HEBRENA 11:6 - Boy Lonana

⁶ Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

HEBRENA 11:6 ပူးပေါင်းရင်းမြစ်များ

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

JOB 21:14

Doli ɗini asi di Lona ana, «Ҥuɗ taŋ ha ki egemiya, a hum u gaɗ maŋgara ni ka irimi jiviɗi.

SOOLLA 106:24

Asi gol mbas mayra jivi cocora ki lalasi, asi vi ka u boy mammaɗi.

SOOLLA 119:10

U hurun halaŋ an ka halaŋu, hinin a an tuɗ ki day eg gaɗ maŋgaɗi.

SOOLLA 58:11

Suu ɗegeena hin furi cocoo hu li ma asi wi Lona saasi sukulusiya. Asi hin mbus sesi ki ni u busu suu cona.

SOOLLA 73:28

Jivi manda kay tanda ni ana kak na tok eg Lona. An ŋgay tanni eg Bu Suuna Yawe, an min njaɗaŋ dlaaŋga ki halaŋ.

SOOLLA 78:22

Kay asi tin hurusi ka kay Lonaɗi, asi vi ka ana nam a suɗusi kiyoraɗi.

SOOLLA 78:32

Ko ndaɗta na lay ni asi tuɗ fok a li dla cora gak gak, ka saa kay dlara mbuɗ mbuɗta vi Lonaraɗi.

VUN ŊGOLNA 11:18

Sa ma dlam cona fi ni warak ma um kaɗina, sa ma di dlara ɗegeera wi ki kam gasi ana warak mamma kaa.

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

EZAYI 7:9

Kay saɓak Efrayim ka hu Samari, saɓak Samari ka u goryoŋ Remaliyana may. Lini agi hurugi ka tinni saɓakgi, ni agi ka hin a col fok suu duuruginaɗi may.»

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

NDUMBA 14:11

Yawe ɓak u Moiz di ana, «Suu asina panan na gak gakŋi kay mege? Asi ka min a hum unɗi ni kay mege? Dlara an takaɗ ki dukusira halaŋ asi ka vi taa na dewɗi su?

NDUMBA 20:12

Yawe di gi Moiz u Aaron ana, «Agi vangi vunun kaɗi, takangi teteɗ manda ka ki fok suu Israelnaɗi, kay ndaɗta agi ka ndak a cuk suu Israelna hu mbassa an vi vunun kaɗ a ɦasiraraɗi.»

MATIYE 11:26

Na daŋ may, Bunu aŋ min ni na.

MATIYE 5:12

Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»

MATIYE 6:16

«Agi li laara ni, mbuɗ tagi ki hahawra ko suu ŋga tasina naɗi. Asi mbuɗ irisi ki hahawra zeɗ, a suuna wasi ana asi ka li laara. An dagi ni gasiya, suu asina fi warak masina ki kaŋga tani wa.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

MATIYE 6:5

«Agi li a cen Lona ni, lagi ko suu ŋga tasina naɗi. Asi min a cen Lona coli hu Zira Tokka, keŋ voɗta lay, a suuna wasiya. An dagi ni gasiya, suu asina fi warak masina ki kaŋga tani wa.

MARK 16:17

Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay.

Boy Ma Ayra Ma LUK Ɓiirimma 12:31

Halagi Mul Lonara tlesuu hiŋŋa Lona hin ɦagisina.

Boy Ma Ayra Ma LUK Ɓiirimma 6:35

Minigi suu babali magisina, lasi jiviya, ɦasi tlena, tin hurugi ana asi hin hoŋogisina ay ni saɓagera naɗi lay. Agi hin fi warakka ŋgolla, hin mbuɗugi ki goryoŋ Lo ma kolona. Nam li jivira maŋ suu hurusi cona u suu hurusi jivina lay.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 8:24

Kay ndaɗta an dagi ana, agi hin miɗ ni hu coogira. Lini agi tin hurugi ka ana, An kaa, naɗi ni, agi hin miɗ ni hu coogira daŋ may.»

ROMMA 10:14

Sana hin ndak a yam sem bay vi ummi nanage? Asi hin humma, viya bay sa ɓakasi ni nanage? Asi hin hum bay sana dasi boyna ni nanage?

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

HEBRENA 4:2

Kay aygi humuygi Boy ma Ayra ko asi suu humum ay ŋgoo bagina na may. Asi hum boy namma ni nam li va ka egesi na ndeɗi, hu li ma asi humumma ni asi vam ka u vira hurusi na ndeɗi.

HEBRENA 4:6

Suu hum Boy ma Ayra ay jewna cuk ka hu li ma koɗ taraɗi kay asi vi kaɗi. Ni lina ka kay suu daŋŋa a hin cuk huwa.

HEBRENA 7:19

Gaɗta vi Moiz ka mbuɗ va ki pasiyakgi, juɓpa ni vara jivira mbuɗ a mbaaray eg Lona tok ni ndaɗu.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

2 PIYER 1:10

Kay ndaɗta gorsenna soogi tagi eŋ a taɓ u yi mayra Lona yagira u manda nam managira, lini agi li ko ndaɗta na ni agi hin ka a cuk kaŋga hu coraɗi.

2 PIYER 1:5

Ni kay ndaɗta soogi ugi a viigira mbuɗ eŋ hu poyra jivira, poy magira jivira a wi yal dlara.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

RUT Magaara Njaɗ Dlara vi Rut 2:12

Ko Yawe hak warakŋa kay dlara ndak laɗ wanda. Ko warak makŋa halaŋ col ay ni ko Yawe, Lona vi suu Israelna, ma ndak mba hal li ma ŋgayra egemma.»