HEBRENA 11:36 - Boy Lonana

³⁶ Suu daŋŋa asi ŋgulusiya, ɓeŋesiya, suu daŋŋa, asi njunusi u galina, cukusi daŋgayna.

HEBRENA 11:36 ပူးပေါင်းရင်းမြစ်များ

JEREMI 20:2

Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

URA TIN AYRA 39:20

Nam vi Yosef gam daŋgayna, hu li ma suu daŋgay suu vi mulnana ka huna, nam ti daŋgay mamma ni huwa.

2 DLAŊ MULINARA 30:10

Suu vun sunda tuɗ ki hu ɦoŋzi ma ŋgolona dew dew halaŋ hu mbassa Efrayimba ura vi Manasera ta ta tew ay ki Zabulon. Na may asi san usiya, panasi lay.

HEBRENA 10:34

Agi fagi wihawra hu daŋgayna u yowra asi yowogi tlegeyegira, li ni tlena baay lay, agi vi kagi u furira, kay ki wi kagi ana bege ma gasina ma kak didinna ha foko.

MATIYE 23:34

Agi hum haa! An hin sunugi suu jok vun Lonna u suu wi yal boyna u suu wi magaara aya. Agi hin ci suu ki ɦiw, hin ɓal suu taa ki ɦiw hu gu ma garakgina may, suu daŋŋa agi hin poŋosi hu Zira Tokka may, agi hin cuɗusi usi ɦoŋzina halaŋ may.

JEREMI 20:7

Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.

2 DLAŊ MULINARA 16:10

Aza hurum ɓeŋ eg sa ma jok vun Lona cocoo. Nam vam gam daŋgayna. Boy mamma ɓalakam hurum ki cocoo. Hu coki ndaɗta gaw ni Aza gijaŋ las suu vo hu mbas mambana.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

2 TIMOTE 2:9

An wihawra ka njuni kaŋga u galina kay an ka di Boy ma Ayra namma ko sa ma li dla cora na lay ni Boy Lonana ka njuni kaŋgaɗi.

2 TIMOTE 1:16

Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

SUNDA 24:27

Li basara mba' ŋgoo dagan Porsiyus Festus varak balam Feliks a mulna. Feliks min a li tam jivi ii suu Juifna, ni nam hin Pol hu daŋgayna.

SUNDA 21:33

Sa ma ŋgol asgaana mba eg Pol kalani vamu, dasi ana ɗagam u galina mba', hin joɓom ana nammi gege? Nam li mege?

SUNDA 8:3

Sol so tam ana nam bulum vira vi suu vi Kristuna kiyo. Nam tuɗ ki vi suuna na dew dew halaŋ a halasira. Njufi suu vina u boyogi suu vina nam yowosi cukusi daŋgayna.

SUNDA 5:40

Asi yi suu vovoɗta ay yi ni poŋosi poŋ poŋŋi hinisi asi tuɗa, dasi ana tuɗ dagi boy kay sem Yesu oloɗi kama. Hinisi tani cuk tasi ni na gaw.

SUNDA 5:18

Asi yowosi yowni cukusi daŋgayna.

SUNDA 4:3

Asi yowosi cukusi daŋgayna a juɓ buu ma vinna tuwa, kay lina kal ki wa.

Boy Ma Ayra Ma LUK Ɓiirimma 23:36

Suu asgaana panam lay. Asi ɦuɗ tasi egem ɦuɗni, ɦam sum ma dlayna,

Boy Ma Ayra Ma LUK Ɓiirimma 23:11

Herod u asgaa mamsina pan Yesu cocoo, waɗam lay, cukum baraw ma jivina tamu, hoŋom maŋ Pilat.

Boy Ma Ayra Ma LUK Ɓiirimma 18:32

Asi hin ɦam ki maŋ suu ɦawana, asi hin panamu, hin ŋgulumu, tofoɗom yoyona kam lay.

