuɗ ki pasiyakka.

HEBRENA 12:23 ပူးပေါင်းရင်းမြစ်များ

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

HEBRENA 11:40

Kay ndaɗta Lona takaygi fok jivi su olo, nam min ka ana asi mbuɗ ki pasiyak fokoygi jewɗi.

Boy Ma Ayra Ma LUK Ɓiirimma 10:20

Lagi ayra kay fulina hum ugiraɗi. Furiyugi ni kay segi ma ɓiiri kolo huulona na ɗow.»

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.

KALKIRA 4:22

Aŋ tuɗ di Faraw ana, Yawe di ay ana, Goron ma ŋgolna ni Israel.

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

SOOLLA 94:2

Aŋŋi sa ma kaɓakŋa kay suuna halaŋ, kaɓakŋa kay suu ŋga tasina.

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.

SOOLLA 96:13

fok Yawe kay nam ka mbaa. Nam mba ni a ti mulla kay ndaŋgara, nam hinni a mul ma ɗegeena kay njaf suuna, ti kay suuna u ɗegee mamba.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

1 PIYER 2:23

Suuna ŋgulum lay ni nam hal dlara a ŋgul may kaɗi, suuna lasamu nam hal dlara sa sugulum kaɗi, nam hin boy namma halaŋŋi ko Lona ma kaɓakŋa u voɗom ɗegeena.

HEBRENA 11:4

U vira Abel li ɓivun ma jivina maŋ Lona su ma vi Kainna. Lona di kam ana nammi sa ma ɗegeena ni kay viimba. Lona u tamba di ki jivi kay ɦal mamba. Nam ki miɗi lay ni cecemi Abel ka ɓak tuwa.

1 TIMOTE 3:5

Lini sana ndak ka a gol ziimbi ni hin gol suu vi suu vi Lonna ni nanage?

FILIPINA 4:3

Aŋ ndaran goo ma ɗegeena an joɓoŋu aŋ njun usiya, asi taɓ u an kay duurumi a mbee Boy ma Ayra ki ni asiya, u Klement u ndarayan gor suu sunda, ni asi suu sesi ɓiiri hu magaara iirira.

EFESNA 1:22

Lona cuk tlena halaŋ kaŋga u sem Kristu, nam tinim kay suu vi Kristuna a mul ŋgolna.

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

Boy Ma Ayra Ma JAŊ Ɓiirimma 5:27

Nam ɦal saɓakŋa maŋ Goromma a kaɓakŋa, kayme nammi Goŋ Sanna.

SOOLLA 98:9

fok Yawe kay nam ka mbaya ni kay a kak mulna kay ndaŋgara, ti kay suuna u gasira, ti kay ndaŋgara u ɗegeera lay.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

KOLOSNA 1:12

Gagi deɓ Buna u furira, kay nam mbuɗugi ndaki a fi tlesuu Lona hinisi maŋ suu mamsina ha kolo hu mul mamba hu kiɗikkana.

2 KORINTNA 5:8

Ami ka u ɦiŋga hurumiya, min a hin mbalatamira ndaɗta kiyo, tuɗ kak eg Bu Suuna.

1 KORINTNA 15:54

Hu li ma mbalatara cim kira cuk ta cim kiɗira kaɗ wani, hu li ma miɗna cuk ma miɗ kiɗina kam lay, ni li kini boy ma magaara damma ɗaŋ, «Ni miɗna daɓ ki wa nam su kam wa.»

1 KORINTNA 13:12

Cecem wanda aygi gol taygi ko ŋgussa hu kotoromma na, aygi hin waygi taygi u iriygiya. Cecem wanda an ka wi ki jiviɗi, ha fokka an hin wi ki jivi ko Lona wanda na.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

DI BOLLA 12:7

Ndaŋgara hoŋ duk ndaraɗ ndaŋgara ndaɗ col ay hura, ŋgussa hoŋ eg Lona ma ɦaɗ ayna may.

SOOLLA 111:1

Halleluya. An geleɗ Yawe u hurun halaŋ, hu tokka vi suu ɗegeena, hu li ma tokka ŋgolla lay, an geleɗemu.

SOOLLA 89:27

«Nam hin yan ana, Bunu, Loonna, ɦini may ma suɗunna.»

SOOLLA 89:7

Sa ma ka kolo ko Yawe nana ni gege? Duk loogi suu ɦawana ma tli tam u Yawena ni gege?

SOOLLA 69:28

Ŋgaasi dlaasira cora ni kasiya, hinisi a sa suɗ ki fokoŋgi.

GA 8ATAMBARA 21:17

Lini nanagelay nam mba wi ŋgolla vi goorom ma ŋgolna, goŋ cara nam ka miniɗɗira. Nam fi ɓorow mamma ni sem mba' u tlegeyem suu vona, kay goo ŋgol ma vuɗ fok jewna, ɓorow mamma tew tew ni ŋgolo.

KALKIRA 13:2

«Tinin ki gor suu vuɗ fok jewna halaŋ ki ni manu, gor suu warna u gor yoorina lay hu mbassa Israella halaŋ ki ni manu.»

KALKIRA 32:32

Na may cemini lini aŋ mina ni bulumusi suluk masi namma kiyo, li ka naɗi ni bulumun sen ki hu maga maŋga aŋ ɓiiriɗta.»

1 KORINTNA 15:49

Ni kay ndaɗta aygi tli taygi ni u nam ma minim u ndaŋgarana, ni na may aygi hin tlaygi taygi u nam ma ha kolo huulonna may.

HEBRENA 2:12

Nam di ana, «Lona an daŋu kay gorsenna, an gi soolla geleɗeŋga kay suuna halaŋ.»

WIRA ŊGAYRA 6:9

Goo Timiina haw vun tampoŋ ma vadlna ki hawni, an gol irin hu givin ma togolla na ni wi iirira vi suu asi casi ki kay asi di Boy Lonana kiyo, kay dira asi di ki kamba.

WIRA ŊGAYRA 6:11

Dukusi ni gegelay ni fi barawra haɓpa ŋgolla tamu, dasi ana asi koɗ tasi heelem nde tuwa, gak gak juɓ gorsesina u ndarayasi suu sunda suu asi casi ki ko asi na mayna ndak ki hu ŋgara tuwa.