HEBRENA 11:7 - Boy Lonana

⁷ U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

HEBRENA 11:7 ပူးပေါင်းရင်းမြစ်များ

URA TIN AYRA 19:14

Lot tuɗ di kunuyum suu ɗumum goryomma ana, «Selegi kiyo kay Yawe min a ɓeŋ ɦoŋzina kiyo.» Kunuyumma golni ko nam mbaɗasi ni mbaɗi ɦawana.

URA TIN AYRA 6:13

Nam di Nowa ana, «An min ba suu war suu kay ndaŋgarana kiyo. Dla coosira asi laɗta kay ndaŋgara halaŋ mbuɗ ki coo, an min baasi ki u ndaŋgara halaŋ.

URA TIN AYRA 6:22

Ni dlara Nowa laɗta, nam li u boy ma Lona dammana halaŋ.

URA TIN AYRA 6:9

Gola ni dlara vi Nowara. Nowa ni sa ma ɗegee ii Lonna. Hu coki ndaɗta ŋgul ka egembi. Nam poy u voɗta vi Lonara, hum um jivi lay.

URA TIN AYRA 7:23

Yawe tok yam ndaŋgara ki halaŋ, tlesuu musukka hurusina va hin kaɗi. Col ay kay sa warna day gak gak mburina u yoorina, tlesuu gorina, tlesuu ŋgolona, layagina, tlesuu asina bulum ki kay ndaŋgara. Sa ma hin iirina ni Nowa dew, u suu cuk ay um hu lumbana gaw may.

URA TIN AYRA 7:5

Nowa li dla mayra Yawe damba halaŋga kiyo.

URA TIN AYRA 8:16

«Cukugi ay ki hu lumba, aŋ u caaŋga u goryoŋu u boyogosi lay.

2 MULINA 4:5

Ndaɗ col ay mba duk vunna kaɗ u goryoɗu, asi ɦaɗ gegelina aya, ndaɗ ɗee mbulna hu may.

JOB 35:8

Dla cooŋga daɓmi eg ndarayaŋ suu warna. Ɗegee maŋga ni maŋ suu warna ɦawaa.

VUN ŊGOLNA 22:3

Sa ma ɗilina wi dla cora ay wa ni nam ŋgay tam kiyo. May sa laɓana tuɗ ha dukuɗ na ndaa ndaa, hin lam may.

VUN ŊGOLNA 27:12

Sa ma neeyna wi dla cora wa ni, nam ŋgay tam kiyo. Sa ma ka wi dlaɗina kal ha ni duk dlara na ndaa.

EZEKIYEL 14:14

Lini suu hindi cana, Nowa, Danyel u Job ka hu mbas ndaɗta lay ni asi hin suɗ ki ni iiri masira doy hol, kayra asi ni suu ɗegeenara. Di ni Bu Suuna, Yawe.

EZEKIYEL 14:20

Lini Nowa, Danyel u Job ka ni hu mbas ndaɗta lay, an suu u iiri manda, di ni Bu Suuna, Yawe, asi ka suɗ go njuf ɗowba go tama na dewɗi. Asi u ɗegee masira hin suɗ ni iiri masira doy hol.

EZEKIYEL 33:5

Nam hum tii tokolomma ki u humumu, hin caa yam ka kay boy nammaɗi, busuɗum do ni kamu. Sa ma hum tii tokolomma hin min tam ki mayna ni hin suɗ iiri mamba may.

MATIYE 2:12

Asi buu njeŋge wanni, Lona dasi hu doyra ana asi hoŋ voo wanni, tli kay mulna Herod oloɗi. Asi wi na ni, tli voɗta daŋga gaw.

MATIYE 24:15

«Hahawra ŋgolla ka gin a mba kay sa ɗira, agi hin waɗu. Ni ko sa jok vun Lonna Danyel di ki fok jewra na. Sa ma ndum boy namma humum ki jiviya.

MATIYE 24:25

Humugi jiviya. An neegi ki fok jewe.

MATIYE 24:38

Ay fok jew mbona bay tli tu ni, suuna ti funa, ci yona may, ɗum boyogina usi may, ɦal goryosi a ɗumba may. Gak gak, tew buu ma Nowa ɗuŋ hu lumbana.

MATIYE 3:7

Jaŋ wi suu Farisenna u suu Sadusenna mbay egem coco ana nam mbususi batemma na ni, nam dasi ana, «Agi njaf guy magira, sa haɗagi a agi puruɗ tagi ki ko yara vi Lonara ni gege?

Boy Ma Ayra Ma LUK Ɓiirimma 17:26

Dla mayra li u Nowara hin li hu buu ma vi Goŋ Sanna ni na may.

ROMMA 1:17

Kay ndaɗta Boy ma Ayra tak ana Lona min mbuɗ suuna ki ɗegee fokommi u vira dew daŋ, u tin ura gak gak daɓpa, ko ɓii ay hu magaara vi Lona ta jewra na, «Sa ma ii Lona ɗegee u virana hin kak iiriya.»

ROMMA 10:6

Dira di ki ana, dlara sana a mbuɗ ɗegee fok Lonara ni u vira, «Di taŋ huruŋ ana sana hin ful kolo huulona ni gege naɗi.» (Ni kay a di ana a mbaa Kristu ay kaŋgara.)

ROMMA 3:22

Lona min mbuɗ suuna ɗegee u hurusi ma tini kay Yesu Kristuna, nam lini kay suu tin hurusi kay Kristuna halaŋ, nam ka ɓorow ii suunaɗi.

ROMMA 4:11

Abraham fi caw ɗiwra ni ndaɗ hin egemmi ko takka na, Lona ŋgaɓam dla ndaɗta ay egemmi kay nam sa ma ɗegeena, kay viimba ay jew bay nam caw ɗiwim tuwa. Abraham ni bu suu tin hurusi kay Lona bay caw ɗiwisi tuna, Lona ŋgaasi a suu ɗegeena.

ROMMA 4:13

Lona vi vunum u Abraham u njafam halaŋ a nam hin ɦasi ndaŋgara a joosina, vi vun namma ka ni ana Abraham hum u gaɗta naɗi, kay mege Lona golom ɗegee ni kay viimba.

ROMMA 9:30

Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 5:7

Yesu hu iiri mamba wanni nam cen Lona mbuɗ tam ki hahawara na ɗow, sawalla kolo u simina irim kay nam ndak suɗum ki hu miɗna. Lona humum cen mamba ni kay hoŋga nam hoŋ yam kaŋga umba.

HEBRENA 8:5

Muli suu li ɓivunna jok ay ni va ma ay ɓiiri jewna, ni ŋgus tlesuu ka kolo huulonna. Dla ndaɗta tli taɗ ni u mayra li ay u Moizza. Hu li ma nam a tuɗ min mbutluɓma wanni Lona dam anaba, «Aŋ tuɗ minim ko ma an takaŋŋa ay kolo kay yam ɦinirana na.»

1 PIYER 3:20

Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

2 PIYER 2:5

Lona hin ndaŋgara basira kaɗi, nam tli yo ma ŋgolna ki kay ndaŋgara ci suu cona kiyo. Nam hin suɗ ki ni Nowa ma di boy ma jivina kina doy hol u suu daŋŋa kiɗisiya may.

2 PIYER 3:6

mbo ma ŋgol ma tli ay kay ndaŋgara nam ɓeŋ ndaŋgara jewra ki ni u namu.