MARK 10:34

Suu asina hin poŋom lay, tofoɗom yoyona kam lay, panam lay, cam ki maɗna lay. Hu buu ma hindina, nam hin paɗ ki kolo iiriya.»

MATIYE 27:26

Pilat gasi Barabbas kiyo, Yesu nam poŋom poŋŋi, ɦasina a ɓalam kay gu ma garakŋa.

MATIYE 21:35

Suu li sunda hu senena yow suu asina, waɗ ma hiŋŋa, ci maa ki maɗ dew may, duu ma hiŋŋa gikka u gogoyra may.

MATIYE 20:19

Asi hin ɦam ki maŋ suu ɦawana. Suu asina hin panamu, cam waɗta, ɓalam ki kolo hu gu ma garakŋa lay. Hu buu ma hindina ni, nam hin paɗ ki kolo iiriya.»

JEREMI 38:28

Jeremi hin kak hu taraŋ ŋgolla ta ta hu buu ma asi tli Yerusalem kina.

JEREMI 36:6

Aŋ tuɗ hu u taŋga hu buu ma li laara hu zira vi Lonara, col iriŋ ha kay suuna na ndum boy ma ɓiiri hu bakkana ma aŋ ɓiirim an daŋŋa col ay fun Yawena. Ndumum ki maŋ suu Yuda suu col ay hu ɦoŋziisina zeɗ zeɗ mbayna.

JEREMI 29:26

«Yawe tiniŋŋi namu balam mul ma li ɓivunna, Yoyada, ko ndal mul ŋgol ma li ɓivunna hu zira vi Lonara kay suu tuɗ kolo duk ɦawana a aŋ njunusi u galiina kaŋgaa.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

2 MULINA 2:23

Nam tuɗ ha kolo hu Betel, hu li ma nam taɓa ha kolo hu voɗta na ni, gorkemba sel ay ki hu ɦoŋzina panam di ana, «Tuɗa, sa ma yam korina, tuɗ ɗow sa ma yam korina.»

1 MULINA 22:27

Agi tuɗ dasi ana, Mulna ɓak ay ana gagi sa namma daŋgayna. Ҥammi u fu ma hin kina u yona may ta ta juɓ buu ma an hoŋ ay ki vo ɦawa va lan kaɗina tuwa.»

1 MULINA 22:24

Sedekiya, ma goŋ Kenaana, ɦuɗ tam ay eg Mise mba cam kiriŋim di ana, «Musukka vi Yawera kal ay ki funun a daŋ boyna ni saɓage?»

SUU KAƁAKŊA 16:25

Hu li ma asi ka furi coco nana, asi di ana, «Yagi Samson aya. Nam mbay laygi dlara sanda nde.» Asi sun ana tuɗ hal Samson ay hu zira daŋgayna. Suuna wam na ni, furi cocoo. Asi mba colom ki eg garak ma duk gayra hu ziŋ loosinara.

EFESNA 3:1

Ni an Pol sa ma daŋgayna vi Kristu an cen Lona kagi agi suu ka njaf suu Juifnaɗina.

JEREMI 32:8

Ko Yawe dira na ni, Hanameel, ma goŋ bun mbanana, mbay egen hu taraŋ mayra an goloɗta dan ana, «Gusun sene man ma Anatotna, hu mbassa vi Benjaminda, kay voɗta li dla ndaɗta hinni maŋu, voɗta hoŋom ay gussara lay, li dla ndaɗta kiyo.» Na ɗaŋŋi an wi ana dla ndaɗta ni boy ma vi Yawena.

JEREMI 39:15

Yawe ɓak boy mamma maŋ Jeremi hu li ma nam ki duki hu taraŋgana ana,

2 DLAŊ MULINARA 18:26

Agi dasi ana, an di ha ana gi sa namma daŋgayna, ɦammi fu ma cona u yo ma cona ta ta an hoŋ ay ki vo jivi hu duuna tuwa.»

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.