HEBRENA 11:8 - Boy Lonana

⁸ U vira Abraham hum vun Lona hu li ma nam yamma, nam tuɗ hu mbassa ndaŋga Lona ɦamba a jonara. Nam hin mbas mamba kiyo, tuɗ hu mbas mayra bay nam waɗta.

HEBRENA 11:8 ပူးပေါင်းရင်းမြစ်များ

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

URA TIN AYRA 12:7

Yawe tak tam ii Abram dam ana, «An hin ɦaŋ mbas ndaɗta ni maŋ njafaŋu.» Abram min givin ma togolla maŋ Yawe hu li ma nam tak tam irim huna.

ROMMA 10:16

Suuna vi Boy ma Ayra ka halaŋgi, Ezayi di ana, «Bu Suuna sana vami boy mamina ni gege?»

EZAYI 41:2

Sa ma col ay u maɗiina su kay suunana. Ҥam saɓak namma ni ka anɗi su? Nam dik njaf suu daŋŋa ki halaŋ, tayasi muli masisina ki ga u semu, ŋgew mam ma duuna gulukusi ki ko gugum ndaŋgara na. Asi dol ki kolo u semeɗna ko usuna na.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

HEBRENA 11:33

Asi tli ndaŋgara ni u viisira, asi li vama ɗegeena, ni hin fi va ma Lona vi vunum kamma may. Asi duk vun dlona,

ROMMA 6:17

Gi deɓ Lona, agi suu li ay jew mborɓiina ko dla corana, cecemi agi vi u hurugi halaŋ mbeleŋ ma agi wam ay hu haɗtana.

EZEKIYEL 36:24

«An hin taaragi ay ki duk njaf suu ɦawana. An hin tokogi ay ki ni hu mbassa daŋga zeɗ zeɗ halaŋ. An hin mbaaragi ay ki kay ndaŋga magira.

EZAYI 51:2

Humugi gagi kay bugi ŋgolo Abraham u sugi ŋgolo Sara suu vuɗugina. Hu li ma an yasina ni asi ni mba' daŋ, An hin paɗ vunun ki kasiya, zulusi ki bolowo.

JOSUWE 24:3

An yagi bugi ŋgolo Abraham ay ki ŋgoo lumma ii hiniŋŋa an tuɗum ki hu mbassa Kanaanda halaŋ, an zulum njafam cocoo, an ɦam goona ni Isaak.

GA 8ATAMBARA 9:5

Ni ka ana agi ni suu ɗegeena, ni suu hurugi jivina agi cuk hu mbas ndaɗta ni na ka naɗi. A gasira ni suu asina li coo, kay ndaɗta Yawe Loogina dikisi ki ni na. Nam li na ni a li ki ni u vi vun ma vi Yawe ma nam vam u somoyogina, u Abraham u Isaak u Yakob.

URA TIN AYRA 26:3

Kak hu mbas ndaɗta tani. An hin li u aŋu, an hin paɗ vunun ki kaŋu. An hin ɦaŋ mbas ndaɗta halaŋŋi maŋ u njafaŋu, an hin li u suura an suu tan u buŋ Abrahamba.

URA TIN AYRA 17:8

An hin ɦaŋ mbassa aŋ kagi kaɗ ŋgayra wanda maŋu, maŋ njafaŋ ma ka ŋgoroŋ daganna lay. Ndaŋgara Kanaanda halaŋŋi maŋ a fafaɗta. An hin li ni a Loosina.»

URA TIN AYRA 15:5

Nam kalam ay ki kiɗik dam ana, «Gol iriŋ koloo, ndum ciciwra gege lini aŋ ndak a ndumuɗu.» Yawe dam olo ana, «Njafaŋ hin li ni ko asina na.»

1 PIYER 3:1

Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

2 KORINTNA 10:5

Ami toomi tlesuu sana colosi a ŋga tamma kay wira vi Lona ki kaŋga halaŋ ami njun saara daŋga kaŋga halaŋ kay a hum u Kristu.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

URA TIN AYRA 11:31

Tera tay goromma, Abram, u goŋ ŋgolo mamma, Lot, ma goŋ Haranna, u Sarai, caŋ goomma, Abramba. Nam col ay u asi Ur hu mbas Kaldera a tuɗ Kanaan. Asi tuɗ ta ta tew Haran hin lak huwa.

URA TIN AYRA 12:5

Abram tay caamba, Sarai, u goŋ wayammana, Lot, umu. Nam yow bege mamma u mborɓii suu nam gususi hu Haranna halaŋ umu. Asi tin irisi a tuɗ hu mbassa Kanaanda. Hu li ma asi tew ki hu mbassa Kanaanda,

URA TIN AYRA 20:13

Hu li ma Lona tuɗun ay ki day eg ziŋ bunna, ni an di Sara ana, ni jivira ndak hin landa egenda hu li ma ay hin tuɗ huna halaŋ, ndak di kan ana, Ni wayanna.»

NDUMBA 10:30

Hobab hoŋom dira ana, «An ka tuɗɗi, an hoŋŋi hu mbas manda duk somoyon na ɗow.»

MATIYE 2:21

Yosef col koloo, tli goona u sumu, hoŋ ay hu mbassa Israella.