HEBRENA 11:3 - Boy Lonana

³ U vira aygi hum ana tlena halaŋŋi min ay ni u boyna vi Lona. Kay tlesuu aygi ka wasi u iriygina minisi ni vama sa ka wam u irimbina.

HEBRENA 11:3 ပူးပေါင်းရင်းမြစ်များ

URA TIN AYRA 1:1

Lona gijaŋŋa ay jewni li huulona, li ndaŋgara.

SOOLLA 33:6

Yawe li huulona ni u boy mamma, u tlesuu huulona halaŋŋi u Musuk ma kal ay ki funumma.

SOOLLA 33:9

Nam di ana duliyara liya, ndaɗ li may. Nam ka ŋgomoɗ ni namu, ndaɗ ka gak gak.

EZAYI 40:26

Tlagi irigi kolo, gologi ciciwra gige, sa ma lasina ni gege? Sa ma cukusi ay ki fun tasi na halaŋ ko suu duuna nana ni gege? Asi halaŋŋi suu lam sun mamba, saɓak mamma cocoo, mul mamba ti kasi halaŋ. Va ma sem viɗ ki kam na dew kaɗi.

JEREMI 10:11

Gola ni dlara agi hin dasirara, loogi suu li huulona u ndaŋgara kaɗina hin bulum ki kay ndaŋgara, ki kaŋga u huulona.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

Boy Ma Ayra Ma JAŊ Ɓiirimma 1:3

Lona li tlen halaŋŋi u Boy mamma. Duk tlesuu nam lasina halaŋ va ma bay nam lam u Boy namma kaɗi.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

SUNDA 17:24

Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi.

ROMMA 4:17

Ko ɓiira dira naa, «An tiniŋŋi a njaf suuna ŋgolo mba li a goryoŋu,» fok Lona nammi buygi ma nam vi umma. Lona ma hal iirira maŋ suu miɗina, va ma ka li ginɗina nam lamu.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

1 TIMOTE 4:5

Boy Lonana u cenda cenemba mbuɗ tlena ki jivi halaŋ fok Lona.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

HEBRENA 6:5

Asi wi ki ana Boy Lonana jiviya, asi haɗi a wi saɓakŋa vi duliyara hin mbay fokka lay.

2 PIYER 3:5

Maa humusi ki a gagaɗta kay boyna wanni ay jew dayra Lona diya, huulona u ndaŋgara nam lasiya. Ndaŋgara paɗaɗ ay ki ni duk yona hin miniɗ ni u yo namma,

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»