HEBRENA 11:37 - Boy Lonana

³⁷ Suu daŋŋa asi casi ki u ɦinira, suu daŋŋa asi ŋgaɗasi irisi ki duk mba' mba', ɗowba casi ki u ŋgew ŋgolna. Asi tuɗ ki hu li ma daŋŋa daŋŋa cuk bak timigiina tasi u bak ɦugunina. Asi fi wihawra ko lassa ŋgolo.

HEBRENA 11:37 ပူးပေါင်းရင်းမြစ်များ

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

JEREMI 26:23

Asi vi Uriya ay hu Egipte mbaaram ay ki maŋ mulna Joakim. Nam cam ki cini, hin gam maɗam ki hu zulla dukusi dewra.

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

2 MULINA 1:8

Asi dam ana, «Sa namma ni sa ma cuk baraw ma cili u tlimiɗtana njun baraw ɗikka hurum may.» Nam mulna hin di ana, «Ni Eli ma Tisbena.»

SUNDA 7:52

Suu jok vun Lona suu somoyogi lasasi kaɗina ni suurage? Asi ci suu di ki kay mbara vi sa ma Ɗegeena kiyo, Cecemi nam ma agi di kolokŋa kam cam kina,

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.

2 KORINTNA 12:10

Ni kay ndaɗta an li furira kay maŋira, ŋgulla, wihawra, lassa, u yoora halaŋi an fasi ni kay sem Kristu kay hu li ma an maŋiya doyɗi ni anni saɓaki.

SUNDA 14:19

Suu Juifna suu mbay Antiok ta Pisidira u Ikoniumma, asi tok vun suuna ki usi halaŋ ana asi gik Pol u ɦinira cam kiyo. Asi taɗam ɦagi doŋ kaana, saa masira ana Pol miɗ ki wa.

Boy Ma Ayra Ma LUK Ɓiirimma 13:34

«Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

MATIYE 21:35

Suu li sunda hu senena yow suu asina, waɗ ma hiŋŋa, ci maa ki maɗ dew may, duu ma hiŋŋa gikka u gogoyra may.

MATIYE 8:20

Yesu dam ana, «Bayakka zuluɗ ka lay, laygina ziisi kasi lay. Goŋ Sanna, li nam koɗ tam hu kaɗi.»

MATIYE 3:4

Jaŋ baraw mamma cili ni u tlimiɗ jamballa, gandina njuni hurumu. Tlesuu nam tasina ni baarina u mbul yumma ki ŋgoo bagiya.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

1 MULINA 21:10

Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:1

Mulna Akab cuɗ dlara Eli laɗta ki maŋ caamba Jezabel halaŋ halaŋ, cira nam ci suu joɓpa kira bel bel.

1 MULINA 18:13

Asi cuɗuŋ dla mayra saaŋ ma sunda laɗ hu li ma Jezabel ci suu jok vun Yawena kira kaɗi su? An ŋgay suu jok vun Yawe ki na kis, ɓorowosi irisi ki dok-vadl dok-vadl hu zul ɦinira. An ɦasi funa may, yona may.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

2 SAMUEL 12:31

Suu hu ɦoŋzi nammana nam yowosi, asi tuɗ a li sunda u va ma ŋgaɗ guna u ɓuu kawina, njeɗ kawina. Nam cukusi a ci brikka. Nam li suu hu ɦoŋzi ma vi goryoŋ Amonna ni ko ndaɗta na. David u suu mamsina halaŋ hoŋ ay Yerusalem.

1 MULINA 19:13

Hu li ma Eli hum soo ndaɗta na ni, baa yam ki u baraw mamma, nam kal ay ki mba col ki fun zul ɦinira, della ɓakam ay ana, «Aŋ mba ki tani ni kay mege, Eli?»

1 MULINA 19:19

Nam tuɗ wanni, tuɗ fi Elise ma goŋ Safatna horoka. U mbutlugi suu zumma fun tasi cuɓ cuɓ doogo yam mba'. Elise zum u suu a doogo yam mbarana ni u tamba gaw. Eli tuɗ ha keŋem na tokŋi, cukum baraw mamma ha kam na gaw.

2 MULINA 2:8

Eli fok baraw mam ma tamma, ɗuɗum ɗuɗ ni waɗ mbona u namu. Mbona ɓorow ki duk na mba'. Asi calaɗ ha ki ii hiniŋŋa ni sesi ki ni sooy ɦawa na.

2 MULINA 2:13

Baraw ma ay waɗi kel Elina cuk ay ki kaŋgaa. Nam yowom kom yow ni, hoŋ ay fun lum ma Yurdanna, mba col fun voona.

1 DLAŊ MULINARA 20:3

Nam dik suu hu ɦoŋzinana hin hinim ki a li sun guna, li sun kawina, a ka guna u njeɗna. Na ɗaŋŋi David li u ɦoŋzi ma vi goryoŋ Amonna halaŋŋi na. David u suuna halaŋ hin hoŋ ay Yerusalem olo.

ZAKARI 13:4

Hu buu namma ni gegelay ma jok vun Lona hin mbuɗ ki zolona kay sun mamba hu li ma nam jok vun Lona tuna, nam hin ka cuk barawra taɗ tlimiɗta a mbaɗ suuna oloɗi.

HEBRENA 11:25

Moiz min lassa vi suu vi Lona jivi irim su mayra li furira hu cora buu ew daŋga.

HEBRENA 13:3

Saaragi kay suu daŋgayna ko agi ay hu daŋgayna u asi na may. Saaragi kay suu suuna lasasina, ko agi tagira las ni agi na may.